Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Valur
1
1
ÍBV
0-1 Tonny Mawejje '41
Kolbeinn Kárason '66 1-1
18.06.2013  -  18:00
Vodafone-Hlíðarendi
Pepsi-deildin
Dómari: Þóroddur Hjaltalín
Áhorfendur: 1.344
Byrjunarlið:
7. Haukur Páll Sigurðsson
13. Arnar Sveinn Geirsson
21. Bjarni Ólafur Eiríksson

Varamenn:
23. Andri Fannar Stefánsson ('42)

Liðsstjórn:

Gul spjöld:
Haukur Páll Sigurðsson ('77)
Magnús Már Lúðvíksson ('43)

Rauð spjöld:
Fyrir leik
Einn leikur verður í Pepsi-deild karla í kvöld. Valur og ÍBV mætast klukkan 18:00 en um er að ræða síðasta leikinn í sjöundu umferð deildarinnar.

Valur fer upp í annað sæti deildarinnar með sautján stig ef liðinu tekst að vinna sigur. Valur er með fjórtán stig í fjórða sæti, þremur stigum á undan ÍBV.
Fyrir leik
Stuðningsmenn Vals ætla að heiðra minningu Hermanns Gunnarssonar og verður borðinn góði sem var á landsleiknum um daginn staðsettur á Hlíðarenda í kvöld.

Ársmiðahöfum Vals er boðið í kaffi fyrir leik kl.17:00, Magnús Gylfason þjálfari Valsmanna mætir og talar um stöðuna og leikinn við ÍBV. Heiðursgestir verða systkini Hemma og börnin hans.
Fyrir leik
James Hurst, leikmaður Vals, getur ekki leikið gegn sínu fyrrum félagi að þessu sinni þar sem hann þarf að afplána leikbann.
Fyrir leik
Dómari leiksins er Þóroddur Hjaltalín Akureyringur og á línunum verða aðstoðardómararnir Birkir Sigurðarson og Valdimar Pálsson.
Fyrir leik
Af heimasíðu ÍBV:
Ef litið er á viðureignir liðanna frá upphafi knattspyrnunnar á Íslandi, þ.e.a.s. í leikjum á vegum Knattspyrnusambands Íslands, kemur í ljós að lítið skilur að. Liðin hafa mæst 85 sinnum, Valsmenn hafa unnið 35 leiki, 16 sinnum hefur endað með jafntefli en ÍBV hefur unnið 34 sinnum. ÍBV hefur ekki tapað fyrir Val í Íslandsmótinu síðan 22. júní 2009 þegar Valsmenn höfðu betur á Vodafonevellinum. Síðan þá hefur ÍBV unnið fjóra leiki og þrír leikir hafa endað með jafntefli.

Í fyrra hafði ÍBV betur í báðum viðureignum liðanna, 0-3 á Vodafonevelli og 2-0 á Hásteinsvelli.
Fyrir leik
Sævar Þór Gíslason, fyrrum sóknarmaður Fylkis, spáir í spilin:
Vona innilega að nágrannar mínir á Eyjunni fögru vinni þennan leik en það er eitthvað sem segir mér að 1-1 verði lokatölurnar í frekar bragðdaufum leik. Stefán Ragnar með mark Vals og Ian Jeffs jafnar með skalla. Gætu stolið sigri ef Herminator smellir sér inná, hann er þvílík markamaskína.
Fyrir leik
Fjórar breytingar eru á liði Vals frá útisigrinum gegn Þór í síðustu umferð. James Hurst tekur út leikbann og þeir Andri Fannar Stefánsson, Matthías Guðmundsson og Kolbeinn Kárason fara einnig úr byrjunarliðinu.

Inn koma Jónas Tór Næs, Þórir Guðjónsson, Björgólfur Takefusa og Haukur Páll Sigurðsson fyrirliði sem var í banni á Akureyri.

Ein breyting er á byrjunarliði ÍBV frá síðasta deildarleik, sigrinum gegn Fylki. Aaron Spear sest á bekkinn og Ragnar Pétursson kemur inn.
Fyrir leik
Lög með Hemma Gunn óma hér í vallarkerfinu og stemningin góð. Talsverður slatti áhorfenda mættur hingað vel tímanlega. Stefán Árni Pálsson hjá Vísi er mættur og spáir 1-1 jafntefli rétt eins og Sævar Þór.
Fyrir leik
Gunnar á Völlum er á vellinum að sprella. Gaf Gunnari Þorsteinssyni innilegt faðmlag.
Fyrir leik
Leikurinn er hafinn - ÍBV sækir í átt að keiluhöllinni og byrjaði með boltann.
7. mín
Þreifingar í gangi. Ekkert teljandi færi enn litið kvöldsins ljós.
10. mín
Meðal gesta á vellinum í kvöld er sjálfur Zoran Miljkovic sem hefur verið orðaður við þjálfarastarfið hjá ÍA. Umboðsmaðurinn Magnús Agnar Magnússon er einnig í stúkunni.
15. mín
Bíðum fyrst eftir alvöru færi. ÍBV ógnaði fyrir utan teig áðan og besta sprett Vals átti Arnar Sveinn Geirsson þegar hann lék á Brynjar Gauta Guðjónsson.
19. mín
Frábær sending frá Gunnari Má Guðmundssyni á Víði Þorvarðarson sem tók á þeysisprett að marki Vals. Skot hans naumlega yfir.
21. mín
Eyjamenn að eiga hættulegri sóknir þessar mínútur.
Tómas Þór Þórðarson, stuðningsmaður Víkings:
Gunnar Már negldi boltanum út á götu. Þar kom strákur á hjóli og stal honum. #nike
27. mín
Stefán Ragnar með skalla yfir markið eftir flotta hornspyrnu sem afmælisbarnið Rúnar Már Sigurjónsson tók. Óskum Rúnari til hamingju með daginn.
38. mín
Stefán Ragnar þarf aðhlynningu. Spurning hvort hann þurfi að yfirgefa völlinn.
41. mín MARK!
Tonny Mawejje (ÍBV)
Stoðsending: Gunnar Már Guðmundsson
Eyjamenn nýttu sér það að vera ellefu gegn tíu þar sem Stefán Ragnar er utan vallar að fá aðhlynningu. Eftir harða hríð að marki Vals skallaði Gunnar Már í slánn, eftir það var mikill barningur en Úganda-maðurinn náði að koma knettinum yfir línuna.
42. mín
Inn:Andri Fannar Stefánsson (Valur) Út:Stefán Ragnar Guðlaugsson (Valur)
Áhugaverð færsla hjá Val. Haukur Páll Sigurðsson er færður í miðvörðinn og Andri Fannar Stefánsson kemur inn á miðjuna. Þrátt fyrir að liðið sé með varnarmanninn Nesta Matarr Jobe á bekknum.
43. mín Gult spjald: Magnús Már Lúðvíksson (Valur)
45. mín
Hálfleikur - Eyjamenn með forystu í hálfleik og hún er bara verðskulduð. Tonny Mawejje skoraði á dögunum mikilvægt sigurmark fyrir Úganda og er greinilega fullur sjálfstrausts.
46. mín
Seinni hálfleikur er hafinn
47. mín
Mawejje með skottilraun af löngu færi. Fjalar varði í horn.
52. mín
Fjalar í allskonar vandræðum. Næstum búinn að tapa boltanum á kæruleysi en sparkaði á endanum útaf.
53. mín
Vantar allt bit í sóknaraðgerðir Vals. Þeir þurfa að gera mun betur ef þeir ætla að fá eitthvað úr leiknum. David James hefur átt fremur rólegt kvöld.
56. mín
Samstuð. Fjalar Þorgeirsson, markvörður Vals, og Víðir Þorvarðarson, ÍBV, þurfa aðhlynningu. Eru báðir búnir að standa upp og virðast geta haldið leik áfram.
62. mín
Inn:Kolbeinn Kárason (Valur) Út:Guðmundur Þór Júlíusson (Valur)
Þórir komist lítt áleiðis í þessum leik.
63. mín
Valsmenn farnir að leggja meiri áherslu á sóknarleikinn svo Eyjamenn fá meiri möguleika á hröðum sóknum.
64. mín
Stórhættuleg fyrirgjöf frá Bjarna Ólafi, Kolbeinn rétt missti af boltanum.
66. mín
Björgólfur Takefusa vildi fá víti, fannst hann vera hindraður í teignum. Hefði verið strangt að flauta.
66. mín MARK!
Kolbeinn Kárason (Valur)
Stoðsending: Arnar Sveinn Geirsson
Sóknin var farin að þyngjast hjá Valsmönnum og þar kom jöfnunarmarkið. Mjög góð fyrirgjöf frá vinstri frá Arnari Sveini sem hitti á kollinn á Kolbeini Kárasyni. Skallinn var ekki mjög fastur en viðbrögð David James ekki snör og boltinn inni.
69. mín
Kolbeinn Kárason skallar yfir eftir horn. Stór og sterkur.
72. mín
Valsmenn hafa tekið völdin á vellinum eftir tilfærslur Magga Gylfa þegar hann setti Kolbein fram með Björgólfi.
75. mín
Hemmi Hreiðars flottur í spjalli við aðstoðardómarann. Vildi útskýringu á einhverju og fékk hana. Gaf aðstoðardómaranum svo fimmu.
76. mín
Inn:Bradley Simmonds (ÍBV) Út:Ian Jeffs (ÍBV)
77. mín Gult spjald: Haukur Páll Sigurðsson (Valur)
Hermann Hreiðarsson gjörsamlega trompaðist eftir að Haukur tæklaði Ragnar Pétursson. Eyjamenn vildu fá rautt spjald á loft.
80. mín Gult spjald: Gunnar Már Guðmundsson (ÍBV)
81. mín
Rúnar Már með lúmskt skot úr aukaspyrnu og David James kýldi knöttinn frá.
82. mín
Mikill hiti á vellinum og fjör. Væri hressandi að fá sigurmark í þennan leik.
84. mín
Inn:Kristinn Freyr Sigurðsson (Valur) Út:Björgólfur Takefusa (Valur)
Síðasta skipting Vals í leiknum.
85. mín
Inn:Aaron Spear (ÍBV) Út:Víðir Þorvarðarson (ÍBV)
90. mín
Fín skottilraun hjá Aaron Spear en framhjá sigldi boltinn.
92. mín
Rúnar Már í hörkufæri eftir fyrirgjöf en var ekki í jafnvægi. Mjög lítið eftir.
Leik lokið!
Eyjamenn betri í fyrri hálfleik en Valsmenn síðari. Viðtöl úr leiknum koma inn á eftir.
Byrjunarlið:
6. Gunnar Þorsteinsson
11. Víðir Þorvarðarson ('85)
23. Eiður Aron Sigurbjörnsson

Varamenn:
5. Jón Ingason

Liðsstjórn:
Hermann Hreiðarsson (Þ)
Guðjón Orri Sigurjónsson

Gul spjöld:
Gunnar Már Guðmundsson ('80)

Rauð spjöld: