Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍA
1
1
Valur
0-1 Matthías Guðmundsson '86
Garðar Gunnlaugsson '90 1-1
16.09.2012  -  17:00
Akranesvöllur
Pepsi-deild karla
Dómari: Kristinn Jakobsson
Byrjunarlið:
Páll Gísli Jónsson
Arnar Már Guðjónsson
Einar Logi Einarsson
Ármann Smári Björnsson
17. Andri Adolphsson
20. Gylfi Veigar Gylfason
32. Garðar Gunnlaugsson

Varamenn:
12. Árni Snær Ólafsson (m)
10. Jón Vilhelm Ákason ('76)
19. Eggert Kári Karlsson

Liðsstjórn:
Aron Ýmir Pétursson

Gul spjöld:

Rauð spjöld:
Fyrir leik
Kæru lesendur verið velkomin að skjánum og í beina textalýsingu frá leik ÍA og Vals í Pepsí-deild karla.

Leikurinn hefst kl 17:00 en byrjunarliðin eru komin og má sjá þau hér til hliðar.
Matthías Freyr Matthíasson
Fyrir leik
Skagamaðurinn Jóhannes Karl Guðjónsson tekur út leikbann í dag og hjá Val er Atli Sveinn Þórarinsson fjarverandi.
1. mín
Leikurinn er hafinn. ÍA byrjar með boltann og leikur í átt að Akraneshöllinni.
5. mín
Rúnar Már Sigurjónsson á gott skot að marki rétt utan vítateigs. Páll Gísi ver í horn en Skagamenn skalla hornspyrnu Rúnars í burtu.
6. mín
Aftur færi hjá Val. Kolbeinn Kárason skallar að marki eftir fyrirgjöf frá vinstri. Páll Gísli er snöggur niður og handsamar boltann.
7. mín
Skagamenn með sína fyrstu marktilraun. Hallur Flosason skallar að marki eftir fyrirgjöf en Sindri Snær Jensson á ekki í vandræðum með að handsama knöttinn
11. mín
Þarna mátti litlu muna. Kristinn Freyr Sigurðsson á skot rétt utan við vítateigslínuna sem stefnir í vinstra markhornið og Páll Gísli má hafa sig allan við að stýra skotinu út fyrir stöng.
12. mín
Matarr Jobe skallar hornspyrnu Rúnars Más yfir.
14. mín
Það er kraftur í Valsmönnum hér í upphafi leiks og þeir sækja mikið upp vinstra megin. Virðast ætla sér að keyra mikið á Theo Furness sem leikur í stöðu hægri bakvarðar hjá ÍA.
15. mín
Enn fá Valsarar færi. Matthías á stórhættulega fyrirgjöf frá vinstri sem Páll Gísli kýlir út í teiginn þar sem Kristinn Freyr nær til boltans og lætur vaða. Kári Ársælsson hendir sér fyrir skotið og bjargar þarna hugsanlega marki.
19. mín
Rúnar Már sækir inn í vítateig ÍA, skýtur í varnarmann en fær boltann aftur og skýtur aftur í varnarmann.
24. mín
ÍA fær sína fyrstu hornspyrnu. Andri Adolphsson tekur hana stutt en ekkert verður úr henni.
26. mín
Tvö horn í röð hjá Valsmönnum en ekkert verður úr þeim.
27. mín
Frábær sókn Valsara. Rúnar Már á góða sendingu upp í vinstra hornið á Matthías sem sendir boltann á fjærstöngina. Þar er Kristinn Freyr mættur en nær ekki að stýra skallanum almennilega og setur boltann framhjá.
29. mín
Dean Martin með ágæta tilraun. Hann fær háa sendingu rétt utan teigs og lætur vaða en boltinn fer rétt yfir.
32. mín
Það er fjör í þessu og þarna voru Valsarar stálheppnir. Sindri Snær misreiknaði fyrirgjöf Andra Adolphs og blakaði boltann fyrir fæturnar á Halli Flosasyni sem átti að gera betur en negldi boltanum yfir opið markið.
35. mín
Klaufagangur í varnarleik ÍA. Einhver misskilningur í gangi og Andri Adolphs gefur ódýra hornspyrnu. Það kemur þó ekkert út úr henni þar sem Haukur Páll er dæmdur brotlegur í teignum.
37. mín
Kolbeinn Kárason tekur á rás með boltann og lætur vaða með vinstri rétt utan teigs. Skotið fer af varnarmanni og í horn sem ekkert verður úr.
39. mín
Enn eiga Valsarar vel útfærða sókn. Kristinn Freyr sótti á varnarlínu Vals og laumaði boltanum svo inn fyrir á Matthías Guðmundsson. Matthías reyndi að leggja boltann framhjá Páli Gísla en hann sá við honum og varði glæsilega.
41. mín
Kolbeinn Kárason fékk boltann hægra megin í teignum og setti boltann rétt framhjá úr þröngu færi. Tvö virkilega góð færi í röð hjá gestunum í Val.
45. mín
Kristinn Jakobsson hefur flautaði til hálfleiks. Það er óhætt að segja að Valsmenn hafi verið betra liðið á vellinum þessar fyrstu 45 mínútum leiksins en enn er markalaust.
47. mín Gult spjald: Jónas Þór Næs (Valur)
Jónas Tór Næs fær að líta gula spjaldið fyrir brot á Gary Martin.
50. mín
Netið er búið að vera leiðinlegt hérna en síðari hálfleikur er hafinn og Valsmenn hafa þegar fengið tvær hornspyrnur. Horn númer níu og tíu en ekkert kemur út úr þeim.
53. mín
Jobe hittir boltann illa eftir fyrirgjöf og boltinn dettur ofan á þaknetið á Valsmarkinu. ÍA fær í kjölfarið aðra hornspyrnu sína en Valsarar ná að koma boltanum frá eftir örlítinn darraðadans í teignum.
56. mín
ÍA fær aukaspyrnu um 25 metra frá marki. Hallur Flosason tekur spyrnuna sem er góð og fer rétt framhjá.
57. mín Gult spjald: Úlfar Hrafn Pálsson (Valur)
Úlfar Hrafn fær að líta gula spjaldið eftir brot á Furness. Brotið átti sér stað á hægri kanti Skagamanna og Andri Adolphsson sendi boltann fyrir úr aukaspyrnunni. Valsmenn koma boltanum í burtu.
60. mín
Inn:Jesper Holdt Jensen (ÍA) Út:Hallur Flosason (ÍA)
Skagamenn gera fyrstu breytinguna á liði sínu.
62. mín
Andri Adolphsson leikur inn á völlinn og lætur vaða rétt utan teigs. Skotið er fast en beint á Sindra Snæ.
64. mín
Góð sókn hjá heimamönnum. Dean Martin og Garðar Bergmann leika upp hægri kantinn og koma boltanum fyrir þar sem Andri Adolphsson er mættur fyrir framan markið. Andri nær þó ekki almennilega til boltans og missir hann yfir sig.
67. mín
Enn eiga Valsarar marktilraun. Úlfar Hrafn á hættulega fyrirgjöf/skot utan af vinstri kanti sem stefnir í markhornið fjær. Páll Gísli má hafa sig allan við við að blaka boltanum aftur fyrir í horn.
68. mín
Ekkert verður úr hornspyrnu númer ellefu en hún var þó hættulegri en margar fyrri spyrnur.
68. mín
Inn:Indriði Áki Þorláksson (Valur) Út:Ásgeir Þór Ingólfsson (Valur)
Táningurinn Indriði Áki leysir Ásgeir Þór af.
72. mín
Valur fær tólftu hornspyrnuna en Skagamenn vinna boltann og Dean Martin á frábæra sendingu upp í hægra hornið á Garðar sem kemur boltanum fyrir en hann svífur yfir Jesper Jensen sem var mættur á harðahlaupum.
76. mín
Inn:Jón Vilhelm Ákason (ÍA) Út:Wentzel Steinarr Ragnarsson Kamban (ÍA)
78. mín
Sindri Snær blakar fyrirgjöf aftur fyrir. Valsmenn koma hornspyrnu Furness í burtu.
79. mín
Inn:Guðmundur Þór Júlíusson (Valur) Út:Kolbeinn Kárason (Valur)
82. mín
Varamaðurinn Þórir Guðjónsson á skot hátt yfir eftir ágæta sókn Vals.
86. mín MARK!
Matthías Guðmundsson (Valur)
MARK! Valsmenn eru komnir yfir. Valsmenn brunuðu í sókn eftir hornspyrnu ÍA. Boltinn barst fram á miðjan völlinn þar sem Guðjón Heiðar og Indriði Áki reyndu báðir að ná til hans. Guðjón braut á Indriða en boltinn flaut áfram í gegnum þá báða og á Matthías Guðmundsson sem kom á harða spretti. Aleinn brunaði hann inn í teig og lagði boltann framhjá Páli Gísla.
89. mín
Inn:Atli Heimisson (Valur) Út:Matthías Guðmundsson (Valur)
90. mín MARK!
Garðar Gunnlaugsson (ÍA)
1-1!!! Jahérna hér. Garðar Bergmann Gunnlaugsson er búinn að jafna leikinn fyrir ÍA með skoti úr teignum eftir barning. Það er dramatík hérna í lokin.
91. mín Gult spjald: Haukur Páll Sigurðsson (Valur)
Leik lokið!
Kristinn Jakobsson hefur flautað til leiksloka. 1-1 jafntefli er niðurstaðan eftir dramatískar lokamínútur.
Byrjunarlið:
Matthías Guðmundsson ('89)
7. Haukur Páll Sigurðsson
10. Kristinn Freyr Sigurðsson

Varamenn:
6. Sindri Scheving
23. Andri Fannar Stefánsson

Liðsstjórn:

Gul spjöld:
Haukur Páll Sigurðsson ('91)
Úlfar Hrafn Pálsson ('57)
Jónas Þór Næs ('47)

Rauð spjöld: