Malen, Maguire, Rashford, Greenwood, Yoro, Eriksen og fleiri góðir í slúðri dagsins
HK/Víkingur
2
1
Afturelding
Berglind Bjarnadóttir '9 1-0
Rachel Marie Wood '43 2-0
2-1 Sigríður Þóra Birgisdóttir '90
15.09.2013  -  13:00
Víkingsvöllur
Pepsi-deild kvenna
Aðstæður: Þónokkur vindur á annað markið.
Dómari: Aðalbjörn Heiðar Þorsteinsson
Maður leiksins: Rachel Marie Wood
Byrjunarlið:
12. Nicole McClure (m)
Valgerður Tryggvadóttir
4. Erla Steina Sverrisdóttir
6. Tinna Óðinsdóttir (f)
6. Karen Sturludóttir
9. Lára Hafliðadóttir (F)
10. Hugrún María Friðriksdóttir
11. Bergþóra Gná Hannesdóttir ('74)
16. Elma Lára Auðunsdóttir
20. Berglind Bjarnadóttir
28. Rachel Marie Wood

Varamenn:
4. Anna Margrét Benediktsdóttir
6. Natalía Reynisdóttir ('74)
13. Ingibjörg Björnsdóttir
19. Þórhanna Inga Ómarsdóttir
21. Sigurrós Halldórsdóttir
23. Árnína Björt Heimisdóttir

Liðsstjórn:

Gul spjöld:
Elma Lára Auðunsdóttir ('39)
Bergþóra Gná Hannesdóttir ('31)

Rauð spjöld:
Fyrir leik
Heil og sæl!

Verið velkomin í beina textalýsingu frá fallslag HK/Víkings og Aftureldingar í Pepsi-deild kvenna.

Nú fyrir lokaumferðina er Afturelding með 14 stig og -27 mörk í markatölu. HK/Víkingur situr hinsvegar í 9. sæti með 11 stig og er með -33 mörk. Með þriggja marka sigri getur HK/Víkingur því komist upp fyrir Aftureldingu og haldið sæti sínu í deild þeirra bestu.

Lykilmenn eru fjarverandi hjá báðum liðum og það verður mjög áhugavert að sjá hvernig þjálfarar liðanna koma til með að nálgast leikinn.

Byrjunarliðin eru klár og má sjá hér til hliðar. Hjá heimaliðinu er hin öfluga Milena Pesic í leikbanni og Hugrún María Friðriksdóttir kemur inn í hennar stað frá jafnteflisleiknum á Selfossi.

Cecilia Maria Marrero er ekki með gestunum í dag og Helga Dagný Bjarnadóttir færist á bekkinn frá síðsta leik. Þær Sigríður Þóra Birgisdóttir og Sandra Dögg Björgvinsdóttir koma inn í byrjunarliðið í þeirra stað.
Fyrir leik
Liðin hafa lokið upphitun og eru nú að leggja lokahönd á undirbúning sinn inni í klefa. Eflaust hörkuleikur framundan.
Fyrir leik
Jæja, þetta er að skella á. Dómaratríóið leiðir liðin til vallar. Með í för eru ungar og efnilegar fótboltastelpur úr HK.
1. mín
Gestirnir hefja leik og leika á móti þéttum vindi í átt að Víkinni.
8. mín
Spennustigið er hátt. Leikurinn hefur verið hraður fyrstu mínúturnar og leikmenn greinilega svolítið stressaðir. Vindurinn er að hafa sín áhrif og gestirnir hafa átt í vandræðum með að koma boltanum frá marki sínu.
9. mín MARK!
Berglind Bjarnadóttir (HK/Víkingur)
Stoðsending: Elma Lára Auðunsdóttir
Þetta verður eitthvað.. HK/Víkingar komnar yfir. Elma Lára lagði boltann út á Berglindi Bjarnadóttur sem setti boltann snyrtilega í markhornið með góðu skoti rétt utan teigs. Fallegt mark og einmitt það sem HK/Víkingar þurftu: Að skora snemma í leiknum.
11. mín
Ágætt færi hjá gestunum. Mér sýnist það vera Ingunn Haraldsdóttir sem skýtur yfir úr teignum eftir aukaspyrnu. Karen Sturludóttir á svo ágætt skot framhjá úr teignum hinum megin.
16. mín
Þvílíkur vandræðagangur í vörninni hjá Aftureldingu. Megan markvörður er ekki að virka sannfærandi, spilar boltanum mjög illa frá sér og er búin að missa hann aftur fyrir í tvö horn. Nú komst Hugrún María inn í slaka sendingu frá henni en sem betur fer fyrir Link þá náði hún ekki valdi á boltanum. Virðist sem svo að það ríki algjört samskiptaleysi á meðal öftustu manna.
19. mín
HK/Víkingar fá enn eitt hornið. Eva Rún bjargar skalla Elmu Láru á marklínu.
21. mín
Það er áhugavert að vinstri bakverðir beggja liða eru lánsmenn frá Val. Ingunn Haraldsdóttir hjá Aftureldingu og Erla Steina Sverrisdóttir hjá HK/Víkingum. Ingunn er fædd 1995 en Erla Steina 1994 og þær eru því báðar enn á 2. flokks aldri.
23. mín
Þarna munaði engu að Danielle Sheehy slyppi í gegn. Rangstöðugildra heimakvenna brást en McClure var á tánum í markinu og var á undan í boltann.

Þetta er opinn og skemmtilegur leikur. Veðuraðstæður og hátt spennustig gera það að verkum að leikmenn eru að gera mikið af mistökum og það heldur þessu galopnu.
31. mín Gult spjald: Bergþóra Gná Hannesdóttir (HK/Víkingur)
Begga Gná er fyrst til að komast í bókina hjá Aðalbirni.
36. mín
Vandræðagangur í vörninni hjá HK/Víking og aftur bjargar McClure þeim. Sigríður Þóra þarna alveg við það að sleppa í gegn eftir vonda sendingu út úr vörninni.
39. mín Gult spjald: Elma Lára Auðunsdóttir (HK/Víkingur)
Steig fyrir Evu Rún. Brotið var ekki gróft en Elma er búin að brjóta af sér áður og þetta er líklega uppsafnað.
42. mín
Bubbi er búinn að senda hina öflugu Rachel Marie Wood framar á völlinn en hún hóf leikinn í hafsentinum. Freistar þess að ná öðru marki fyrir hálfleik. Það verður erfitt að þurfa að skora tvö á móti vindi í seinni hálfleik.
43. mín MARK!
Rachel Marie Wood (HK/Víkingur)
Stoðsending: Hugrún María Friðriksdóttir
Jahérna hér. HK/Víkingar fá enn eina hornspyrnuna og ná loks að nýta sér hana. Rachel Marie Wood er höfðinu hærri en flestar á vellinum og skallar boltann í netið.
45. mín
Gestirnir gefast ekki upp. Eva Rún slapp inn fyrir en McClure kom vel út á móti og lokaði á Evu áður en hún náði skoti. Strax í kjölfarið áttu heimakonur hrikalega sendingu fyrir eigið mark og enn verri móttöku hjá McClure sem neyddist til að taka boltann upp með höndum. Afturelding fékk því óbeina aukaspyrnu innan teigs en Sheehy negldi hátt yfir.
45. mín
Það er kominn hálfleikur og þetta gæti eiginlega ekki verið meira spennandi. HK/Víkingur hefur leikið undan þéttum vindi og leiðir 2-0. Tekst þeim að skora þriðja markið eða ná gestirnir að nýta sér rokið til góðs í síðari hálfleik?
46. mín
Síðari hálfleikur er hafinn. Engar breytingar hafa verið gerðar á liðununm. Rachel Marie Wood er komin aftur í vörnina eftir stutta viðkomu í sókninni undir lok fyrri hálfleiks.
60. mín
Það er ekki mikið að gerast hérna í upphafi síðari hálfleiks. Afturelding búin að fá þrjú horn án þess þó að gera sér mat úr þeim. Bæði lið búin að eiga tilraunir utan af velli en ekkert sem veldur andstæðingunum teljandi vandræðum.
70. mín
Svakaleg varsla hjá McClure. Sheehy með fína "chippu" utan af velli sem virtist ætla yfir McClure og í markið. Henni tókst hinsvegar að teygja sig í boltann og blaka honum yfir.
74. mín
Inn:Natalía Reynisdóttir (HK/Víkingur) Út:Bergþóra Gná Hannesdóttir (HK/Víkingur)
74. mín
Inn:Valdís Björg Friðriksdóttir (Afturelding) Út:Eva Rún Þorsteinsdóttir (Afturelding)
82. mín
Lára Hafliðadóttir skýtur yfir úr fínu færi eftir laglega sókn HK/Víkings.
82. mín
Inn:Guðný Lena Jónsdóttir (Afturelding) Út:Sandra Dögg Björgvinsdóttir (Afturelding)
85. mín Gult spjald: Hrefna Guðrún Pétursdóttir (Afturelding)
Fyrir mótmæli held ég.
87. mín
Þetta er að fjara út. Sóknarþungi HK/Víkings er að aukast eftir rólegan hálfleik en leikmenn Aftureldingar selja sig dýrt. Bara örfáar mínútur eftir.
90. mín MARK!
Sigríður Þóra Birgisdóttir (Afturelding)
SIGRÍÐUR ÞÓRA BIRGISDÓTTIR!!! Hún er að tryggja Aftureldingu sæti í efstu deild að ári eftir frábært einstaklingsframtak. Hún prjónaði sig framhjá varnarmönnum HK/Víkings og lagði boltann svo fram hjá McClure.
94. mín
Inn:Guðrún Sól Gunnarsdóttir (Afturelding) Út:Aldís Mjöll Helgadóttir (Afturelding)
Leik lokið!
Leiknum er lokið. Afturelding heldur sæti sínu í deildinni þrátt fyrir tap hér í dag og leikmenn og stuðningsmenn fagna vel og innilega.

HK/Víkingur vann hér góðan sigur en fær engu síður það hlutskipti að falla úr deildinni ásamt hinum nýliðunum í Þrótti.
Byrjunarlið:
12. Megan Link (m)
Eydís Embla Lúðvíksdóttir
4. Kristrún Halla Gylfadóttir
5. Jenna R Roncarati
8. Hrefna Guðrún Pétursdóttir
9. Aldís Mjöll Helgadóttir ('94)
10. Sigríður Þóra Birgisdóttir
16. Ingunn Haraldsdóttir
18. Danielle Sheehy
22. Sandra Dögg Björgvinsdóttir ('82)
26. Eva Rún Þorsteinsdóttir ('74)

Varamenn:
6. Valdís Björg Friðriksdóttir ('74)
8. Hafdís Rún Einarsdóttir
14. Helga Dagný Bjarnadóttir
17. Kristín Tryggvadóttir
20. Guðný Lena Jónsdóttir ('82)

Liðsstjórn:

Gul spjöld:
Hrefna Guðrún Pétursdóttir ('85)

Rauð spjöld: