Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
1
0
ÍA
Gunnar Már Guðmundsson '24 1-0
05.05.2013  -  16:00
Hásteinsvöllur
Pepsi-deild karla.
Aðstæður: Góðar. Léttur andvari og nokkuð bjart
Dómari: Gunnar Jarl Jónsson
Áhorfendur: 1055
Maður leiksins: Víðir Þorvarðarson
Byrjunarlið:
6. Gunnar Þorsteinsson
11. Víðir Þorvarðarson
23. Eiður Aron Sigurbjörnsson

Varamenn:
5. Jón Ingason
22. Gauti Þorvarðarson

Liðsstjórn:
Hermann Hreiðarsson (Þ)
Guðjón Orri Sigurjónsson

Gul spjöld:
Eiður Aron Sigurbjörnsson ('59)

Rauð spjöld:
Fyrir leik
Gleðilega hátíð!

Verið hjartanlega velkomin í beina textalýsingu frá fyrsta leik Pepsi deildar karla árið 2013 en það er leikur ÍBV og ÍA.

Leikurinn hefst klukkan 16:00 og eru byrjunarliðin við það að detta inn.

Við minnum á twitter, ef þið eruð með einhverjar skemmtilegar færslur endilega notið #Fotbolti og aldrei að vita nema að ég taki vel valdar færslur og birti hér.

Það eru góðar aðstæður til knattspyrnuiðkunnar í Eyjum í dag og hef ég fulla trú á að leikmenn muni sína frábæra takta, enda iða þeir í skinninu að komast út á völlinn
Fyrir leik
Byrjunarliðin eru klár hér til hliðar.

David James mun leika sinn fyrsta leik í Pepsi-deildinni en hann er í byrjunarliði ÍBV.

Hermann Hreiðarsson, þjálfari ÍBV, byrjar á bekknum í leiknum í dag en Bradley Simmons, nýjasti leikmaður Eyjamanna, er í byrjunarliðinu.

ÍA er án Garðars Gunnlaugssonar sem er meiddur á nára en Joakim Wrele, nýjasti leikmaður Skagamanna, byrjar á bekknum.
Magnús Már Einarsson
Fyrir leik
Liðin eru við það að ganga út á völlinn í þessum skrifuðum orðum. Ég get ekki neitað því að spenningurinn er að magnast hjá mér með hverri mínútunni. Þetta er það sem allir knattspyrnuaðdáendur Íslenskra knattspyrnu hafa beðið eftir síðustu mánuði.

Þórarinn Ingi Valdimarsson @thorarinnv

Lookar vel starting hjá IBV, Gunni og Viddi frammi góð blanda!
Fyrir leik
Ég ætla að leyfa mér að fullyrða það og án þess að það sé á neinn hallað, að mesta spennan fyrir leikmanni í íslenskum fótbolta sé í dag með tilkomu David James.

Það verður virkilega fróðlegt að sjá hvernig þessi stórkostlegi markmaður sem er að verða 43 ára muni plumma sig í dag. Hann hefur átt magnaðan feril og því gríðarlega skemmtilegt að fá þennan leikmann í íslenska boltann.
Edda Sif Pálsdóttir @EddaSifPalsd

Hér hefjum við fótboltasumarið 2013 #íbv #davidjames #fotbolti
Fyrir leik
ÍBV mæta með töluvert breytt lið frá því í fyrra. Fyrir utan títtnefndan David James að þá er Bradley Simmonds og Gunnar Þorsteinsson nýir leikmenn. Eiður Aron Sigurbjörnsson er svo kominn aftur úr atvinnumennsku, en hann er á láni frá Örebro og Gunnar Már Guðmundsson var meiddur næstum allt tímabilið í fyrra.

Skagamenn eru með lítið breytt lið frá því í fyrra. Tveir nýliðar eru í byrjunarliðinu þeir Jan Mikel Berg og Maksims Rafalskis. Síðan eru Þórður Birgisson og Joakim Wrele á bekknum en þeir eru einnig nýliðar hjá Skagamönnum.
Marella Steinsdóttir @MarellaSteins

Koma svo Skagamenn!!!!! Fylgist með alla leið frá London, hlakka til að sjá James fá sitt fyrsta mark í Pepsi á sig ;) #fotbolti #ia
Brynjólfur Þór Guðm @BrynThor

Íslandsmótið að byrja og ég fastur í vinnu. Varnartröllin sjá um gamalmennið. 2-1 útisigur þeirra gulu. #ÁframÍA #Skagamenn #fotbolti
Fyrir leik
Leikmenn ganga út á völlinn og lagið ,,Þar sem hjartað slær" þjóðhátíðarlagið frá því í fyrra hljómar. 3 mínútur í þetta!
1. mín
Skagamenn byrja með boltann og þetta er byrjað! Góða skemmtun!!!
1. mín
Víðir Þorvarðarson fær aukaspyrnu rétt fyrir utan vítateig ÍA.
2. mín
Víðir tók spyrnuna beint á kollinn á Bradley Simmonds sem skallaði framhjá. Ágætis færi þar á ferð.
4. mín
Skagamenn fengu hornspyrnu en David James var vel á verði og greip boltann.
6. mín
Önnur hornspyrna skagamanna í leiknum. Hún var ekki nógu vel tekin og þetta rann út í sandinn hjá þeim.
8. mín
Bradley Simmonds tók svokallaða enska tæklingu á Arnar Má sem lá eftir. Gunnar Jarl ræðir við Bradley og biður hann um að passa þetta.
10. mín
Gunnar Þorsteins tæklaði Andra Adolphsson hér á miðjum velli og lá Andri eftir. Gunnar fékk tiltal frá Gunnari Jarli. Eyjamenn taka vel á skagamönnunum þessar fyrstu mínútur.

Leikurinn hefur farið ágætlega af stað. Eyjamenn hafa verið meira með boltann en engin færi hafa enn litið dagsins ljós.
16. mín
Tonny Mawejje með skot að marki ÍA utan af velli en boltinn fór langt framhjá.
21. mín
Arnór Eyvar með stórkostlegt skot af 20 metra færi sem Páll Gísli gerði vel í að verja. Mátti litlu muna og það verður að segjast eins og er að Eyjamenn eru mun líklegri til þess að verða fyrstir til að skora á þessu Íslandsmóti.
24. mín MARK!
Gunnar Már Guðmundsson (ÍBV)
Stoðsending: Víðir Þorvarðarson
Gunnar Már með fyrsta mark Íslandsmótsins 2013. Víðir Þorvarðarson átti skot sem Páll Gísli varði, Víðir náði boltanum aftur og sendi fyrir þar sem Gunnar Már náði til boltans og setti í markið. Lagleg sókn þar á ferð.
26. mín
Eyjamenn fengu hornspyrnu. Gunnar Már fékk boltann og skaut rétt yfir. Eyjamenn mun sterkari.
Tanja Tómasdóttir @tanjatomm

Fyrsta mark sumarsins á Hásteinsvelli woohoo !! #IBV #Pepsi #fotbolti
28. mín
Annað skot Skagamanna í leiknum og það átti Jói Kalli. Skotið var laust og David James átti ekki í neinum vandræðum með að verja það.
34. mín
Það hefur nú róast aðeins yfir leiknum. Eyjamenn hafa komið þeim sem þetta ritar á óvart með spilamennsku sinni. Virkilega vel spilandi og leikandi bolti sem þeir eru að spila í dag. Skagamenn eru aftur á móti ekki nógu skapandi og það sést á því að þeir hafa ekki skapað sér nein færi.
35. mín
Eggert Kári með ljótt brot á Eiði Aroni. Hann fær tiltal frá Gunnari Jarli. Þetta hefði alveg getað verðskuldað gult spjald.
39. mín
Andri Adolphsson í ákjósanlegu færi en hitti boltann illa og David James átti ekki í neinum vandræðum með að verja þetta skot. Illa farið með besta færi ÍA í þessum leik það sem af er.
42. mín
Víðir Þorvarðarsson með hörkuskot en Páll Gísli varði vel. Víðir búinn að vera besti maður ÍBV í þessum leik.
45. mín
45 mínútan komin en Gunnar Jarl bætir væntanlega 1 - 2 mínútum við.
46. mín
Tonny Mawejje fór í boltann og lá eftir á vellinum.
46. mín
Það er kominn hálfleikur og ÍBV verðskuldað með forystu. Við fáum okkur kaffi og með því og komum aftur eftir skamma stund.
46. mín
Leikurinn er hafinn á ný.
51. mín
Skemmtilegar upplýsingar sem kollegi minn á mogganum er með. Gunnar Már er búinn að skora fyrir fjögur lið í efstu deilt. ÍBV, Þór, Fjölnir og FH.
52. mín
Eggert Kári fékk langa sendingu fram og var við það að komast einn á móti James í markinu en Eiður Aron náði að koma í veg fyrir það með góðri tæklingu. Skagamenn aðeins líflegri þessa stundina. Spurning hvort að Þórður hafi tekið nettan Ferguson á liðið inn í klefa.
54. mín
Jói Kalli með aukaspyrnu út við hliðarlínu. Spyrnan var vel tekin en sóknarmaður ÍA beygði sig niður og boltinn lenti beint í fanginu á James!
55. mín
Inn:Ragnar Leósson (ÍBV) Út:Bradley Simmonds (ÍBV)
Bretinn fer út af og Ragnar fær tækifæri á móti sínum gömlu félögum en hann er uppalinn skagamaður. Bradley búinn að vera dapur í þessum leik.
59. mín
Inn:Hákon Ingi Einarsson (ÍA) Út:Aron Ýmir Pétursson (ÍA)
Joakim fær tækifæri til að komast inn á í fyrsta sinn fyrir Skagamenn. En hann kom til þeirra í vikunni.
59. mín Gult spjald: Eiður Aron Sigurbjörnsson (ÍBV)
60. mín
Gunnar Már átti góðan sprett hér upp hægri kantinn og fékk frítt spil. Sendi hann fyrir þar sem Ragnar Leósson náði skoti sem fór í varnarmann.
64. mín
Inn:Gylfi Veigar Gylfason (ÍA) Út:Arnar Már Guðjónsson (ÍA)
66. mín
Eggert Kári fékk aftur tækifæri á að komast í dauðafæri með því að sleppa einn inn fyrir vörn ÍBV en Eiður Aron var á tánum líkt og áðan og stöðvaði sóknina.
68. mín
Inn:Þórður Birgisson (ÍA) Út:Eggert Kári Karlsson (ÍA)
Eggert Kári fer af velli og markahæsti maður 2 deildar síðasta sumar Þórður Birgisson kemur í hans stað.
71. mín
Ekki mikið að gerast í leiknum þessa stundina. Frekar mikið jafnræði með liðunum eins og er. Stefnir í sigur Eyjamanna.
75. mín Gult spjald: Darren Lough (ÍA)
79. mín
Theo Furness átti sendingu fyrir þar sem Joakim náði að skalla boltann, því miður fyrir Skagamenn var skallinn ekki fastur og James ekki í neinum vandræðum með að verja.
80. mín
Inn:Ragnar Pétursson (ÍBV) Út:Tonny Mawejje (ÍBV)
Ragnar Pétursson, drengur fæddur 94 kemur hér inn á í stað Tonny.
81. mín
Ragnar Leósson í dauða dauða dauða færi eftir sendingu frá Víði. Ragnar var einn á móti Pál Gísla en skot hans fór í hliðarnetið.
83. mín
Gunnar Már með skalla rétt yfir markið eftir frábæra sendingu frá Matt Garner. ÍBV að bæta í leik sinn.
85. mín
Hermann Hreiðarsson þjálfari ÍBV virðist vera að hita upp á hliðarlínunni. Veit þó ekki hvort að hann sé bara að halda sér heitum eða hvað.
87. mín
Inn:Hermann Hreiðarsson (ÍBV) Út:Ian Jeffs (ÍBV)
Stúkan ærist því að Hermann Hreiðarsson kemur inn á völlinn í stað Ian Jeffs. Hann þurfti þó að taka af sér giftingarhringinn að því virðist og tók það smá tíma.
90. mín
Venjulegur leiktími er við það að renna út og Eyjamenn því líklegast komnir með verðskulduð 3 stig í hús. Þó er bætt við 5 mínútum og það getur allt gerst.
Leik lokið!
Leiknum er lokið með sanngjörnum sigri ÍBV. Þeir verða klárlega sterkir í sumar og efast um að vörnin muni þurfa að fá mikið af mörkum á sig. Víðir Þorvarðarsson þeirra besti maður í dag.

Skagamenn voru daprir í dag. Sköpuðu sér engin færi. Þurfa að gera betur ef þeir ætla ekki að lenda í vandræðum í sumar.
Byrjunarlið:
Jóhannes Karl Guðjónsson
Páll Gísli Jónsson
Aron Ýmir Pétursson ('59)
Arnar Már Guðjónsson ('64)
Ármann Smári Björnsson
10. Jón Vilhelm Ákason
17. Andri Adolphsson
19. Eggert Kári Karlsson ('68)
27. Darren Lough

Varamenn:
12. Árni Snær Ólafsson (m)
2. Hákon Ingi Einarsson ('59)
20. Gylfi Veigar Gylfason ('64)

Liðsstjórn:
Einar Logi Einarsson

Gul spjöld:
Darren Lough ('75)

Rauð spjöld: