Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Fram
0
2
FH
0-1 Atli Viðar Björnsson '29
0-2 Atli Viðar Björnsson '63
22.09.2013  -  16:00
Laugardalsvöllur
Pepsi-deild karla
Dómari: Valgeir Valgeirsson
Byrjunarlið:
1. Ögmundur Kristinsson (m)
10. Orri Gunnarsson
11. Almarr Ormarsson
13. Viktor Bjarki Arnarsson
14. Halldór Arnarsson ('72)

Varamenn:
1. Denis Cardaklija (m)
9. Haukur Baldvinsson
16. Aron Bjarnason ('67)
23. Benedikt Októ Bjarnason

Liðsstjórn:
Halldór Hermann Jónsson

Gul spjöld:
Hólmbert Aron Friðjónsson ('79)
Samuel Hewson ('75)
Almarr Ormarsson ('44)

Rauð spjöld:
Fyrir leik
Komiði sæl og verið velkomin í beina textalýsingu frá viðureign Fram og FH í næst síðustu umferð Pepsi-deildar karla. Liðin eru klár hér sitthvorum megin við textann.
Fyrir leik
Byrjunarliðin eru klár og þar vekur helst athygli að Heimir Guðjónsson þjálfari FH gerir sex breytingar á liði sínu frá 3-3 jafnteflinu við Val í síðustu umferð.

Atli Guðnason og Atli Viðar Björnsson sem hafa vermt bekkinn hjá FH í síðustu leikjum koma báðir inn í byrjunarliðið sem og fjórir aðrir. Atli Viðar hefur spilað síðustu mínúturnar í síðustu tveimur leikjum en samt skorað þrjú mörk.

Hjá FH missa sæti sitt í liðinu Daði Lárusson, Ingimundur Níels Óskarsson, Pétur Viðarsson, Albert Brynjar Ingason, Jón Ragnar Jónsson og Davíð Þór Viðarsson sem tekur út leikbann.

Í þeirra stað koma þeir Atli Viðar Björnsson, Atli Guðnason, Freyr Bjarnason, Kristján Gauti Emilsson, Brynjar Ásgeir Guðmundsson og markvörðurinn Róbert Örn Óskarsson sem snýr aftur úr tveggja leikja banni.

Framarar unnu sigur á Breiðablik 1-2 í síðasta leik og Ríkharður Daðason þjálfari þeirra gerir tvær breytingar á liði sínu. Halldór Hermann Jónsson og Jon André Royrane fara á bekkinn og í þeirra stað koma Viktor Bjarki og Kristinn Ingi Halldórsson koma í þeirra stað.
Fyrir leik
Gera má ráð fyrir að liðunum verði stillt svona upp í dag en það kemur allt í ljós þegar flautað verður til leiks.

FRAM:
Ögmundur
Orri - Lowing - Halldór - Halsman
Jón Gunnar - Hewson
Viktor Bjarki
Kristin Ingi - Hólmbert - Almarr

FH:
Róbert
Brynjar - Guðmann - Freyr - Sam
Emil - Björn Daníel
Kristján Gauti
Ólafur Páll - Atli Viðar - Atli Guðna
Fyrir leik
Liðin ganga nú út á völl og um 100 áhorfendur taka á móti þeim með lófaklappi. Fram í bláum treyjum og hítum buxum, FH í hvítum treyjum og svörtum buxum.
1. mín
Leikurinn er hafin. FH byrjar með boltann og sækir í átt að Laugardalsvlauginni.
1. mín
FH-ingar gerðu harða hríð að marki Fram strax á fyrstu mínútunni, sókn sem endaði á því að Atli Viðar skallaði framhjá eftir sendingu Ólafs Páls.
3. mín
Ólafur Páll með skot fyrir utan teig eftir innkast Brynjars en skotið framhjá marki Framara.
8. mín
Almarr Ormarsson í dauðafæri í teignum eftir hraða sókn Framara en skaut framhjá FH markinu. Þarna skall heldur betur hurð nærri hælum.
9. mín
Almarr er að valda usla á vinstri kantinum, nú skildi hann tvo varnarmenn FH eftir úti vinstra megin og sendi út í teiginn á Hólmbert sem skaut framhjá FH markinu.
13. mín
Hólmbert Aron er með hvíta húfu sem stendur aðeins upp úr. Þegar hún blandast við bláan Fram búninginn minnir hann helst á strumpana.
19. mín
Atli Guðnason kom upp vinstra megin og skaut að marki en beint í fangið á Ögmundi.
20. mín
Kristinn Ingi var úti hægra megin, sendi til vinstri á Viktor Bjarka sem var við vítateigshornið og lét vaða á markið en í hliðarnetið utanvert.
22. mín
Nóg er af færunum í þessum leik en menn þurfa að gera meira úr þeim til að skapa alvöru hættu. Atli Guðna sendi á Ólaf Pál í teignum rétt í þessu, hann var í fínu skotfæri en kiksaði boltann og framhjá.
22. mín
Áhorfendur í stúkunni láta vel í sér heyra og kvarta undan dómgæslu Valgeirs. Valgeir er þekktur fyrir að láta leikina ganga og láta sig lítið varða um smábrot. Það fer ekki vel í alla en leikurin fær meira flæði í staðinn.
26. mín
Hólmbert Aron og Guðmann eru mikið að eigast við í leiknum og smá kýtingar þeirra á milli.
28. mín
Ólafur Páll með fast skot að marki frá vítateigshorninu sem Ögmundur náði að kýla frá sér í horn.
29. mín MARK!
Atli Viðar Björnsson (FH)
Stoðsending: Sam Tillen
Það er ekki að spyrja að Atla Viðari sem skoraði þarna fjórða mark sitt í þremur leikjum. Sam Tillen tók hornspyrnu, boltinn datt í teignum og eftir smá klafs fór hann til Atla Viðars sem var réttur maður á réttum stað og skoraði með skoti af stuttu færi.
35. mín
Freyr Bjarnason varnarmaður FH lagði boltann út fyrir fætur Hólmberts en var klár þear skotið kom og varði það.
38. mín
Hólmbert Aron skallaði rétt framhjá eftir hornspyrnu Halsman. Hólmbert hefur losað sig við strumpahúfuna og lítur því út eins og óbreyttur Framari.
41. mín Gult spjald: Björn Daníel Sverrisson (FH)
44. mín Gult spjald: Almarr Ormarsson (Fram)
Togaði í peysu Björns Daníels.
45. mín
Kominn hálfleikur í Laugardalnum. Leikurinn nokkuð jafn, bæði lið að skapa sér færi en markið datt FH megin. Stuðningsmennirnir hafa ekkert stutt lið sín en einstaka tuð út í dómarann.
46. mín
Síðari hálfleikur er hafinn. Engar breytingar voru gerðar á liðunum.
51. mín
Seini hálfleikurinn fer rólega af stað. Guðmann Þórisson er með enn einn góða leikinn hjá FH liðinu og stoppar hverja sóknina hjá Fram liðinu á fætur annarri.
57. mín
Jón Gunnar sendi boltann stutt út á Hólmbert sem var í góðu skotfæri en þrumaði í varnarmann FH og horn.
63. mín MARK!
Atli Viðar Björnsson (FH)
Stoðsending: Brynjar Ásgeir Guðmundsson
Atli Viðar er gjörsamlega á eldi þessa dagana. Nú skoraði hann annað mark sitt í kvöld og kom FH í 2-0. Brynjar Ásgeir sendi fyrir af hægri kanti á Atla Viðar sem skallaði boltann inn. Fimmta mark Atla Viðars í þremur leikjum.
64. mín Gult spjald: Emil Pálsson (FH)
Emil braut á Sam Hewson á miðjum vallarhelmingi FH-inga.
67. mín
Inn:Aron Bjarnason (Fram) Út:Jón Gunnar Eysteinsson (Fram)
69. mín
Ólafur Páll með gott skot í hraðri sókn FH en Ögmundur gerði vel í að verja frá honum.
69. mín
Aron Bjarnason kemur flottur inn í lið Fram, átti gott skot fyrir utan vítateig sem Róbert Örn skutlaði sér á og náði að blaka í horn.
72. mín
Inn:Ingimundur Níels Óskarsson (FH) Út:Ólafur Páll Snorrason (FH)
72. mín
Inn:Steffen Haugland (Fram) Út:Halldór Arnarsson (Fram)
75. mín Gult spjald: Samuel Hewson (Fram)
Brot á Birni Daníel við miðlínu vallarins.
79. mín Gult spjald: Hólmbert Aron Friðjónsson (Fram)
Pirringsbrot úti á miðjum velli.
81. mín
Ingimundur með laust skot fyrir utan teig beint á Ögmund sem átti ekki í neinum vandræðum.
82. mín
Inn:Halldór Hermann Jónsson (Fram) Út:Kristinn Ingi Halldórsson (Fram)
83. mín
Aron lék laglega á Guðmann í teignum, og þrumaði svo á markið þar sem Róbert Örn varði fast skot hans í horn.
87. mín
Liðin skiptast á að sækja, á sömu mínútunni áttu Hólmbert og Ingimundur skot sem voru varin.
88. mín
Inn:Hólmar Örn Rúnarsson (FH) Út:Atli Guðnason (FH)
Hólmar Örn hefur verið meiddur allt tímabilið en fær hérna sínar fyrstu mínútur í sumar við mikið lófaklapp stuðningsmanna FH liðsins í stúkunni.
91. mín
Inn:Einar Karl Ingvarsson (FH) Út:Björn Daníel Sverrisson (FH)
Björn Daníel gengur af velli í hinsta sinn hjá FH liðinu. Hann fékk spjald áðan og verður í leikbanni í lokaumferðinni. Eftir hana er hann farinn til Viking í Stavanger sem hann samdi við fyrr í sumar.
93. mín
Kristján Gauti með fast skot framhjá marki Fram.
93. mín Gult spjald: Freyr Bjarnason (FH)
Brot nokkuð fyri utan vallarhelming FH.
Leik lokið!
Leiknum er lokið með 0-2 sigri FH liðsins.
Byrjunarlið:
1. Róbert Örn Óskarsson (m)
Ólafur Páll Snorrason ('72)
4. Sam Tillen
8. Emil Pálsson
10. Björn Daníel Sverrisson (f) ('91)
11. Atli Guðnason ('88)
13. Kristján Gauti Emilsson
17. Atli Viðar Björnsson
21. Guðmann Þórisson
23. Brynjar Ásgeir Guðmundsson

Varamenn:
4. Pétur Viðarsson
7. Ingimundur Níels Óskarsson ('72)
14. Albert Brynjar Ingason
16. Jón Ragnar Jónsson
25. Hólmar Örn Rúnarsson ('88)

Liðsstjórn:
Daði Lárusson

Gul spjöld:
Freyr Bjarnason ('93)
Emil Pálsson ('64)
Björn Daníel Sverrisson ('41)

Rauð spjöld: