Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
6' 0
0
Breiðablik
Fjölnir
2
4
BÍ/Bolungarvík
Illugi Þór Gunnarsson '11 1-0
1-1 Max Touloute '42
1-2 Nigel Francis Quashie '54
1-3 Nigel Francis Quashie '80
Júlíus Orri Óskarsson '88 2-3
2-4 Ben J. Everson '90
Guðmundur Karl Guðmundsson '90
08.06.2013  -  14:00
Fjölnisvöllur
1. deild karla
Dómari: Kristinn Jakobsson
Byrjunarlið:
3. Bergsveinn Ólafsson (f)
3. Illugi Þór Gunnarsson
10. Aron Sigurðarson ('63)
16. Guðmundur Böðvar Guðjónsson
29. Guðmundur Karl Guðmundsson

Varamenn:
15. Haukur Lárusson ('82)

Liðsstjórn:

Gul spjöld:
Guðmundur Böðvar Guðjónsson ('51)

Rauð spjöld:
Guðmundur Karl Guðmundsson ('90)
Fyrir leik
Komiði sæl og verið velkomin í beina textalýsingu frá viðureign Fjölnis og BÍ/Bolungarvíkur í 5. umferð 1. deildar karla.

Fjölnir er í 8. sæti deildarinnar með aðeins fjögur stig út úr fyrstu fjórum leikjunum.

Gestirnir í BÍ/Bolungarvík eru í heldur betri málum, í fjórða sæti með 9 stig og skáka toppliði Leiknis takist þeim að vinna í dag.
Hafliði Breiðfjörð
1. mín
Leikurinn er hafinn. Afar fáir áhorfendur eru mættir en einhverjir eru þó að mæta seint að íslenskum sið.
4. mín
Max Touloute kemst í færi eftir varnarmistök hjá Fjölni. Atli Már Þorbergsson fer aðeins í hann en ekkert er dæmt. Boltinn fer síðan út í teiginn á Gunnar Má Elíasson sem þrumar hátt yfir.
10. mín Gult spjald: Nigel Francis Quashie (BÍ/Bolungarvík)
Quaeshie fær fyrsta gula spjaldið fyrir brot á Ágústi
11. mín MARK!
Illugi Þór Gunnarsson (Fjölnir)
Fjölnismenn komast yfir. Eftir stutta hornspyrnu átti Aron Sigurðarson skot fyrir utan teig sem Michael Abnett bjargaði á línu. Boltinn barst síðan út á vítateigslínu þar sem Illugi skoraði með fínu viðstöðulausu skoti.
22. mín
Rólegt yfir leiknum eftir markið. Fjölnismenn þó öllu líklegri til að bæta við ef eitthvað er.
31. mín
Guðmundur Karl Guðmundsson á skot sem er að sigla í fjærhornið þegar leikmenn BÍ/Bolungarvíkur bjarga. Ómar Hákonarson fær síðan boltann en Alejandro ver frá honum. Fín sókn hjá Fjölni.
40. mín
Fyrsta marktilraun skástriksins í langan tíma. Hafsteinn Rúnar Helgason með langskot sem er nær því að hitta markatöfluna en markið. Hafsteinn er góður skotmaður en hitti boltann illa þarna.
42. mín MARK!
Max Touloute (BÍ/Bolungarvík)
Max Touloute skorar eftir góðan einleik í kjölfarið á skyndisókn. Þórður Ingason kom langt út á móti en Max var á undan í boltann skoraði framhjá honum. 1-1 og allt í járnum.
45. mín
Kristinn Jakobsson flautar til leikhlés. Nokkuð sanngjörn staða og spennandi síðari hálfleikur framundan.
46. mín
Síðari hálfleikurinn er hafinn og liðin eru óbreytt.
51. mín Gult spjald: Guðmundur Böðvar Guðjónsson (Fjölnir)
Kristinn spjaldar Guðmund fyrir leikaraskap. Guðmundur féll í teignum eftir bárattu við Max Touloute og vildi fá vítaspyrnu en Kristinn var ekki á sama máli.
54. mín MARK!
Nigel Francis Quashie (BÍ/Bolungarvík)
BÍ/Bolungarvík nær forystunni. Alexander Veigar Þórarinsson gerði vel á miðjunni og kom boltanum fram völlinn. Nigel Quashie fékk boltann við vítateigshornið og lék síðan inn á miðjuna þar sem hann skoraði með skoti fyrir utan vítateig. Þórður var í boltanum en það dugði ekki. Vel gert hjá Quashie.
59. mín
Ágúst Örn fær dauðafæri á fjærstönginni eftir fyrirgjöf frá hægri en Alejandro ver frábærlega. Ágúst nær frákastinu en skot hans fer framhjá úr þröngu færi.
63. mín
Inn:Guðmundur Pétursson (Fjölnir) Út:Aron Sigurðarson (Fjölnir)
Ágúst Þór Gylfason þjálfari Fjölnis gerir breytingu.
65. mín
Gunnar Már á hörkuskot fyrir BÍ/Bolungarvík en boltinn fer rétt yfir.
73. mín
Fjölnismenn eru ekki líklegir til að jafna þessa stundina. Stigin þrjú lílkega á leið á Vestfirðina.
74. mín
Eða hvað? Guðmundur Pétursson með þrumuskot sem Alejandro ver í horn.
75. mín
Inn:Matthías Kroknes Jóhannsson (BÍ/Bolungarvík) Út:Hafsteinn Rúnar Helgason (BÍ/Bolungarvík)
78. mín
Inn:Daniel Osafo-Badu (BÍ/Bolungarvík) Út:Max Touloute (BÍ/Bolungarvík)
80. mín MARK!
Nigel Francis Quashie (BÍ/Bolungarvík)
Nigel Quashie er að sigla stigunum í höfn fyrir BÍ/Bolungarvík. Quashie vinnur boltann af Illuga á miðjunni og hann og Ben Everson komast tveir á móti einum varnarmanni. Ben sendir á endanum boltann á Quashie sem skorar af yfirvegun.
82. mín
Inn:Haukur Lárusson (Fjölnir) Út:Hilmar Þór Hilmarsson (Fjölnir)
Rauði turninn Haukur Lárusson er miðvörður en nú er honum hent í fremstu víglínu. Hálfgerður Peter Crouch fílíngur.
82. mín
Inn:Júlíus Orri Óskarsson (Fjölnir) Út:Ágúst Örn Arnarson (Fjölnir)
Emil Pálsson:
Nigel Quashie er fáranlega góður í fótbolta #FjölnirBí #kominnmeð2 #mom
88. mín MARK!
Júlíus Orri Óskarsson (Fjölnir)
Varamaðurinn Júlíus Orri minnkar muninn með þrumuskoti upp í bláhornið. Virkilega vel gert. 2-3 og spenna framundan síðustu mínúturnar.
89. mín
Fjölnismenn eru með fjóra menn í fremstu víglínu og freista þess að jafna.
90. mín
Matthías Kroknes kemst í fínt færi eftir góðan undirbúning Quashie en Þórður Ingason ver.
90. mín MARK!
Ben J. Everson (BÍ/Bolungarvík)
Ben Everson vinnur boltann af Bergsveini og vippar síðan framhjá Þórði í markinu. Varnarleikur Fjölnis aftur slakur.
90. mín Rautt spjald: Guðmundur Karl Guðmundsson (Fjölnir)
Guðmundur Karl fær beint rautt spjald fyrir að brjóta á Daniel Badu á miðjunni. Annað rauða spjald Guðmundar í sumar og hann er á leið í tveggja leikja bann.
90. mín
Inn:Loic Mbang Ondo (BÍ/Bolungarvík) Út:Nigel Francis Quashie (BÍ/Bolungarvík)
Leik lokið!
Leik lokið með sigri BÍ/Bolungarvíkur þar sem tvö mörk Nigel Quashie skiptu miklu máli í síðari hálfleiknum. Nánari umfjöllun um leikinn kemur á Fótbolta.net innan tíðar.
Byrjunarlið:
1. Alejandro Munoz (m)
4. Hafsteinn Rúnar Helgason ('75)
5. Michael Abnett
6. Gunnar Már Elíasson
6. Nigel Francis Quashie ('90)
7. Sigurgeir Sveinn Gíslason
9. Andri Rúnar Bjarnason
10. Alexander Veigar Þórarinsson
11. Max Touloute ('78)
19. Ben J. Everson
21. Dennis Nielsen

Varamenn:
12. Bjarki Pétursson (m)
2. Axel Sveinsson
5. Loic Mbang Ondo ('90)
9. Ólafur Atli Einarsson
16. Daniel Osafo-Badu ('78)
18. Matthías Kroknes Jóhannsson ('75)
20. Michael Smith

Liðsstjórn:

Gul spjöld:
Nigel Francis Quashie ('10)

Rauð spjöld: