Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Víkingur R.
0
2
Fjölnir
0-1 Aron Sigurðarson '8
0-2 Aron Sigurðarson '57
31.07.2013  -  19:15
Víkingsvöllur
1. deild karla
Aðstæður: Smávægilegur vindur en sól og völlurinn ágætur.
Dómari: Gunnar Sverrir Gunnarsson
Byrjunarlið:
4. Igor Taskovic
12. Halldór Smári Sigurðsson ('66)
20. Pape Mamadou Faye

Varamenn:
3. Ívar Örn Jónsson ('66)
27. Tómas Guðmundsson

Liðsstjórn:

Gul spjöld:

Rauð spjöld:
Fyrir leik
Góða kvöldið, hér mun vera bein textalýsing frá leik Víkings Reykavík og Fjölnis í 14. umferð 1. deildar karla í knattspyrnu.
Fyrir leik
Í fyrri leik liðanna í sumar á Fjölnisvell vann Víkingur 5-2 sigur þar sem Aron Elís Þrándarson skoraði m.a. þrennu fyrir Víking. Hann er fjarri góðu gamni í dag vegna meiðsla.
Fyrir leik
Liðin eru á fullu í upphitun í glampandi sól. Stúkan snýr hins vegar beint upp í sólina, vonum að það hafi ekki mikil áhrif á sýn blaðamanns en sem betur fer eru sólgleraugun með.
Fyrir leik
Það má kalla þennan leik toppslag þrátt fyrir að Fjölnir sé í 6. sæti. Einungis 4 stig aðskilja liðin en Víkingar sitja á toppi deildarinnar.
Fyrir leik
Bæði lið höfðu verið á ágætis róli en töpuðu bæði í síðustu umferð. Víkingur hafði ekki tapað í 10 leikjum en Fjölnismenn höfðu verið ósigraðir í 8 leikjum.
Fyrir leik
Jæja, þá eru 10 mínútur í leik og liðin halda til búningsherbergja þar sem þjálfararnir Ágúst og Ólafur ætla að koma mönnum í geng fyrir átökin.
Fyrir leik
Þá halda leikmenn út á völlinn leiddir af Kristni Magnússyni og Bergsveini Ólafssyni, fyrirliðum.
1. mín
Víkingar hefja leik.
7. mín
Leikurinn fer rólega af stað. Þórir Guðjónsson átti hins vegar fyrstu skottilraun leiksins úr ágætis færi en framhja fór boltinn.
8. mín MARK!
Aron Sigurðarson (Fjölnir)
Stoðsending: Þórir Guðjónsson
Fjölnismenn náðu að opna vörn Víkinga, Þórir fékk boltann inn fyrir og sendi þvert yfir á Aron sem lagði boltann niður í fjærhornið.
11. mín
Dofri Snorrason á frábæra sendingu fyrir á Pape Faye sem lætur verja frá sér í dauðafæri. Það hefði þó ekki gilt þar sem að Pape var rangstæður.
17. mín
Leikurinn er ennþá nokkuð rólegur, Víkingar eru meira með boltann og Fjölnismenn liggja til baka eins og mátti gera ráð fyrir. Hvað þá fyrst að Fjölnir náði marki snemma.
20. mín
Aron Sigurðarson á skalla yfir eftir fyrirgjöf frá hægri. Hvorugt lið er mikið að ógna marki andstæðingsins.
22. mín
Bergsveinn Ólafsson á skot úr dauðafæri eftir horn en Víkingar bjarga á línu!
27. mín
Dofri Snorrason á góða sendingu innfyrir á Pape Faye en hann skýtur í hliðarnetið úr kjörfæri.
35. mín
Enn eru Víkingar meira með boltann án þess þó að ná að skapa sér virkileg færi. Fjölnismenn hafa verið líklegri með skyndisóknum sínum.
40. mín
Igor Taskovic á skalla yfir úr dauðafæri eftir góða fyrirgjöf Pape frá vinstri.
41. mín
Illugi Þór á skot beint á Skúla í markinu.
45. mín
Fjölnismenn vilja fá víti en Gunnar dæmir ekki neitt. Leit út fyrir að vera vafasamt.
45. mín
Þá er flautað til hálfleiks. Ekki skemmtilegasti leikur sumarsins en Fjölnismenn hafa spilað þennan leik nokkuð vel.
45. mín
Zoran Miljkovic þjálfari Þróttar er að sjálfsögðu mættur, enda mætir hann á alla knattspyrnuleiki.
46. mín
Þá hefja Fjölnismenn leik í síðari hálfleik.
48. mín
Igor Taskovic með fínan sprett en skot hans fer yfir markið.
54. mín
Aron Sigurðarson á skot framhjá fyrir utan teig.
56. mín
Leikurinn nákvæmlega eins og í fyrri hálfleik, einkennist af miðjumoði og er hreint ekki skemmtilegur.
57. mín
Inn:Páll Olgeir Þorsteinsson (Víkingur R.) Út:Arnþór Ingi Kristinsson (Víkingur R.)
57. mín MARK!
Aron Sigurðarson (Fjölnir)
Marko Pavlov fær sendingu frá samherja en nær ekki að taka á móti honum, boltinn berst til Arons sem hleypur inn að marki og vippar boltanum skemmtilega yfir Skúla í markinu. Hræðileg mistök hjá Pavlov.
59. mín
Markið kom einungis um 10 sekúndum eftir að Páll Olgeir kom inná í sínum fyrsta leik. Ekki byrjar það vel fyrir hann.
61. mín
Inn:Ragnar Leósson (Fjölnir) Út:Guðmundur Karl Guðmundsson (Fjölnir)
64. mín
Fjölnismenn komast í skyndisókn sem endar á dauðafæri. Skúli Sigurðsson tæklar framherja Fjölnis með þeim afleiðingum að hann fær boltann í hendina utan teigs. Gunnar Sverrir sér það ekki og lætur leikinn halda áfram. Þarna átti markvörður Víkinga á fá rautt spjald.
65. mín
Fjölnismenn eiga aðra vel útfærða skyndisókn. Aron fær boltann í góðri stöðu og getur tryggt þrennuna en skot hans fer í þverslánna. Varnarleikur Víkinga er alveg úti á túni.
66. mín
Inn:Ívar Örn Jónsson (Víkingur R.) Út:Halldór Smári Sigurðsson (Víkingur R.)
Víkingar gera mjög svo þarfa breytingu á vörn sinni.
72. mín
Aron Sigurðarson á skot sem að Skúli ver í horn.
74. mín
Ólafi Þórðarssyni er gefin aðvörun frá Gunnari Sverri fyrir kjaftbrúk.
81. mín
Ragnar Leósson fær sendingu innfyrir og reynir að vippa skoppandi bolta innanfótar yfir Skúla sem kom í skógarferð út. Skotið fer framhjá.
86. mín
Inn:Ágúst Freyr Hallsson (Víkingur R.) Út:Hjörtur Júlíus Hjartarson (Víkingur R.)
Hjörtur snerti vart boltann í leiknum.
87. mín
Inn:Guðmundur Pétursson (Fjölnir) Út:Aron Sigurðarson (Fjölnir)
Besti maður vallarins fær heiðursskiptingu.
90. mín
Leik lokið með sannfærandi sigri Fjölnis á Víkingum sem hafa þá tapað tveimur leikjum í röð.
Byrjunarlið:
3. Bergsveinn Ólafsson (f)
3. Illugi Þór Gunnarsson
10. Aron Sigurðarson ('87)
15. Haukur Lárusson
16. Guðmundur Böðvar Guðjónsson
29. Guðmundur Karl Guðmundsson ('61)

Varamenn:
22. Ragnar Leósson ('61)

Liðsstjórn:

Gul spjöld:

Rauð spjöld: