Malen, Maguire, Rashford, Greenwood, Yoro, Eriksen og fleiri góðir í slúðri dagsins
Valur
1
3
Fylkir
0-1 Viðar Örn Kjartansson '23
0-2 Andrés Már Jóhannesson '38
0-3 Viðar Örn Kjartansson '59
Indriði Áki Þorláksson '82 1-3
21.07.2013  -  19:15
Vodafonevöllur
Pepsi-deild karla
Aðstæður: Logn, 13° og þurrt.
Dómari: Magnús Þórisson
Áhorfendur: 1074
Maður leiksins: Ásgeir Börkur Ásgeirsson
Byrjunarlið:
7. Haukur Páll Sigurðsson
11. Sigurður Egill Lárusson
13. Arnar Sveinn Geirsson ('57)
21. Bjarni Ólafur Eiríksson
23. Andri Fannar Stefánsson ('57)

Varamenn:

Liðsstjórn:
Matthías Guðmundsson

Gul spjöld:
Sigurður Egill Lárusson ('90)

Rauð spjöld:
Fyrir leik
Komið sæl og hjartanlega velkomin í beina textalýsingu héðan frá Hlíðarenda. Í kvöld eigast við Valur og Fylkir í 12.umferð Pepsi-deildar karla.
Fyrir leik
Daniel Racchi er enskur miðjumaður sem Valsmenn fengu til sín í vikunni og hann er í byrjunarliði liðsins í kvöld í fjarveru Rúnars Más sem fór af velli í síðasta leik meiddur aftan í læri. Sigurður Egill Lárusson er einnig að leika sinn fyrsta leik fyrir Val í Pepsi-deild karla. Hann kom til félagsins fyrir tímabilið en var síðan lánaður aftur heim í Víking. Hann hefur slegið í gegn í 1.deildinni í sumar eins og í fyrra.

Ásgeir Börkur Ásgeirsson er einnig kominn aftur heim til Fylkis eftir lánsdvöl hjá Íslendingaliðinu, Sarpsborg 08 í Noregi. Agnar Bragi Magnússon er einnig að snúa aftur á völlinn eftir langvarandi meiðsli. Hann er í byrjunarliði Fylkis í kvöld. Það eru mikil gleðitíðindi fyrir bæði hann og Fylkismenn ef hann er búinn að ná sér af meiðslunum sem hafa verið að plaga hann undanfarin ár.
Fyrir leik
Það er frábært knattspyrnuveður hér að Hlíðarenda í kvöld. Gott sem logn og sólin er enn sjáanleg. Hún verður þó líklega ósjáanleg þegar líður á kvöldið.
Fyrir leik
Rúnar Már S. Sigurjónsson miðjumaður Vals meiddist aftan í læri í síðasta leik og er hann út á velli núna að skokka. Líklega nokkrir dagar í að hann verði orðinn leikfær.
Fyrir leik
Sóknarmaðurinn, Davíð Einarsson sem gekk til liðs við Fylki í vikunni er á bekknum. Hann kom til Fylkis frá KR en hefur ekki fengið tækifæri í Vesturbænum.
Fyrir leik
BREYTING Á LIÐI VALS:
Haukur Páll Sigurðsson sem var skráður í byrjunarliði Vals er greinilega ekki 100% og hefur Magnús Gylfason því þurft að gera breytingu á sínu liði. Kristinn Freyr Sigurðsson kemur inní liðið fyrir Hauk.
1. mín
Leikurinn er hafinn. Fylkismenn leika í al-bláum búning hér í kvöld. Valsmenn sækja í átt að Breiðholtslauginni.
4. mín
Ásmundur Arnarsson þjálfari Fylkis skartar rándýrum sólgleraugum á hliðarlínunni og klæðist appelsínugulum Nike Free Run skóm. Veit ekki alveg hvaða tegund af skóm satt best að segja.
6. mín
Viðar Örn Kjartansson með fyrsta færi leiksins en skotið slakt. Hann komst í gegn eftir innkast frá Andra Þór.
7. mín
Agnar Bragi með skot himinhátt yfir frá vítapunktinu eftir sendingu frá Elís Rafn.

Agnar Bragi er að spila á miðjunni ásamt Ásgeiri Berki og Odd Inga.
12. mín
Fylkismenn skora en markið dæmt af. Kristján Hauksson með skalla að marki, Fjalar grípur boltann en hann missir síðan boltann og Fylkismenn skora úr frákastinu. En það var greinilega brotið á Fjalari og fær hann því aukaspyrnu.
19. mín
Daniel Racchi virðist taka öll föstu leikatriði Vals, flest að minnsta kosti. Hornspyrnur og aukaspyrnur. Þær eru misgóðar.
21. mín
Ásgeir Börkur ætlar greinilega að selja sig dýrt hér í dag. Hann hefur varla tapað einvígi hér í dag. Hann er grjótharður eins og hann er þekktur fyrir. Það er ekki hægt að lýsa þeim liðsstyrk sem því fylgir að fá Ásgeir Börk aftur heim fyrir Fylki.
23. mín MARK!
Viðar Örn Kjartansson (Fylkir)
Stoðsending: Elís Rafn Björnsson
Frábær sókn sem endar með marki! Skyndisókn Fylkismanna hófst með því að Elís Rafn fékk boltann rétt fyrir framan miðjuna, Fylkismenn voru þrír á þrjá, Viðar Örn átti gott hlaup að vítaboganum, fékk boltann frá Elís. Viðar lék á einn varnarmann Vals og lagði síðan boltann þéttingsfast í markið framhjá Fjalari. Ekki fyrsta skyndisókn Fylkis í leiknum.
32. mín
Fylkismenn leika eins og þeir séu í toppbaráttu. Halda boltanum sín á milli og finna auðveldari leið að markinu en Valsmenn.

Ásmundur er samt duglegur að reka öftustu línuna sína framar og vill að þeir fylgi liðinu þegar það sækir. Sverrir og Kristján Hauksson eitthvað tregir til.
38. mín MARK!
Andrés Már Jóhannesson (Fylkir)
Stoðsending: Oddur Ingi Guðmundsson
Oddur Ingi með sendingu á Andrés Má sem hafði betur í baráttunni við varnarmann Vals. Fjalar kom á móti Andrési en Andrés hafði einnig betur gegn honum og lagði boltann hægra megin við Fjalar. Virkilega vel gert hjá Andrési.

Matarr Nesta leit ansi illa út í þessu marki og hefði hæglega, eða átti hreinlega að gera betur!
43. mín
Það átti eftir að setja annað mark Fylkis á leikklukkuna. Það er greinilegt að áhorfendur Fylkis eru að fara á taugum í þessari töflu því nokkrir áhorfendur létu alla á vellina vita af því nokkrum sinnum að það vantaði mark á töfluna.
44. mín
Viðar Örn er sjóðandi heitur hér í leiknum. Hann átti rétt í þessu frábæra rispu fyrir utan teig Valsmanna og enginn af þeim varnarmönnum sem voru nálægt honum náðu boltanum af honum, en skot hans við vítateigslínuna var reyndar ekki eins og þau gerast best.
45. mín
Hálfleikur. Sanngjörn staða í hálfleik. Valsmenn eins og svo aftur áður í sumar ekki mættir til leiks í fyrri hálfleik.
45. mín
Tómas Joð Þorsteinsson leikmaður Fylkis er kampa kátur hér í stúkunni í hálfleik með stöðuna. Hann tekur út leikbann í kvöld.
46. mín
Seinni hálfleikurinn er hafinn. Engar breytingar á liðunum. Nú er spurning hvort Valsmenn vakni til lífsins.
47. mín
Dauðafæri hjá Fylkismönnum. Viðar Örn sleppur innfyrir vörn Vals en Fjalar kemur vel út á móti og lokar ennþá betur á Viðar. Fjalar ver með fætinum og boltinn fer þaðan útfyrir teig, þar lætur Andrés Már vaða á markið og Matarr Nesta skallar boltann frá.
52. mín
Fylkismenn halda áfram að sækja á meðan ekkert gengur hjá Val. Þeir hafa varla átt færi í leiknum.
55. mín
Sigurður Egill með fyrstu skot tilraun Vals í langan tíma. En Bjarni Þórður greip boltann nokkuð þæginlega.
57. mín
Inn:Indriði Áki Þorláksson (Valur) Út:Andri Fannar Stefánsson (Valur)
57. mín
Inn:Stefán Ragnar Guðlaugsson (Valur) Út:Arnar Sveinn Geirsson (Valur)
59. mín MARK!
Viðar Örn Kjartansson (Fylkir)
Stoðsending: Elís Rafn Björnsson
Viðar Örn fékk sendingu fyrir Elís Rafni innfyrir vörn Vals. Viðar gerði vel og lagði boltann í hornið fjær framhjá Fjalari.

Valsmenn eru steinsofandi. Magnús Gylfason nýlega búinn að gera tvöfalda breytingu og þeir fá mark í andlitið.
66. mín
Inn:Matthías Guðmundsson (Valur) Út:Kolbeinn Kárason (Valur)
Kolbeinn ekki sést í leiknum og tekinn af velli. Þó fyrr hefði nú verið.
68. mín
Inn:Davíð Einarsson (Fylkir) Út:Agnar Bragi Magnússon (Fylkir)
Davíð Einarsson að koma inná í sínum fyrsta leik fyrir Fylki. Agnar Bragi að sama skapi að fara af velli í sínum fyrsta leik fyrir Fylki á tímabilinu. Hann hefur átt flottan leik á miðjunni.
69. mín
Einstefnan heldur áfram. Andrés Már með skot að marki en Fjalar vel á verði og ver ágætlega.
75. mín
Viðar Örn með skot í hliðarnetið. Valsmenn komast vart yfir miðlínuna með boltann.
81. mín
Á meðan Ásmundur Arnarsson brosir á hliðarlínunni, líklega í fyrsta sinn í sumar hefur Magnús Gylfason sest niður í varamannaskýlið líklega í fyrsta sinn í sumar. Segir kannski allt um leikinn.
82. mín MARK!
Indriði Áki Þorláksson (Valur)
Stoðsending: Kristinn Freyr Sigurðsson
Valsmenn minnka muninn. Kristinn Freyr virtist vera brotlegur þegar hann vann boltann af Odd Inga, hvorki Magnús Þórisson né aðstoðardómarinn sáu neitt athugavert við þetta, Kristinn Freyr gaf stungusendingu á Indriða sem klobbaði Bjarna Þórð. Fylkismenn allt annað en sáttir!
84. mín
Inn:Davíð Þór Ásbjörnsson (Fylkir) Út:Elís Rafn Björnsson (Fylkir)
89. mín
Valsmenn aðeins að vakna til lífs síns. Matarr Nesta með skalla rétt yfir eftir hornspyrnu frá Kristni Frey.
90. mín Gult spjald: Sigurður Egill Lárusson (Valur)
Fyrsta spjald leiksins. Ótrúlegt.
Leik lokið!
Leik lokið. Fyrsti sigur Fylkis í sumar staðreynd. 3-1 sigur á útivelli gegn Val. Sanngjörn og öruggur sigur. Það er létt yfir Lautinni.
Byrjunarlið:
Bjarni Þórður Halldórsson
Oddur Ingi Guðmundsson
Kristján Hauksson
4. Andri Þór Jónsson
10. Ásgeir Börkur Ásgeirsson
24. Elís Rafn Björnsson ('84)
25. Agnar Bragi Magnússon ('68)
49. Ásgeir Örn Arnþórsson

Varamenn:
11. Kjartan Ágúst Breiðdal
17. Davíð Þór Ásbjörnsson ('84)
22. Davíð Einarsson ('68)

Liðsstjórn:

Gul spjöld:

Rauð spjöld: