Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
1
0
ÍBV
Kennie Chopart '18 1-0
30.06.2013  -  17:00
Samsung-völlurinn
Pepsi-deild karla
Aðstæður: Stórfínar
Dómari: Erlendur Eiríksson
Áhorfendur: 1003
Maður leiksins: Daníel Laxdal
Byrjunarlið:
4. Jóhann Laxdal
7. Atli Jóhannsson ('69)
8. Halldór Orri Björnsson
9. Daníel Laxdal
14. Hörður Árnason

Varamenn:
13. Arnar Darri Pétursson (m)
21. Snorri Páll Blöndal

Liðsstjórn:

Gul spjöld:
Kennie Chopart ('90)
Daníel Laxdal ('37)

Rauð spjöld:
Fyrir leik
Hér mun vera bein textalýsing frá leik Stjörnunnar og ÍBV í 9. umferð Pepsi-deildar karla.
Fyrir leik
Garðar Jóhannsson og Veigar Páll Gunnarsson eru vitaskuld í banni í kvöld eftir skrautlegan leik fyrir norðan þar sem Veigar fékk rautt spjald fyrir olnbogaskot og Garðar sitt 4. gula spjald sumarsins fyrir mótmæli gegn þeim dómi og þar með bann. Ólafur Karl Finsen hefur einnig fengið fjögur gul spjöld á leiktíðinni og er einnig í banni.
Fyrir leik
Sá leikur endaði með 1-1 jafntefli þar sem bæði lið hefðu getað stolið sigrinum.
Fyrir leik
Eyjamenn mættu hins vegar Frömurum í Eyjum í 8. umferðinni og unnu þar 1-0 sigur í tíðindalitlum leik.
Fyrir leik
Hermann Hreiðarsson heldur algjörlega óbreyttu liði frá þeim leik gegn Fram.
Fyrir leik
Stjörnumenn gera hins vegar þrjár breytingar á sínu liði vegna leikbannana. Inn fyrir Garðar, Veigar og Ólaf Karl koma Hörður Árnason, Gunnar Örn Jónsson og Kennie Chophart.
Fyrir leik
Þrátt fyrir að það veiki að sjálfsögðu lið Stjörnunnar að missa Garðar, Ólaf Karl og Veigar út þá gæti það verið verra. Gunnar Örn, Hörður og Chophart allir fínustu knattspyrnumenn.
Fyrir leik
Liðin eru nú á fullu í upphitun í sólinni. Þó er töluvert skýjað og sólin kemur og fer.
Fyrir leik
Garðar Jóhannsson er að gæða sér á eðalborgara með fjölskydunni í stórkostlegu grilli Stjörnunnar. Ég er viss um að Veigar Páll mun leyfa sér einn líka.
Fyrir leik
Skemmtilegt að heyra Stjörnumenn henda Komdu Fagnandi, stuðningslagi ÍBV með Ívari Bjarklind á fóninn. Skemmtileg háttvísi þar á ferð.
Fyrir leik
Það hefur bætt aðeins í norðanáttina hér á vellinum. Spurning hvort að það muni einhver áhrif hafa á leikinn.
Fyrir leik
Þá halda liðin til búningsherbergja er 10 mínútur eru í leik.
Fyrir leik
Þá halda liðin inn á völlinn leidd af Erlendi Eiríkssyni dómara.
Fyrir leik
Mikael Már Marteinsson ungur spilari úr Fjölni fær afhenta áritaða landsliðstreyju frá Hermanni Hreiðarssyni vegna þess að hann handleggsbrotnaði og missti af Shell-mótinu.
1. mín
Leikurinn er hafinn!
2. mín
Atli Jóhannsson spilar í holunni í dag fyrir aftan Chophart. Præst og Sandnes eru djúpir á miðjunni. Halldór Orri á vinstri kanti en Gunnar Örn á þeim hægri.
3. mín
Kennie Chophart í góðu færi eftir frábæra sendingu Halldórs Orra frá vinstri. Skot hans yfir markið.
8. mín
Halldór Orri með skot vinstra megin úr vítateignum en framhjá. Glæsileg skyndisókn hjá Stjörnunni.
9. mín
Stjörnumenn eru sterkari aðilinn til að byrja með og gott tempo er í leiknum. Lofar góðu.
12. mín Gult spjald: Gunnar Þorsteinsson (ÍBV)
Fyrsta spjald leiksins.
16. mín
Eyjamenn hafa lítið komist áleiðis. Stjörnumenn halda áfram að stýra leiknum.
18. mín MARK!
Kennie Chopart (Stjarnan)
Chophart skorar furðulegt mark. Boltinn breytti um stefnu af varnarmanni og James kom engum vörnum við í markinu.
22. mín
David James hefur kastað 3-4 sinnum út í þessum leik en varla eitt kastanna hefur skilað sér á samherja. Áhyggjuefni fyrir Eyjamenn að geta ekki komið boltanum í leik.
25. mín
Gunnar Már Guðmundsson með stórkostleg tilþrif. Fékk háan bolta fram, tók hann á kassann og þrumaði boltanum viðstöðulaust á lofti en rétt framhjá.
30. mín
Michael Præst brást reiður við tæklingu Gunnars Más. Ekkert dæmt. Þeir sættast að lokum.
31. mín
Víðir Þorvarðarson með fallegt skot sem smellur af slánni eftir góðan undirbúning Gunnars Más.
35. mín Gult spjald: Matt Garner (ÍBV)
Garner fær vitleysislegt gult spjald fyrir að reyna við "Hönd Guðs" eftir fast leikatriði.
37. mín Gult spjald: Daníel Laxdal (Stjarnan)
Eyjamegin í stúkunni vildu menn fá rautt spjald. Skrautleg tækling, vægast sagt.
39. mín
Smávægileg töf varð á leiknum, Tonny Mawejje lág óvígur eftir samstuð. Hann er farinn aftur af stað.
44. mín
Gunnar Már fer niður í teignum eftir fyrirgjöf, Sandnes tæklaði hann. Eyjamenn vildu fá víti þarna. Vafasamt atvik.
45. mín
Chophart aftur með skot sem breytir um stefnu. Í þetta skipti af samherja og boltinn rétt framhjá.
45. mín
Atli Jóhannsson í sannkölluðu dauðafæri hér í uppbótartíma fyrri hálfleiks. David James varði frábærlega frá honum uppi í nærhorninu.
45. mín
Hálfleikur! - Færi Atla var það síðasta sem átti sér stað í fyrri hálfleik.
45. mín
Enginn annar en Patrekur Jóhannsson, landsliðsþjálfari Austuríkis í handknattleik, kom hingað í blaðamannastúkuna að veita blaðamönnum ljúffenga hamborgara. Glæsileg þjónusta í Garðabænum.
Hjörvar Hafliðson:
ÍBV átti mögulega að fá víti en "reppið " varð Gunnari Má líklega að falli. Hann fer full auðveldlega niður.
46. mín
Stjörnumenn hefja þá leik í síðari hálfleik.
46. mín
Inn:Bradley Simmonds (ÍBV) Út:Gunnar Þorsteinsson (ÍBV)
Gunnar tekinn útaf í hálfleik. Það var farið að verða tímaspursmál hvenær hann fengi sitt seinna gula spjald.
47. mín
Robert Sandnes með skot framhjá úr ágætis færi.
48. mín
David James ver frábærlega frá Gunnari Erni í þvílíku dauðafæri.
49. mín
Ingvar Jónsson hefur sig allan við að verja fyrirgjöf Matts Garner frá vinstri sem stefndi í markið.
50. mín
Frábær byrjun á síðari hálfleiknum og færi á báða bóga.
55. mín
Víðir með fínt skot frá vinstra vítateigshorninu en framhjá fer það.
57. mín
Silfurskeiðarmenn halda áfram að sýna sig og sanna sem yfirburðastuðningsfélag landsins. Hefur varla liðið mínúta þar sem þeir láta ekki í sér heyra.
65. mín
Inn:Baldvin Sturluson (Stjarnan) Út:Robert Johan Sandnes (Stjarnan)
Sandnes fer meiddur útaf.
66. mín
Leikurinn hefur róast töluvert niður síðustu mínútur og ekki er mikið að gerast.
68. mín
Inn:Ragnar Leósson (ÍBV) Út:Ragnar Pétursson (ÍBV)
Eyjamenn þurfa á ferskleika að halda. Nafnarnir skipta.
69. mín
Inn:Tryggvi Sveinn Bjarnason (Stjarnan) Út:Atli Jóhannsson (Stjarnan)
Tryggvi kemur í fremstu víglínu. Atli byrjaði vel en það hefur dregið af honum.
71. mín
Ragnar Leósson í dauðafæri strax eftir að hann kemur inná. Lág fyrirgjöf kom frá hægri en fór í gegnum allan pakkann. Engu munaði að Ragnar næði tá í hann.
76. mín
Víðir Þorvarðarson með fínan sprett sem endar með góðu skoti í þröngu færi. Ingvar Jónsson, markvörður Stjörnunnar, gerir vel í að koma knettinum í horn.
82. mín
Lítið gengur hjá Eyjamönnum að halda boltanum og skapa sér færi. Stjörnumenn eru voða rólegir og virðast ætla að láta þetta fjara út.
83. mín Gult spjald: Tonny Mawejje (ÍBV)
85. mín
Inn:Aaron Spear (ÍBV) Út:Arnór Eyvar Ólafsson (ÍBV)
Framherji inn fyrir bakvörð. Þeir bæta í sóknina hér í lokin.
89. mín
Tryggvi Sveinn klúðrar algjöru dauðafæri. Það bendir fátt til þess að Eyjamenn ætli að jafna þetta.
90. mín Gult spjald: Kennie Chopart (Stjarnan)
Gult spjald fyrir pirringsbrot, sparkaði Brynjar Gauta niður.
Leik lokið!
1-0 sigur Stjörnunnar staðreynd! Þeir fara með því í 2. sæti deildarinnar með 20 stig.
Byrjunarlið:
6. Gunnar Þorsteinsson ('46)
11. Víðir Þorvarðarson
23. Eiður Aron Sigurbjörnsson

Varamenn:
5. Jón Ingason

Liðsstjórn:
Hermann Hreiðarsson (Þ)
Guðjón Orri Sigurjónsson

Gul spjöld:
Tonny Mawejje ('83)
Matt Garner ('35)
Gunnar Þorsteinsson ('12)

Rauð spjöld: