Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
3
0
Þróttur R.
Mark Doninger '25 1-0
Mark Doninger '66 2-0
Alexander Scholz '84 3-0
01.08.2012  -  19:15
Samsung-völlurinn
Undanúrslit bikarsins
Dómari: Magnús Þórisson
Áhorfendur: 1.197
Maður leiksins: Mark Doninger (Stjarnan)
Byrjunarlið:
13. Arnar Darri Pétursson (m)
4. Jóhann Laxdal
7. Atli Jóhannsson ('81)
8. Halldór Orri Björnsson
9. Daníel Laxdal
14. Hörður Árnason

Varamenn:
21. Snorri Páll Blöndal ('92)

Liðsstjórn:
Hilmar Þór Hilmarsson

Gul spjöld:
Baldvin Sturluson ('89)
Ellert Hreinsson ('62)
Alexander Scholz ('42)

Rauð spjöld:
Fyrir leik
Heil og hjartanlega sæl!

Hér verður bein textalýsing frá undanúrslitaleik Stjörnunnar og Þróttar sem hefst klukkan 19:15. Leikið verður til þrautar á gervigrasinu í Garðabæ.

Flestir reikna með sigri Stjörnunnar sem situr í þriðja sæti Pepsi-deildarinnar á meðan Þróttur er í sjöunda sæti 1. deildarinnar.

Hvorugt þessara liða hefur komist í úrslit bikarsins svo það er ljóst að það munu sögulegir hlutir gerast í kvöld!

Hinn undanúrslitaleikurinn verður annað kvöld þegar Grindavík mætir KR.

Hallur Hallsson, fyrirliði Þróttar, verður ekki með í kvöld þar sem hann tekur út leikbann eftir umtalaða brottvísun gegn Þór Akureyri. Mikill missir fyrir Þróttara.

Það verður einnig spennandi að fylgjast með baráttunni í stúkunni í kvöld en hinir þekktu Köttarar eru vaknaðir til lífsins og mæta Silfurskeiðinni, bestu stuðningsmannasveit Pepsi-deildarinnar.
Fyrir leik
Byrjunarliðin eru komin inn. Athygli vekur að Stjörnumenn eru með Kennie Chopart á bekknum. Mark Doningar byrjar.

Arnar Darri Pétursson er í marki Stjörnunnar eins og hefur verið venjan hjá Stjörnunni í bikarnum.
Fyrir leik
Oddur Björnsson er fyrirliði Þróttar í kvöld í fjarveru Halls. Oddur hefur verið mjög drjúgur fyrir Þrótt í bikarnum.
Fyrir leik
Köttarar, stuðningsmenn Þróttar, fjölmenna í kvöld. Þeir hittust við verslunarmiðstöð í grenndinni og fóru saman í skrúðgöngu á völlinn.
Fyrir leik
Veðrið... við verðum að minnast á veðrið. Það er ofboðslega gott.
Fyrir leik
Ingvar Jónsson, markvörður Stjörnunnar, var í dag valinn í landsliðshóp Íslands fyrir vináttulandsleik gegn Færeyjum. Hann þarf þó að sætta sig við að verma tréverkið í dag því Arnar Darri leikur alltaf bikarleikina.

Dómari í dag er Magnús Þórisson, kokkur frá Sandgerði, en honum til aðstoðar verða þeir Sigurður Óli og Birkir með flögg. Pétur lögga er skiltadómari.
Fyrir leik
Jæja fáum fólk í fjölmiðlastúkunni til að spá:

Ólafur Már Þórisson, Morgunblaðinu:
4-1 sigur Stjörnunnar. Það er pottþétt mál.

Alexander Freyr Einarsson, 433:
Spái því að Arnar Darri fái á sig nokkur klaufamörk en Stjarnan vinni samt sem áður 4-3.

Hilmar Þór, Sport.is:
2-1 sigur Stjörnunnar í framlengingu.
Fyrir leik
Geir Þorsteinsson, formaður KSÍ, er mættur á völlinn og fær sér sæti í Stjörnuhelmingi stúkunnar.
1. mín
Leikurinn er hafinn - Stjörnumenn sækja í átt að Reykjanesbæ í fyrri hálfleik.
Tómas Joð Þorsteinsson, leikmaður Fylkis:
Halldór Hilmisson mun pakka saman Stjörnumönnum í kvöld #fotbolti
7. mín
Já og ég gleymdi að taka það fram að Garðar Jóhannsson er ekki með Stjörnunni í dag þar sem hann er meiddur aftan í læri.

Annars átti Stjarnan fyrstu marktilraun leiksins, laus skalli yfir markið.
11. mín
Stórhætta upp við mark Stjörnunnar eftir hornspyrnur. Þróttarar fá hverja hornspyrnuna á fætur annarri. Mark Doninger bjargaði nánast á línu áðan.
18. mín
Leikurinn er í þokkalegu jafnvægi. Helst ber til tíðinda að stemningin í stúkunni er verulega góð. Silfurskeiðin og Köttarar flottir.

Alexander Scholz átti fínt skallafæri en hitti ekki markið.
21. mín
Fréttaritari Sport.is er hress á Skype í blaðamannastúkunni. Spjallar við dætur sínar sem eru á Vopnafirði. Já svona er tæknin í dag.
23. mín
Þróttarar ná að koma boltanum í markið. Karl Brynjar Björnsson skallaði knöttinn inn eftir aukaspyrnu Halldórs Hilmissonar.

Föst leikatriði eru sterkt vopn hjá Þrótti. Halldór er sparkviss eins og íslenskir fótboltaáhugamenn vita vel. Miðverðirnir Karl Brynjar og Erlingur Jack eru gríðarlega öflugir í loftinu.
24. mín
Mark Doninger með stórhættulegan skalla eftir fyrirgjöf frá Herði Árnasyni en frábærlega varið hjá Ögmundi í marki Þróttar.

Skömmu síðar fékk Þróttur stórhættulega sókn, voru komnir tveir gegn einum en Halldór fór illa að ráði sínu og notaði ekki Vilhjálm Pálmason sem var með honum.

Það er líf og fjör. Stjörnumenn sækja meira eins og kannski var búist við.
25. mín MARK!
Mark Doninger (Stjarnan)
Stjörnumenn hafa tekið forystuna! Halldór Orri Björnsson með skot sem var að stefna framhjá en Mark Doninger kom á siglingunni við fjærstöngina og kom boltanum inn!
30. mín
Stjörnumenn ráða lögum og lofum í leiknum núna. Virðast með öll tök.
Yngvi Eysteinsson, útvarpsmaður:
Sigmundur Kristjáns kemur inn og smyr hann í Samúel seint í seinnihálfleik #fotbolti
37. mín
Frábær sókn Stjörnumanna. Scholz með fyrirgjöf á Halldór Orra Björnsson sem var í ákjósanlegu færi en skaut beint á Ögmund. Flott skyndisókn.

Stjörnumenn talsvert betri í leiknum... sem kemur kannski ekki mjög á óvart.
39. mín
Mark Doninger í dauðafæri en Ögmundur náði að bjarga. Doninger líflegur í þessum leik.
42. mín Gult spjald: Alexander Scholz (Stjarnan)
Náttúrubarnið Scholz lenti í samstuði við Karl Brynjar. Magnúsi dómara fannst Scholz fara of harkalega í Kalla og gaf Dananum gult spjald.
45. mín
Hálfleikur - Stjörnumenn verið öflugri en Þróttur hefur fengið nokkur fín færi. Það getur allt gerst.
46. mín
Seinni hálfleikur er hafinn

Það eru engar sýningar í leikhúsum landsins í kvöld. Allir leikararnir eru staddir hér í Garðabænum. Mörg þjóðþekkt andlit sem styðja Þrótt.
52. mín
Daði Bergsson virtist vera að sleppa í gegn en hann áttaði sig ekki sjálfur á stöðunni sem hann var í og ákvað að fara einhverja fjallabaksleið. Skömmu áður var Oddur Björnsson í ágætis skallafæri en náði ekki nægilega föstum skalla á markið.
61. mín
Ellert Hreinsson nálægt því að bæta við marki fyrir Stjörnuna en skot hans framhjá.
62. mín Gult spjald: Ellert Hreinsson (Stjarnan)
64. mín
Stjarnan í hörkusókn en Ögmundur varði skot frá Alexander Scholz, Halldór Orri fékk svo frákastið en skot hans yfir.

Stjörnuliðið annars verið mjög ólíkt sjálfu sér í seinni hálfleiknum. Dregið sig mikið til baka og verið lítið með boltann. Þróttur verið öflugra liðið.
65. mín
Inn:Andri Gíslason (Þróttur R.) Út:Daði Bergsson (Þróttur R.)
66. mín MARK!
Mark Doninger (Stjarnan)
Aftur skorar Doninger og markið var keimlíkt því fyrra! Hann skóflaði boltanum yfir línuna af nánast engu færi, að þessu sinni eftir skot Baldvins Sturlusonar. Ég sé Þróttara ekki koma til baka úr þessu.
70. mín
Hlynur Hauksson í dauðafæri fyrir Þrótt en skot hans í tréverkið. Þarna hefði hann getað gefið gestunum von.
Hjörvar Hafliðason, sparkspekingur:
Vonandi eru íslenskir sóknarmenn að fylgjast með þessum @GaryLineker mörkum frá @Markdoninger Renna sér 102!
73. mín
Inn:Guðfinnur Þórir Ómarsson (Þróttur R.) Út:Aron Lloyd Green (Þróttur R.)
Sólmundur Hólm, skemmtikraftar:
Sannkallað kjaftshögg sem við Þróttarar erum að fá frá Mark Doninger. #notthefirst
81. mín
Inn:Gunnar Örn Jónsson (Stjarnan) Út:Atli Jóhannsson (Stjarnan)
84. mín MARK!
Alexander Scholz (Stjarnan)
Daninn innsiglar sigurinn og tryggir sæti Stjörnunnar í bikarúrslitum. Frábært mark! Mögnuð fyrirgjöf frá Gunnari Erni Jónssyni varamanni, Scholz kom einn og yfirgjöfinn á fjörstöngina og skoraði.
86. mín
Köttarar flottir í stúkunni. Halda áfram að styðja sitt lið þrátt fyrir að staðan sé orðin vonlaus.
86. mín Gult spjald: Erlingur Jack Guðmundsson (Þróttur R.)
88. mín
Inn:Sigmundur Kristjánsson (Þróttur R.) Út:Hlynur Hauksson (Þróttur R.)
89. mín Gult spjald: Baldvin Sturluson (Stjarnan)
92. mín
Inn:Snorri Páll Blöndal (Stjarnan) Út:Mark Doninger (Stjarnan)
Doninger fær heiðursskiptingu.
93. mín
LEIK LOKIÐ - Stjarnan í bikarúrslit í fyrsta sinn í sögunni!!! Stór stund fyrir Garðabæjarliðið! Til hamingju Stjarnan!
Byrjunarlið:
Erlingur Jack Guðmundsson
1. Ögmundur Ólafsson (m)
4. Helgi Pétur Magnússon
7. Daði Bergsson (f) ('65)
9. Arnþór Ari Atlason
11. Halldór Arnar Hilmisson
14. Hlynur Hauksson ('88)
23. Aron Lloyd Green ('73)
27. Oddur Björnsson

Varamenn:
25. Snæbjörn Valur Ólafsson (m)
2. Kristján Einar Auðunsson
21. Ingvar Þór Ólason
22. Guðfinnur Þórir Ómarsson ('73)
22. Andri Gíslason ('65)
26. Sigmundur Kristjánsson ('88)

Liðsstjórn:

Gul spjöld:
Erlingur Jack Guðmundsson ('86)

Rauð spjöld: