Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur Ó.
1
3
Keflavík
Björn Pálsson '3 1-0
1-1 Jóhann Birnir Guðmundsson '64
1-2 Jóhann Birnir Guðmundsson '69 , víti
1-3 Magnús Þórir Matthíasson '90
16.05.2013  -  19:15
Ólafsvíkurvöllur
Pepsi-deildin
Aðstæður: Hægur norðan andvari þvert á völlinn sem ætti ekki að trufla neinn. Völlurinn lítur afskaplega vel út miðað við árstíma og veðurfar!
Dómari: Garðar Örn Hinriksson
Áhorfendur: 500
Maður leiksins: Magnús Þórir Matthíasson
Byrjunarlið:
30. Kaspars Ikstens (m)
Brynjar Kristmundsson
4. Damir Muminovic
5. Björn Pálsson ('91)
7. Tomasz Luba
9. Guðmundur Steinn Hafsteinsson
11. Eyþór Helgi Birgisson ('55)
13. Emir Dokara
15. Farid Zato
19. Jernej Leskovar ('70)
20. Eldar Masic

Varamenn:
1. Einar Hjörleifsson (m)
6. Arnar Már Björgvinsson ('55)
21. Fannar Hilmarsson ('91)
23. Anton Jónas Illugason
25. Insa Bohigues Fransisco

Liðsstjórn:
Kristinn Magnús Pétursson

Gul spjöld:
Tomasz Luba ('68)
Björn Pálsson ('67)

Rauð spjöld:
Fyrir leik
Ólafsvíkurvöllur í fínu standi, sléttur og í réttum lit. Ört fjölgandi auglýsingaskilti í kringum völlinn, verður stöðugt flottari.
Fyrir leik
Þjálfarar liðanna í dag, Ejub hjá Víkingi og Zoran Daniel hjá Keflavík komu til Íslands árið 1992 í sama tilgangi, að leika með HK í gömlu 4.deildinni. Síðan þá hafa leiðir þeirra legið víða en þetta er í fyrsta skipti sem þeir mætast sem þjálfarar í Íslandsmóti.
Fyrir leik
En það eru ekki bara þjálfararnir sem eru að mætast í fyrsta sinn í deild heldur er þetta fyrsti leikur milli þessara liða í deild eða bikarkeppni í sögu þeirra.

Þeir sem hafa áhuga á að fá fleiri mola ættu að kíkja www.helgik.bloggar.is en þar fer eðal-Ólsarinn Helgi Kristjánsson yfir mögulega og ómögulega tölfræði tengda leikjum Víkinga, hafsjór af þekkingu sá gaur og sú síða!
Fyrir leik
Dómaratríó kvöldsins er þannig skipað að Garðar Örn Hinriksson er með flautuna, AD1 eer Sigurður Óli Þórleifsson og AD2 er Birkir Sigurðarson. Sannkallað landsliðstríó.

Eftirlitsmaðurinn er Gunnersaðdáandinn mikli Doddi Lár.
Fyrir leik
Flott fótboltaveður í Ólafsvíkinni, NA 2 m/s og sólarglenna. Verður nú sennilega kalt ef sólin fer, vonum að það verði bara seint!
Fyrir leik
Ein breyting á byrjunarliði heimamanna frá í síðasta leik. Steinar Már Ragnarsson er ekki í hóp í dag og nú er verið að leita skýringa á því. Í hans stað í byrjunarliðið er kominn Eyþór Helgi Birgisson. Tveir af þremur leikmönnum sem komu til Víkings í lok gluggans eru í hóp. Arnar Már sem kom á láni frá Breiðablik og Spánverjinn Insa.
Fyrir leik
Tvær breytingar eru á byrjunarliði Keflvíkinga frá leik þeirra við KR. Ray Anthony fer úr liðinu og úr hóp og Magnús Þórir fer á bekkinn. Í þeirra stað koma Andri Fannar Freysson og Arnór Ingvi Traustason. Benis Krasniqi sem kom á lokadegi gluggans er á bekknum.
Fyrir leik
Komnar skýringar á því að Steinar og Ray eru ekki í hóp í dag.

Steinar er frá vegna veikinda en Ray meiddist á æfingu og viðbúið að hann verði frá keppni lengur en bara þennan leik.
Fyrir leik
Sérkennilegt lagaval í gangi þessa stundina eiginlega. Tónar sem hefðu klárlega allavega ekki fengið að hljóma í klefanum hjá KS á síðasta tug síðustu aldar. Ansi lítið rokk í gangi.
Fyrir leik
Upphitun í gangi undir styrkri stjórn aðstoðarþjálfarana.

Vert að minnast sérstaklega á Jón Örvar Arason einn reyndasta liðsstjóra Íslandssögunnar sem fylgir Keflavíkurliðinu. Hann spígsporar um og metur stöðuna. Hann ætlar að taka myndir af Kirkjufellinu á bakarleiðinni því þeim vannst ekki tími til þess á leiðinni vestur. Gleymir myndavélinni aldrei karlinn!
Fyrir leik
Fólk að týnast á vellinn í góða veðrinu, sýnist flott mæting þó ekki fylgi margir aðkomuliðinu.
1. mín
Leikurinn er hafinn, heimamenn hefja leikinn og leika frá austri til vesturs í átt að Hellissandi.
3. mín MARK!
Björn Pálsson (Víkingur Ó.)
Stoðsending: Eyþór Helgi Birgisson
Eyþór vann sig framhjá tveimur varnarmönnum Keflavíkur og sendi boltann inn í markteig þar sem eftirleikurinn var auðveldur fyrir Björn.
6. mín
Eldar Masic á skot í stöng upp úr stuttri aukaspyrnu Brynjars, stanslaus sókn heimamanna.
14. mín
Keflvíkingar aðeins að fara í gang, hafa náð að vinna sig inn í teiginn en engin færi ennþá. Þeir spila 4-4-2 kerfi.
16. mín
Guðmundur Steinn skallar yfir eftir flotta sendingu Brynjars, hefur verið mjög líflegur hér í byrjun leiks!
20. mín
Eldar Masic fíflar tvo varnarmanna Keflavíkur en sendir úr dauðafæri út fyrir teig þar sem Eyþór skýtur rétt framhjá.
22. mín
Keflavík í miklum vanda með að halda boltanum innan liðsins, sparka langt en ekkert kemur úr því.
24. mín
Fyrsta alvöru skot Keflvíkinga að marki. Sending frá hægri en Jugovic neglir hátt yfir.
25. mín
Loksins flott sókn hjá Keflavík, endar á því að Jóhann Birnir skýtur yfir eftir hraða sókn upp vinstri kantinn.
29. mín
Leikurinn rólegur þessa stundina. Hægt að ræða um það að Keflvíkingar virðast hraustari, allir í stuttermabolum en bara einn heimamanna, Farid Zato.
35. mín
Keflavík sterkari þessa stundina, fengið horn og aukaspyrnur í kringum teiginn en ekkert komið út úr þeim markvert. Nema það jú að fyrirliðunum langaði í smá hanaat og spjalla aðeins við Garðar. Gott fyrir hann held ég, hefur verið rólegt á flautunni.
41. mín
Samfellt miðjuþóf og misheppnaðar sendingar þessa stundina.
45. mín
Hálfleikur í Ólafsvík.
45. mín
Verðskulduð forysta heimamanna í kaflaskiptum leik. Einstefna að marki Keflavíkur fyrsta kortérið skilaði marki og stangarskoti.

Komu til leiks með leikkerfið 4-4-2 í farteskinu þar sem Eyþór var "falskur kantur", datt niður í varnarleiknum. Þegar leið á leikinn færði liðið sig aftar á völlinn og endaði hálfleikinn á 4-2-3-1 kerfi.
45. mín
Keflvíkingar steinsofandi í byrjun en þegar leið á leikinn unnu þeir sig inn í hann, en þó algerlega án þess að skapa sér færi til að skora.

Spila 4-4-2 þar sem langt virðist á milli manna, helsta hættan kemur upp vinstri kantinn þar sem Jóhann Birnir hefur náð að skapa usla.

Þurfa að gera miklu betur ef þeir ætla ekki stigalausir heim!
46. mín
Seinni hálfleikur hafinn, liðin óbreytt.
48. mín
Dauðafæri hjá heimamönnum, eftir flotta sókn leggur Guðmundur Steinn boltann með kassanum á vítapunkt þar sem Leskovar stýrir honum rétt yfir. Þarna sluppu Keflvíkingar með skrekkinn góða!
50. mín
Enn heimamenn í dauðafæri, flott sending frá hægri frá Brynjari endaði á kollinum á Guðmundi Stein sem skallaði að marki en Preece varði virkilega vel í horn sem ekkert varð úr. Víkingar byrja seinni mjög sterkt!
54. mín
Eyþór með flott skot rétt framhjá markinu fyrir Víkinga.
55. mín
Inn:Arnar Már Björgvinsson (Víkingur Ó.) Út:Eyþór Helgi Birgisson (Víkingur Ó.)
55. mín
Eyþór kominn útaf, búinn að vera mjög góður í þessum leik, Arnar að spila sínar fyrstu mínútur fyrir Víking.
55. mín
Eldar Masic á skot rétt framhjá, það hlýtur að fara að koma mark hérna. Keflavík virka alveg ráðalausir.
63. mín
Inn:Magnús Þórir Matthíasson (Keflavík) Út:Hörður Sveinsson (Keflavík)
64. mín MARK!
Jóhann Birnir Guðmundsson (Keflavík)
Stoðsending: Magnús Þórir Matthíasson
Upp úr þurru jafnar Keflavík!

Magnús nýkominn inná vinnur sig framhjá hægri bakverði Víkings og sendir á fjærsvæðið þar sem Jóhann Birnir leggur hann fyrir sig og setur hann í nærhorn.
67. mín Gult spjald: Björn Pálsson (Víkingur Ó.)
Stoppar hraða sókn Keflavíkur sem fá skotfæri upp úr aukaspyrnunni.
68. mín Gult spjald: Tomasz Luba (Víkingur Ó.)
Upp úr aukaspyrnu Keflvíkinga hoppar Tomasz upp og rekur höndina í boltann. Víti og gult spjald á Tomasz!
69. mín
Víti. Keflavík
69. mín Mark úr víti!
Jóhann Birnir Guðmundsson (Keflavík)
Kaspars er í boltanum sem lekur inn. Keflavík komnir yfir. Ótrúlegt!
70. mín
Inn:Alfreð Már Hjaltalín (Víkingur Ó.) Út:Jernej Leskovar (Víkingur Ó.)
Ejub fer í 4-4-2
73. mín Gult spjald: Marjan Jugovic (Keflavík)
Rétt fyrir framan Ejub í skýlinu. Sá var nú ekki glaður!
80. mín
Inn:Benis Krasniqi (Keflavík) Út:Jóhann Birnir Guðmundsson (Keflavík)
83. mín Gult spjald: Frans Elvarsson (Keflavík)
84. mín
Keflvíkingar leggjast nú aftar á völlinn, beita skyndisóknum og taka tíma í allt sem þeir geta. Skynsemi...
86. mín
Heimamenn ná ekki enn að skapa hættu, fá að vera með boltann en eru ekki að vinna sig í gegnum varnarlínu Keflavíkur.
89. mín
Pressan frá heimamönnum að aukast en boltinn ennþá of mikið hengdur upp í loft!
90. mín MARK!
Magnús Þórir Matthíasson (Keflavík)
Stoðsending: Fuad Gazibegovic
Upp úr skyndisókn tryggja Keflvíkingar sér sennilega sigurinn. Áfram koma þeir upp vinstri kant, snyrtileg sending inn í markteig þar sem Magnús stangar boltann inn.
91. mín
Inn:Fannar Hilmarsson (Víkingur Ó.) Út:Björn Pálsson (Víkingur Ó.)
92. mín
Inn:Elías Már Ómarsson (Keflavík) Út:Fuad Gazibegovic (Keflavík)
Leik lokið!
Innkoma Magnúsar sneri þessum leik, Víkingar miklu sterkari fram að því. Hann lagði upp jöfnunarmarkið og við það fór allt loft úr heimamönnum.
Byrjunarlið:
Haraldur Freyr Guðmundsson
Jóhann Birnir Guðmundsson ('80)
Sigurbergur Elísson
10. Hörður Sveinsson ('63)
25. Frans Elvarsson

Varamenn:
12. Bergsteinn Magnússon (m)
5. Magnús Þór Magnússon (f)
20. Magnús Þórir Matthíasson ('63)

Liðsstjórn:

Gul spjöld:
Frans Elvarsson ('83)
Marjan Jugovic ('73)

Rauð spjöld: