Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
2
0
Völsungur
Viðar Örn Kjartansson '82 1-0
Viðar Örn Kjartansson '90 2-0
29.05.2013  -  18:15
Fylkisvöllur
Borgunarbikarinn | 32 liða úrslit
Aðstæður: Hægur vindur sem blæs frá Árbæjarlaug og í átt að Nóatúni. 10 stiga hiti og 7/8 skýjað. Vollurinn vissulega flekkóttur á lit en allur að koma til.
Dómari: Vilhjálmur Alvar Þórarinsson
Maður leiksins: Oddur Ingi Guðmundsson
Byrjunarlið:
Bjarni Þórður Halldórsson
Oddur Ingi Guðmundsson
2. Ásgeir Eyþórsson
16. Tómas Joð Þorsteinsson
17. Davíð Þór Ásbjörnsson ('67)
24. Elís Rafn Björnsson

Varamenn:
10. Andrés Már Jóhannesson ('67)
11. Kjartan Ágúst Breiðdal

Liðsstjórn:

Gul spjöld:
Kristján Páll Jónsson ('78)

Rauð spjöld:
Fyrir leik
Greinileg spenna í Árbænum og tilfinningin fyrir leik er að við fáum hörkuleik. Ljóst að það er ekkert vanmat hjá heimamönnum, enda enn án sigurs í fimm deildarleikjum í sumar. Sama á við um Völsunga eftir þrjá slíka í 1.deild.
Fyrir leik
Vilhjálmur Alvar Þórarinsson er á flautunni í dag. AD1 er Sigurður Óli Þorleifsson og AD2 Sindri Kristinsson. Eftirlitsdómarinn er tollvörðurinn góðlegi Kári Gunnlaugsson.

He fools by the looks kids!
Fyrir leik
Völsungar verða án fyrirliðans Hrannars Björns sem er handarbrotinn og Hafþór Aðalgeirsson er enn að ná sér eftir aðgerð.
Fyrir leik
Finnur Ólafsson og Tryggvi Guðmundsson fara úr byrjunarliðinu frá 1-4 tapinu gegn Þór, Oddur Ingi Guðmundsson og Árni Freyr Guðmundsson koma þangað inn í þeirra stað. Kjartan Ágúst Breiðdal situr á bekknum sem hljóta að vera gleðitíðindi fyrir heimamenn.
Fyrir leik
Völsungar gera FIMM breytingar á byrjunarliðinu frá síðasta leik. Hrannar vegna meiðsla en Odrobéna, Guðmundur Óli, Dordevic og Ásgeir fara á bekkinn einnig. Í þeirra stað koma Ármann Örn, Gunnar Sigurður, Sigvaldi, Eyþór og Arnþór.

Squad rotation sem Rafa Benitez hefði orðið stoltur af!
Fyrir leik
Liðin komin út á völl að hita upp. Leikmenn komnir á keilurnar. Haukur Ingi sér um upphtirun heimamanna en mér sýnist Gunnar fyrirliði Húsvíkinga sjá um sína menn.
Fyrir leik
Það er skemmtileg staðreynd að þjálfari Fylkis er uppalinn Völsungur og dettur víst ennþá inná bæjarhátíðir og annan gleðskap í víkinni við Skjálfanda. Hann fékk síðast félagaskipti úr Völsungi í mars 2005.
Fyrir leik
Húsvíkingar eru ansi miklir fótboltistar og hér í skúrinn var að labba inn í blárri HUMMEL Völsungsúlpu Henry nokkur Birgir Gunnarsson. Já elskurnar, það er ekki bara Arnar Björns, Arnór og Mývetningahersveitin Hallgrímsklanið og Smalinn sem eru með grænt í blóðinu!
Fyrir leik
Aðeins er tekið að tínast á völlinn, en þó er töluvert af sætum laust ef að einverjum langar að horfa á leik með liðum í appelsínugulum og grænum búningum! Sem mér finnst eiginlega ekki alveg eiga við íþróttina sem slík, en kannski er það þess vegna sem ég fengi sennilega ekki vinnu í tískubúðinni með Tómasi Inga og Axel Gomez!
Fyrir leik
Borgunarfáninn kominn á sinn stað. Leikmennirnir í röð aftan við og fólk í úlpum með húfur að koma sér fyrir. Einn og einn í græn í stúkunni, mæli sérstaklega með öflugri húfu sem mér sýnist Klingenbergfrúin eer með á kollinum svei mér þá.
Fyrir leik
Til að auka enn á litaflóruna þá mun dómaratríóið skarta ljósbláu. Held að leikurinn greinist úr geimnum svei mér þá!
1. mín
Leikurinn er hafinn. Völsungur byrja með boltann og Fylkismenn sækja frá lauginni, mögulega með smá hjálp frá léttri golu.
2. mín
Leikurinn byrjar fjörlega, bæði liðin búin að fá eina sókn.
5. mín
Fylkir fá fyrsta hornið í dag.
6. mín
Fylkismenn stilla upp í 4-4-2 í kvöld þar sem Árni og Viðar eru uppi á topp, Völsungar byrja í 4-2-3-1 og sitja frekar djúpt.
9. mín
Fyrsta alvöru sókn heimamanna. Fyrst kiksar Árni í markteignum eftir góða vinnu Viðars og stuttu síðar bjarga Völsungar á línu skalla Ásgeirs upp úr horni.
12. mín
Fylkismenn fá að halda boltanum hér, norðanmenn loka svæðum á sínum helmingi. Í rauninni bara Arnþór sem fer inn á vallarhelming Fylkismanna.
15. mín
Veit ekki hvernig er á öðrum völlum í kvöld, en hér er verið að spila með Nike fótbolta...
20. mín
Uppskrift dagsins verður þessi. Fylkismenn munu fá að halda boltanum 60 - 70% í dag. Völsungar sitja ansi aftarlega á vellinum, of mikið fyrir minn smekk. Verjast rétt framan við sinn teig í raun.
22. mín
Hér hefði mögulega mátt dæma víti á Völsunga. Hörkuskot frá Árna af vítateignum virtist smella í hönd varnarmanns þeirra grænu en ekkert dæmt.
23. mín
Kristján Páll vann sig í gegnum vörn Völsungs en skotið máttlaust og í fang Pesic.
25. mín
Davíð Þór með skringilegt leikbrot, kastað grasi í átt að leikmanni Völsungs liggjandi í jörðinni og svo þegar hann stóð upp greip hann um legg viðkomandi, líkt og vanur járningamaður um framlöpp hests og felldi Völsunginn. Vilhjálmur dómari virtist ekki taka eftir þessu og þarna slapp Davíð við klárt spjald.
29. mín
Uppúr engu fá Völsungar dauðafæri. Rútínusending inn í teig virtist vera á leið í hendur Bjarna sem missti hann frá sér. Upphófst mikill darraðadans sem endaði með því að Arnþór náði skoti að marki sem Sverri bjargaði rétt utan línunnar. Fyrsta sinn sem grænir birtast í Fylkisteignum og hefði svo sannarlega getað skilað marki!
31. mín
Oddur Ingi hátt yfir úr ágætu færi á vítateigslínunni.
36. mín
Virkilega flott sókn hjá Fylki. Kristján vinnur sig framhjá Sigvalda og á fína sendingu inn í teig þar sem Viðar skallar rétt framhjá. Besta færi heimamanna.
40. mín
Fylkismenn farnir að verða kærulausari í sendingunum og Völsungar náð að vinna boltann ofar. Enda eru þeir grænu í stúkunni búnir að láta vita af því að "Fylkir er að brotna"...sjáum til með það en Völsungar eru að komast framar á völlinn.
42. mín
Árni Freyr með skalla upp úr horni en Pesic með þetta allan tímann.
43. mín
Rangstöðumark. Árni Freyr þræðir bolatnum í gegnum miðja vörnina á Viðar sem leikur á Pesic og skorar en er flaggaður rangstæður.
45. mín
Hálfleikur.

Dragan klárlega sá ánægðari af þjálfurunum í hálfleik. Leikskipulagið gengur ennþá, sem er býsna gott. Ekki síst ef við skoðum hversu margir í liði þeirra hafa ekki reynslu af svona leikjum.

Fylkismenn þurfa að halda þolinmæðinni í leik sínum. Þegar á leikinn leið virtust þeir aðeins flýta sér um of og þá fengu þeir á sig sóknir sem að sköpuðu hættu.

En Fylkismenn ættu ekkert að vera að stressa sig um of í bili.
46. mín
Seinni hálfleikur kominn af stað. Liðin óbreytt.
50. mín
Leikurinn fer afar hægt af stað. Sömu áherslur í honum...
53. mín
Mývetningar mættir í Lautina! Baldvin Hallgrímsson og Baldur smali bætast í hóp stuðningsmanna Völsungs...
56. mín
Fylkismenn í dauðafæri. Árni og Viðar prjóna sig í gegnum miðja vörnina en Pesic ver skot Árna. Fær hann í andlitið, boltinn hrekkur í Árna og í átt að marki en bjargað í horn.
57. mín
Inn:Vladica Djordjevic (Völsungur) Út:Eyþór Traustason (Völsungur)
57. mín
Inn:Ásgeir Sigurgeirsson (Völsungur) Út:Sindri Ingólfsson (Völsungur)
59. mín
Rokk í þessu. Dejan Pesic markvörður Völsungs féll illa í teignum og strax kallaði dómarinn til sjúkraþjálfara. Sá er búinn að teipa drenginn í rot á lærinu og þeir ætla honum að spila áfram...enda enginn varamarkmaður á bekknum!
63. mín
Leikurinn kominn í gang eftir teipingu Pesic. Hann virkar þjáður.
66. mín
Dordevic fer upp á topp og Arnþór á hægri kantinn. Ásgeir á þann vinstri.
67. mín
Inn:Andrés Már Jóhannesson (Fylkir) Út:Davíð Þór Ásbjörnsson (Fylkir)
Fyrsti leikur Andrésar í sumar.
67. mín
Inn:Péter Odrobéna (Völsungur) Út:Dejan Pesic (Völsungur)
Hlaut að verða. Pesic sárþjáður og þarf að fara að velli. Enginn varamarkmaður á bekknum og fyrirliðinn Gunnar Sigurður fer í markmannstreyju og setur á sig hanskana!

Odrobena fer í hafsentinn.
74. mín
Afskaplega lítið í gangi hér. Fylkismenn eiga mjög erfitt með að skapa sér færi þó þeir haldi boltanum að mestu.
75. mín
Inn:Tryggvi Guðmundsson (Fylkir) Út:Heiðar Geir Júlíusson (Fylkir)
Hlaut að koma að þessu. Tryggvi á að koma að því að vinna þennan leik.
78. mín Gult spjald: Kristján Páll Jónsson (Fylkir)
Stoppar skyndisókn Völsungs á miðjunni. Eins og í fyrri eru farnar að birtast feilsendingar hjá heimamönnum sem Völsungar ná að éta og sækja þá hratt.
81. mín
Fyrsta snerting Gunnars með höndum fær mikil fagnaðarlæti úr græna hluta stúkunnar!
82. mín MARK!
Viðar Örn Kjartansson (Fylkir)
Stoðsending: Kristján Páll Jónsson
Völsungur komnir ansi aftarlega á völlinn síðustu mínútur. Kristján Páll er búinn að vera líflegur og komst á bakvið Sigvalda eins og stundum áður í leiknum. Sendi flotta sendingu inn í markeiginn þar sem verkefni Viðars var auðvelt.
85. mín
Gunnar með fína markvörslu, tók magaskutluna víðfrægu eftir aukaspyrnu Tryggva. Nú kom klapp úr allri stúkunni!
88. mín
Aftur ver Gunnar, nú klippir Árni Freyr boltann úr teignum en slegið í horn.
89. mín
Inn:Egill Trausti Ómarsson (Fylkir) Út:Árni Freyr Guðnason (Fylkir)
89. mín
Gunnar enn að sýna takta, slær gott skot Andrésar í horn.
90. mín MARK!
Viðar Örn Kjartansson (Fylkir)
Stoðsending: Andrés Már Jóhannesson
Andrés stakk boltanum í gegnum miðja vörnina þar sem Viðar var einn í gegn og kláraði færið örugglega. Gunnar átti ekki möguleika í þennan...
94. mín
Arnþór fellur í teig Fylkismanna, Völsungar í stúkunni heimta víti, heimamenn kalla dýfa. Mitt mat er að þetta hafi verið hvorugt og Vilhjálmur höndlað málið rétt með að láta leikinn ganga.
Leik lokið!
Úrvalsdeildarliðið komst áfram á sanngjarnan hátt, en Völsungar geta labbað með höfuð hátt af velli, þeirra upplegg gekk upp í 82 mínútur. Fyrsti sigur heimamanna í sumar staðreynd.
Byrjunarlið:
1. Dejan Pesic (m) ('67)
Gunnar Sigurður Jósteinsson
Arnþór Hermannsson
Ármann Örn Gunnlaugsson
4. Halldór Fannar Júíusson
4. Halldór Orri Hjaltason
5. Marko Blagojevic
8. Eyþór Traustason ('57)
13. Sigvaldi Þór Einarsson
19. Sindri Ingólfsson ('57)
23. Sveinbjörn Már Steingrímsson

Varamenn:
7. Guðmundur Óli Steingrímsson
8. Pétur Ásbjörn Sæmundsson
9. Péter Odrobéna ('67)
11. Vladica Djordjevic ('57)
14. Halldór Kárason
22. Ásgeir Sigurgeirsson ('57)

Liðsstjórn:

Gul spjöld:

Rauð spjöld: