Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur R.
1
1
Tindastóll
Aron Elís Þrándarson '34 1-0
1-1 Elvar Páll Sigurðsson '59
04.07.2013  -  19:15
Víkingsvöllur
1. deild karla
Dómari: Ívar Orri Kristjánsson
Byrjunarlið:
4. Igor Taskovic
12. Halldór Smári Sigurðsson
20. Pape Mamadou Faye
21. Aron Elís Þrándarson ('86)

Varamenn:
9. Viktor Jónsson ('60)
21. Arnþór Ingi Kristinsson

Liðsstjórn:

Gul spjöld:
Hjalti Már Hauksson ('89)

Rauð spjöld:
Fyrir leik
Velkomin í beina textalýsingu frá viðureign Víkings og Tindastóls í 1.deild karla.
Fyrir leik
Liðin voru að ljúka sinni upphitun og eru komin inn í klefa til að leggja lokahönd á undirbúninginn. Það er skýjað hér í Víkinni en það rignir ekki eins og er. Völlurinn er þó blautur eftir daginn og það er aldrei að vita nema það boði fjörugan fótboltaleik.
Fyrir leik
.. Og þá byrjar að rigna hressilega á mannskapinn. Fólk er farið að tínast í stúkuna og það er vonandi að áhorfendur fái eitthvað fyrir sinn snúð hér í kvöld.
Fyrir leik
Liðin eru mætt út á völl og stilla sér upp með dómaratríóinu.

Liðin mættust á þessum velli í bikarnum þann 19. júní síðastliðinn og þá fóru Víkingar með 2-1 sigur. Í viðtali í leikskrá Víkinga segir Donni þjálfari Tindastóls að lið hans mæti betur undirbúið til leiks í dag.
1. mín
Þetta er byrjað. Gestirnir sækja í átt að Víkinni.
8. mín
Heimamenn fá fyrsta færið í leiknum. Hjalti Már Hauksson á fyrirgjöf frá vinstri og Aron Elís Þrándarson setur boltann í hliðarnetið úr heldur þröngu færi.
10. mín
Víkingar að herða tökin. Dofri Snorrason fær horn eftir laglegan sprett upp hægri kantinn. Boltinn er sendur út á Kjartan Dige Baldursson sem neglir rétt framhjá.
12. mín
Sóknarþungi Víkinga er þónokkur þessa stundina. Aftur fá þeir hornspyrnu, í þetta skiptið eftir skot Igors Taskovics úr teignum. Furness markvörður handsamar hornspyrnuna og gestirnir geta andað léttar.
15. mín
Aftur fá Víkingar horn. Óttar Steinn Magnússon nær skoti en setur boltann hátt yfir.
20. mín
Áfram sækja Víkingar. Nú á Aron Elís skot úr teignum sem Furness ver virkilega vel. Sauðkræklingum í stúkunni er ekki skemmt og einn heimtar að liðið sitt "hætti þessum hel$%$is göngubolta" og fari að gera eitthvað af viti.
22. mín
Víkingar negla í slá utan af velli.. En ekki sá ég hver átti þetta fína skot.
22. mín
Elvar Páll á fyrsta markskot gestanna en það er vel framhjá.
25. mín
Dauðafæri hjá Víkingum. Pape fær frítt skot af markteig en einhverjum Sauðkræklingnum tekst að breyta stefnu boltans sem flýgur framhjá markinu. Þar skall hurð nærri hælum.
30. mín
Inn:Kári Eiríksson (Tindastóll) Út:Fannar Örn Kolbeinsson (Tindastóll)
Gestirnir þurfa að gera breytingu vegna meiðsla.
34. mín MARK!
Aron Elís Þrándarson (Víkingur R.)
Fyrsta markið er komið. Aron Elís leggur boltann snyrtilega í hornið eftir að hafa komist aftur fyrir Stólavörnina.
36. mín
Rodrigo Morin reynir viðstöðulaust skot að Víkingsmarkinu en hittir ekki rammann.
37. mín
Víkingar eru hættulegir. Dofri Snorrason hljóp af sér varnarmenn og komst einn gegn Furness. Hann kom boltanum framhjá markmanninum en varnarmenn Tindastóls náðu að bjarga á síðustu stundu.
41. mín
Tindastóll fær sína fyrstu hornspyrnu. Björn Anton skallar yfir markið.
45. mín
Það er kominn hálfleikur og gestirnir mega prísa sig sæla með að vera bara einu marki undir. Víkingar hafa verið mun sterkari en 1-0 er lítil forysta og það getur allt gerst hér í síðari hálfleik.
45. mín
Á meðal áhorfenda eru nokkrir þjálfarar úr deildinni. Davíð Snorri Leiknismaður var á trúnó með Haukamönnunum Óla Jó og Bjössa Hreiðars og nýr þjálfari Þróttar, Zoran Miljkovic, á í hörkusamræðum við mann sem ég kannast ekki við.
49. mín
Gestirnir ætla sér greinilega að gera betur en í fyrri hálfleik. Þeir eiga tvö fyrstu skotin og hafa fengið hornspyrnu. Þó ekkert sem veldur Víkingum teljandi áhyggjum.
53. mín
Úff.. Það vantaði aðeins framan á stóru tána á Dofra þarna. Það kom hættuleg fyrirgjöf frá vinstri og Dofri rétt missti af boltanum á fjær.
56. mín
Sigurður Egill á hættulega hornspyrnu sem smellur í þverslánni. Pape nær skoti í kjölfarið en Tindastólsmenn ná að koma sér fyrir boltann og hreinsa.
59. mín MARK!
Elvar Páll Sigurðsson (Tindastóll)
Stoðsending: Steven Beattie
Tindastóll hefur jafnað leikinn!

Víkingar voru í laglegri sókn en Stólarnir unnu boltann og sóttu hratt á Víkinga sem voru fáliðaðir til baka. Beattie brunaði upp vinstri kantinn og kom boltanum fyrir á Elvar Pál sem gerði vel í að koma boltanum í netið undir pressu frá varnarmanni.
60. mín
Inn:Viktor Jónsson (Víkingur R.) Út:Sigurður Egill Lárusson (Víkingur R.)
Óli Þórðar gerir sína fyrstu breytingu.
62. mín
Inn:Ruben Resendes (Tindastóll) Út:Ágúst Friðjónsson (Tindastóll)
64. mín
Inn:Christopher Tsonis (Tindastóll) Út:Konráð Freyr Sigurðsson (Tindastóll)
Donni gerir sína þriðju og síðustu breytingu.
68. mín
Það er fjör í Víkinni þessa stundina. Taskovic nær skoti úr teignum en neglir í varnarmann. Leikurinn er opinn og bæði lið skiptast á að sækja. Það er líka komin meiri harka í tæklingarnar og útlit fyrir spennandi lokakafla.
71. mín
Ingvi Hrannar er blóðugur eftir viðskipti sín við Aron Elís. Leikmennirnir lentu saman. Stuðningsmenn Tindastóls vilja meina að Aron hafi notað olnbogann þarna en Ívar Orri dómari lætur sér nægja að dæma aukaspyrnu og lyftir ekki spjaldi.
74. mín
Inn:Marko Pavlov (Víkingur R.) Út:Kjartan Dige Baldursson (Víkingur R.)
75. mín
Það er að hitna í kolunum hér. Halldór Smári liggur eftir og heldur um höfuðið. Óli Þórðar kallar af bekknum og segist hafa séð olnboga á lofti. Ívar dómari sá ekki þennan sama olnboga (og ég svosem ekki heldur) og leikurinn heldur áfram.
77. mín Gult spjald: Björn Anton Guðmundsson (Tindastóll)
Fyrsta spjaldið fer á loft. Björn Anton brýtur á Viktori Jóns sem gerir sig líklegan til að keyra upp vinstri kantinn. Víkingar ná ekki að gera sér mat úr aukaspyrnunni.
83. mín
Tsonis var að sleppa í gegn en Óttar Steinn féll við og dæmd var aukaspyrna. Ég er ekki viss um að Tsonis hafi brotið þarna. Stólarnir skiljanlega ekki sáttir. Sömu leikmenn hoppa upp í skallabolta mínútu síðar og liggja báðir eftir. Nú fá Stólarnir aukaspyrnu og hornspyrnu í kjölfarið.
86. mín
Inn:Gunnar Helgi Steindórsson (Víkingur R.) Út:Aron Elís Þrándarson (Víkingur R.)
Markaskorarinn þarf að yfirgefa völlinn vegna meiðsla.
89. mín Gult spjald: Hjalti Már Hauksson (Víkingur R.)
Fyrir brot á Atla Arnarsyni.
Leik lokið!
Leiknum er lokið og lokatölur 1-1. Liðin skiptust á að sækja í lokin án þess að skapa sér afgerandi færi. Það fara eflaust allir svolítið svekktir frá velli í kvöld.
Byrjunarlið:
1. Seb Furness (m)
Konráð Freyr Sigurðsson ('64)
Ingvi Hrannar Ómarsson
5. Edvard Börkur Óttharsson
6. Björn Anton Guðmundsson
6. Fannar Örn Kolbeinsson ('30)
7. Atli Arnarson
13. Steven Beattie
19. Rodrigo Morin
21. Elvar Páll Sigurðsson
25. Ágúst Friðjónsson ('62)

Varamenn:
12. Sigurður Hrannar Björnsson (m)
8. Ruben Resendes ('62)
9. Christopher Tsonis ('64)
23. Kári Eiríksson ('30)
25. Bjarni Smári Gíslason

Liðsstjórn:

Gul spjöld:
Björn Anton Guðmundsson ('77)

Rauð spjöld: