Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
1
4
Þór
0-1 Edin Beslija '21
Andri Þór Jónsson '23
0-2 Jóhann Þórhallsson '49
0-3 Chukwudi Chijindu '65
0-4 Sigurður Marinó Kristjánsson '71
Viðar Örn Kjartansson '85 1-4
26.05.2013  -  20:00
Fylkisvöllur
Pepsi-deild karla
Dómari: Kristinn Jakobsson
Byrjunarlið:
Bjarni Þórður Halldórsson
4. Finnur Ólafsson ('70)
4. Andri Þór Jónsson
16. Tómas Joð Þorsteinsson
17. Davíð Þór Ásbjörnsson

Varamenn:
10. Andrés Már Jóhannesson
24. Elís Rafn Björnsson

Liðsstjórn:
Oddur Ingi Guðmundsson

Gul spjöld:
Finnur Ólafsson ('60)

Rauð spjöld:
Andri Þór Jónsson ('23)
Fyrir leik
Komiði sæl og verið velkomin í beina textalýsingu frá viðureign Fylkis og Þórs í 5. umferð Pepsi-deildar karla.

Leikurinn er gríðarlega mikilvægur fyrir bæði lið í botnbaráttu deildarinnar. Fylkir er í 11. sæti og því næst neðsta með aðeins tvö stig úr fyrstu fjórum leikjunum en Þór sæti fyrir ofan með þrjú stig.
Hafliði Breiðfjörð
Fyrir leik
Ásmundur Arnarsson þjálfari Fylkis gerir þrjár breytingar á liði sínu frá 2-2 jafnteflinu við Keflavík í síðustu umferð. Árni Freyr Guðnason, Oddur Ingi Guðmundsson og Pablo Punyed sem er fótbrotinn fara út og inn koma þeir Heiðar Geir Júlíusson, Kristján Páll Jónsson og Andri Þór Jónsson.

Hjá Þór er stærsta breytingin sú að Srdjan Rajkovic kemur í markið fyrir Joshua Wicks sem er á fæðingardeildinni og 17 ára drengur, Hristo Petrov Slavkov er varamarkvörður.

Liðið vann Víking Ólafsvík 1-0 í síðustu umerð og frá þeim leik er Baldvin Ólafsson kominn á bekkinn fyrir Andra Hjörvar Albertsson.
Hafliði Breiðfjörð
Fyrir leik
Andrés Már Jóhannesson sem gekk til liðs við Fylki frá Haugesund í Noregi í byrjun mánaðarins er í fyrsta sinn í leikmannahópi Árbæjarliðsins í dag. Hann kom meiddur til félagsins en er klár í slaginn.
Hafliði Breiðfjörð
Fyrir leik
Jóhann Þórhallsson mætir aftur á sinn gamla heimavöll í dag en hann lék með Fylki undanfarin fjögur ár áður en hann fór aftur til uppeldisfélagsins, Þórs, í vetur. Hann skoraði 27 mörk í deild og bikar fyrir Fylki.
Hafliði Breiðfjörð
Fyrir leik
Það styttist í að flautað verði til leiks hér í Árbænum. Það er heldur kuldalegt um að litast, skýjað og svolítill vindur sem blæs í átt að Árbæjarlauginni.
1. mín
Leikurinn er hafinn. Það eru Fylkismenn sem byrja en gestirnir að norðan spila fyrri hálfleikinn undan vindi.
1. mín
Dauðafæri strax í upphafi. Andri Þór Jónsson kemst lipurlega upp að endamörkum hægra megin og rennir boltanum út í teig. Þaðan reynir Viðar Örn viðstöðulaust skot en setur boltann yfir.
2. mín
Fylkisliðið er að byrja vel og Andri Þór vinnur hornspyrnu. Tryggvi sendir boltann á fjærstöng en Orri Hjaltalín skallar aftur fyrir og í horn. Tryggvi færir sig yfir og tekur aðra hornspyrnu en Þórsarar koma boltanum frá.
5. mín
Aftur fá Fylkismenn hornspyrnu. Í þetta skiptið eftir góðan sprett Viðars upp vinstri kantinn. Tryggvi sendir boltann beint á kollinn á Sverri Garðars sem skallar framhjá.
6. mín
Þórsarar eiga sitt fyrsta skot en Mark Tubæk setur boltann vel yfir utan af kanti.
12. mín
Þórsarar fá aukaspyrnu á miðjum vallarhelmingi Fylkis. Mark Tubæk tekur spyrnuna en skot hans er rétt framhjá. Fín tilraun.
21. mín MARK!
Edin Beslija (Þór )
Stoðsending: Mark Tubæk
Það er allt að gerast hérna og netið dettur auðvitað út á suðupunkti. Þórsarar eru búnir að ná forystunni eftir frábært uppspil. Það var Edin Beslija sem lagði lokahönd á glæsisókn með því að skora eftir sendingu Tubæks.
23. mín Rautt spjald: Andri Þór Jónsson (Fylkir)
Þetta er hrikalegur leikkafli fyrir Fylkismenn sem eru orðnir einum færri. Andri Þór brýtur á Jóhanni Þórhalls sem er að sleppa í gegn.
29. mín
Fylkismenn eru ekki búnir að leggja árar í bát. Kristján Páll á hörkuskot sem smellur í þverslánni.
31. mín
Viðar Örn reynir skot af vítateignum eftir laglegan sprett. Fylkismenn eru líflegri þessa stundina þrátt fyrir að vera einum færri.
34. mín
Kristján Páll með góðan sprett upp hægri kantinn og baneitraða sendingu fyrir markið. Viðar Örn rétt missir af sendingunni en Tryggvi kemur í seinna hlaupinu og nær skalla að marki. Skallinn er þó laus og veldur Rajkovic ekki teljandi erfiðleikum. Viðar Örn hefði átt að gera betur þarna.
35. mín
Fylkismenn liggja á Þórsurum þessa stundina. Fylkismenn vilja vítaspyrnu þegar boltinn virðist fara í höndina á varnarmanni Þórs. Það er erfitt að sjá þetta héðan úr blaðamannastúkunni.
45. mín
Fylkir á síðustu marktilraunina í fyrri hálfleik. Davíð Ásbjörnsson neglir aukaspyrnu í varnarvegg Þórs og Kristinn Jakobsson flautar til hálfleiks fljótlega í kjölfarið.
46. mín
Síðari hálfleikurinn er hafinn. Það verður fróðlegt að sjá hvað gerist hér í síðari hálfleik. Fylkismenn hafa í raun verið betri eftir þessar dramatísku mínútur í fyrri hálfleik þar sem þeir lentu undir og misstu mann útaf.
46. mín
Inn:Jóhann Helgi Hannesson (Þór ) Út:Sveinn Elías Jónsson (Þór )
Þórsarar gera tvær breytingar í hálfleik.
46. mín
Inn:Sigurður Marinó Kristjánsson (Þór ) Út:Mark Tubæk (Þór )
49. mín MARK!
Jóhann Þórhallsson (Þór )
Stoðsending: Jóhann Helgi Hannesson
Gestirnir eru komnir í 2-0. Varamaðurinn Jóhann Helgi laumar boltanum laglega inn fyrir á nafna sinn Þórhallsson sem skorar úr þröngu færi gegn sínum gömlu félögum.
56. mín
Inn:Oddur Ingi Guðmundsson (Fylkir) Út:Heiðar Geir Júlíusson (Fylkir)
60. mín Gult spjald: Finnur Ólafsson (Fylkir)
62. mín
Dauðafæri hjá Þórsurum. Jóhann Helgi sleppur í gegn en Bjarni Þórður gerir virkilega vel í að verja frá honum.
65. mín MARK!
Chukwudi Chijindu (Þór )
Stoðsending: Jóhann Þórhallsson
Annað glæsilegt mark hjá gestunum. Jóhann Þórhalls á flotta sendingu utan af vinstri kanti og finnur Chijindu sem stingur sér inn á teiginn. Fyrsta snertingin hjá Chijindu er mögnuð en hann lagði boltann laglega fyrir sig áður en hann setti boltann í netið.
70. mín
Inn:Egill Trausti Ómarsson (Fylkir) Út:Finnur Ólafsson (Fylkir)
71. mín MARK!
Sigurður Marinó Kristjánsson (Þór )
Stoðsending: Jóhann Helgi Hannesson
Jahérna hér. Staðan er orðin 4-0 og það voru varamennirnir sem bjuggu þetta til. Jóhann Helgi kom boltanum á Sigurður Marinó sem klárar örugglega af markteig. Páll Viðar Þórsþjálfari hitti naglann sannarlega á höfuðið með hálfleiksskiptingum sínum en Sigurður og Jóhann Helgi hafa báðir komið feykisterkir til leiks.
74. mín
Það er vissulega erfitt að spila manni færri en það vantar alla baráttu í þá appelsínugulu hérna. Þeir verða að girða sig í brók ef þetta á ekki að fara enn verr.
77. mín
Inn:Atli Jens Albertsson (Þór ) Út:Janez Vrenko (Þór )
82. mín
Inn:Hákon Ingi Jónsson (Fylkir) Út:Tryggvi Guðmundsson (Fylkir)
85. mín MARK!
Viðar Örn Kjartansson (Fylkir)
Stoðsending: Oddur Ingi Guðmundsson
Fylkismenn klóra í bakkann. Viðar Örn fær langa sendingu fram völlinn og klárar vel úr teignum. Það var líklega Oddur Ingi sem átti sendinguna. Vel gert hjá báðum.
89. mín
Það hefur lifnað yfir heimamönnum. Viðar Örn fær boltann við markteig en Rajkovic ver glæsilega í horn. Fylkir fær hornspyrnu í kjölfarið en ná ekki að gera sér mat úr henni.
Leik lokið!
Kristinn Jakobsson hefur flautað til leiksloka hér í Lautinni. Þórsarar vinna virkilega flottan sigur á lánlausum Fylkismönnum. Lokatölur 4-1 og Þórsarar vippa sér upp í 7. sæti. Fylkismenn sitja hinsvegar enn í 11.sæti með 2 stig eftir 5 leiki.
Byrjunarlið:
Sveinn Elías Jónsson ('46)
Orri Freyr Hjaltalín
Andri Hjörvar Albertsson
6. Ármann Pétur Ævarsson
14. Hlynur Atli Magnússon
15. Janez Vrenko ('77)
20. Jóhann Þórhallsson

Varamenn:
12. Hristo Petrov Slavkov (m)
5. Atli Jens Albertsson ('77)
9. Jóhann Helgi Hannesson ('46)
10. Sigurður Marinó Kristjánsson ('46)
13. Ingi Freyr Hilmarsson

Liðsstjórn:

Gul spjöld:

Rauð spjöld: