Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Breiðablik
1
1
Fylkir
0-1 Ingimundur Níels Óskarsson '56
Sverrir Ingi Ingason '90 1-1
20.09.2012  -  17:00
Kópavogsvöllur
Pepsi-deild karla
Aðstæður: Logn, milt og fallegt haustveður
Dómari: Erlendur Eiriksson
Áhorfendur: 766
Byrjunarlið:
4. Damir Muminovic ('72)
15. Davíð Kristján Ólafsson
18. Finnur Orri Margeirsson
19. Kristinn Jónsson
27. Tómas Óli Garðarsson ('60)
30. Andri Rafn Yeoman
77. Þórður Steinar Hreiðarsson

Varamenn:
2. Gísli Páll Helgason
9. Elfar Árni Aðalsteinsson ('72)

Liðsstjórn:
Olgeir Sigurgeirsson
Sigmar Ingi Sigurðarson

Gul spjöld:
Þórður Steinar Hreiðarsson ('86)
Finnur Orri Margeirsson ('66)

Rauð spjöld:
Fyrir leik
Komiði sæl og verið velkomin í beina textalýsingu frá leik Breiðabliks og Fylkis í 20. umferð Pepsi-deildar karla. Liðin eru klár hér sitthvorum megin við textann.
Hafliði Breiðfjörð
1. mín
Erlendur Eiríksson hefur flautað til leiks hér á Kópavogsvelli. Fylkismenn sækja í átt að Fífunni.
3. mín
Blikar eru búnir að fá fimm horn hérna á upphafsmínútunum, þar af fjögur í röð. Þriðja spyrnan var hættulegust en Sverrir Ingi Ingason átti skalla í þverslá.
5. mín
Blikar eiga fína sókn upp hægri kantinn sem lýkur á máttlausu skoti frá Rohde.
13. mín
David Elebert á fyrstu marktilraun Fylkis. Björgólfur Takefusa leggur boltann út í skot með kassanum en Elebert setur hann yfir markið.
15. mín
Dauðafæri hjá Blikum. Everson skallar boltann inn fyrir á Nichlas Rohde. Hann er aleinn á teignum en gefur sér lítinn tíma til að athafna sig og setur boltann framhjá.
17. mín
Fínasta sókn hjá Fylki. Ingimundur Níels finnur Emil Ásmundsson uppi í hægra horninu. Emil á stórhættulegan bolta fyrir markið en Kale er á undan Takefusa í boltann.
20. mín
Fylkir með aðra fína sókn upp hægra megin. Finnur Ólafsson á góða skiptingu upp á Ingimund en hann flýtur sér of mikið í fyrirgjöfinni og kemur boltanum ekki á samherja.
27. mín
Takefusa með skemmtileg tilþrif hjá Fylki. Fær boltann í teignum, snýr á varnarmann og nær skoti á markið en Ingvar Kale ver vel.
28. mín
Blikar bruna í sókn hinum megin. Kristinn Jónsson lyftir boltanum inn á Everson sem reynir viðstöðulaust skot yfir Bjarna Þórð sem er kominn vel út úr markinu. Fylkismenn sleppa með skrekkinn því boltinn svífur yfir á fjær.
31. mín
Ásgeir Börkur á viðstöðulaust skot utan teigs eftir hornspyrnu en boltinn fer framhjá.
36. mín
Finnur Orri vann boltann af harðfylgi inná miðjunni og laumaði boltanum inn í teiginn á Everson, þar kom Rohde hinsvegar aðvífandi og tók boltanum af samherja sínum til þess eins að næla sér í þrengra færi og Fylkismenn vinna boltann.
39. mín
Hætta upp við Fylkismarkið. Rafn Andri laumar boltanum á fjærstöng þar sem Tómas Óli Garðarsson kemur á fleygiferð og nær skoti úr þröngu færi. Bjarni Þórður ver boltann í horn.
40. mín
Ingimundur Níels á hörkuskot af teigslínunni eftir hornspyrnu. Ingvar Kale má hafa sig allan við að blaka boltanum í horn.
43. mín
Fylkismenn eiga enn eitt þrumuskotið. Í þetta skiptið er það Magnús Þórir sem lætur vaða rétt utan teigs en Kale er eins og köttur í markinu og ver boltann í horn, alveg út við stöng.
45. mín
Kominn hálfleikur á Kópavogsvelli. Leikurinn hefur ekki verið sá skemmtilegasti í sumar en bæði lið hafa átt ágætar marktilraunir.
46. mín
Dauðafæri hjá Fylki hér strax í upphafi síðari hálfleik. Ingimundur vinnur boltann af Rene Troost upp við endalínu hægra megin, leikur framhjá honum og leggur boltann fyrir á Takefusa sem hittir boltann illa, nánast á marklínu og setur boltann yfir.
52. mín
Takefusa reynir skot rétt utan teigs en það er framhjá.
53. mín
Finnur finnur Ingimund hægra megin. Ingimundur sér að Kale er framarlega í markinu og reynir að lyfta boltanum yfir hann en hann lyftir yfir markið í leiðinni. Ingimundur er búinn að vera virkilega sprækur í leiknum.
56. mín MARK!
Ingimundur Níels Óskarsson (Fylkir)
Fylkismenn eru komnir yfir og það er við hæfi að sprækasti maður vallarins hafi skoraði. Ingimundur Níels skallaði góða fyrirgjöf Magnús Þóris örugglega í markið. 1-0 fyrir Fylki.
58. mín Gult spjald: Tómas Joð Þorsteinsson (Fylkir)
Fyrsta spjaldið er komið á loft. Tómas Joð fer með sólann á undan sér og hittir í sköflunginn á Þórði Steinari sem liggur sárþjáður eftir.
60. mín
Inn:Olgeir Sigurgeirsson (Breiðablik) Út:Tómas Óli Garðarsson (Breiðablik)
60. mín
Inn:Arnar Már Björgvinsson (Breiðablik) Út:Ben Everson (Breiðablik)
Það er varla að Blikar séu mættir til leiks hér í síðari hálfleik og Ólafur Kristjánsson gerir tvöfalda skiptingu í von um að lífga upp á leik sinna manna.
66. mín Gult spjald: Finnur Orri Margeirsson (Breiðablik)
67. mín
Blikar nálægt því að jafna. Rafn Andri Haraldsson skallar í stöng eftir sendingu frá varamanninum Arnari Má.
72. mín
Inn:Elfar Árni Aðalsteinsson (Breiðablik) Út:Damir Muminovic (Breiðablik)
Blikar gera sína þriðju og síðustu skiptingu. Elfar Árni leysir Rene Troost af.
75. mín
Inn:Jóhann Þórhallsson (Fylkir) Út:Björgólfur Takefusa (Fylkir)
78. mín
Blikar freista þess að jafna leikinn. Elfar Árni stingur boltanum inn á Arnar Már sem tekur á rás inn í teig en er undir pressu frá varnarmanni og lætur Bjarna Þórð verja frá sér. Arnar fær boltann aftur og fylgir eftir en Bjarni Þórður er snöggur að lesa í aðstæður og ver aftur. Vel gert hjá Bjarna.
80. mín
Inn:Ásgeir Eyþórsson (Fylkir) Út:Emil Ásmundsson (Fylkir)
83. mín
Dauðafæri hjá Fylki. Magnús Þórir rennir boltanum fyrir markið og á Jóhann Þórhallsson sem er mættur í markteiginn en hann hittir boltann illa og setur hann beint á Kale.
86. mín Gult spjald: Þórður Steinar Hreiðarsson (Breiðablik)
Þórður Steinar fær gult fyrir brot á Finni Ólafssyni.
87. mín
Annað dauðafæri hjá Fylki. Tómas Joð kemur boltanum á Jóhann Þórhalls sem er einn gegn Kale en Kale ver frábærlega.
89. mín
Inn:Sigurvin Reynisson (Fylkir) Út:Finnur Ólafsson (Fylkir)
Fylkismenn gera síðustu skiptingu sína á lokamínútunum. Sigurvin Ólafsson á að hjálpa gestunum að sigla sigrinum í land.
90. mín
Ingimundur Níels á enn eina skottilraunina utan teigs. Boltinn framhjá.
90. mín MARK!
Sverrir Ingi Ingason (Breiðablik)
Blikar eru búnir að jafna leikinn hér á lokamínútunni. Elfar Freyr fær langan bolta í gegn, hleypur samsíða varnarmanni og nær ágætu skoti. Bjarni Þórður ver boltann fyrir markið þar sem Sverrir Ingi er aleinn og á ekki í vandræðum með að leggja knettinum í netið.
Leik lokið!
Erlendur flautar til leiksloka. Lokatölur 1-1.
Byrjunarlið:
Bjarni Þórður Halldórsson
Kristján Hauksson
4. Finnur Ólafsson ('89)
7. Ingimundur Níels Óskarsson
10. Ásgeir Börkur Ásgeirsson
11. Kjartan Ágúst Breiðdal
16. Tómas Joð Þorsteinsson
24. Elís Rafn Björnsson

Varamenn:
2. Ásgeir Eyþórsson ('80)
18. Styrmir Erlendsson
28. Sigurvin Reynisson ('89)

Liðsstjórn:

Gul spjöld:
Tómas Joð Þorsteinsson ('58)

Rauð spjöld: