Malen, Maguire, Rashford, Greenwood, Yoro, Eriksen og fleiri góðir í slúðri dagsins
Noregur
1
1
Ísland
0-1 Kolbeinn Sigþórsson '12
Vegard Forren '30 1-1
15.10.2013  -  18:00
Ullevaal
Undankeppni HM
Dómari: Paolo Tagliavento
Áhorfendur: 6977
Maður leiksins: Aron Einar Gunnarsson (Ísland)
Byrjunarlið:
1. Sten Grytebust
2. Haitam Aleesami
4. Tore Reginiussen
10. Markus Henriksen
14. Veton Berisha
15. Per Ciljan Skjelbred ('86)
16. Adama Diomande
16. Jonas Svensson
17. Martin Linnes
21. Vegard Forren ('74)

Varamenn:
8. Stefan Johansen
9. Mohammed Abdellaoue ('74)
18. Ole Kristian Selnæs ('86)
20. Valon Berisha ('56)
23. Pal Andre Helland
24. Iver Fossum

Liðsstjórn:

Gul spjöld:

Rauð spjöld:
Fyrir leik
Góða kvöldið!

Hér verður bein textalýsing frá leik Noregs og Íslands í undankeppni HM sem hefst klukkan 18:00.

Á sama tíma mætast Sviss og Slóvenía en málið er einfalt, með betri úrslitum en Slóvenía nær Ísland 2. sætinu í riðlinum og um leið sæti í umspili á HM.
Fyrir leik
Áhugi Norðmanna á leiknum er ekki mikill og búist er við að einungis 10 þúsund manns mæti á völlinn í kvöld sem þykir lítið á Ulleval. Möguleikar Norðmanna á að komast áfram eru líka úr sögunni eftir tap gegn Slóveníu fyrir helgi.
Fyrir leik
Fjöldi Íslendinga er í dagsferð í Osló og þar á meðal er fyrrum landsliðsmaðurinn Guðni Bergsson. Hann er bjartsýnn fyrir leikinn.

Spá Guðna:
Ég spái 2-1 sigri þar sem Eiður Smári og Kolbeinn skora.
Fyrir leik
Leikurinn í dag er fyrsti heimaleikur Norðmanna undir stjórn Per-Mathias Høgmo sem tók við af Egil ,,Drillo" Olsen á dögunum. Høgmo hefur skipt yfir í 4-4-2 leikkerfi sem gafst þó ekki vel í 3-0 tapinu gegn Slóvenum.

Gefum Morten Stokstad íþróttafréttamanni á TV 2 orðið.

,,Egil ,,Drillo" Olsen náði ekki nógu miklu út úr liðinu en hann er farinn núna. Norska liðið reyndi að spila öðruvísi gegn Slóvenum og einhverjir myndu segja á jákvæðan hátt en við vorum ekki nógu góðir. Það eru mjög svartir tímar hjá norska landsliðinu í augnablikinu."
Fyrir leik
Ísland vann fyrri leikinn gegn Noregi 2-0 í september í fyrra en það var fyrsti leikurinn í undankeppninni. Kári Árnason og Alfreð Finnbogason skoruðu mörkin þar.
Fyrir leik
Þrátt fyrir að sæti í umspili sé í húfi þá eru leikmenn íslenska liðsins jarðbundnir og ekki farnir að hugsa of langt.

Aron Einar Gunnarsson:
,,Það væri sætt að ná að klára Noreg og taka sex stig úr leikjunum á móti þeim í þessari keppni en við erum að einbeita okkur að þessum leik. Við pælum ekki í umspili eins og er, við viljum klára riðilinn og sjá síðan hvar við stöndum."
Fyrir leik
Birkir Bjarnason bjó lengi í Noregi og hann þekkir því einnig vel til norska landsliðsins.

Birkir segir að Norðmenn muni leggja allt í sölurnar í kvöld þrátt fyrir að þeir hafi ekki að miklu að keppa.

,,Þeir fara í þennan leik af krafti. Þeir yrðu ekki ánægðir með að sjá okkur fagna á þeirra velli," sagði Birkir.
Hans Steinar Bjarnason - RÚV:
Ætla að lýsa leiknum í röndóttum sokkum #hejaIsland
Guðmundur Karl Guðmundsson:
Mín spá fyrir kvöldið: Noregur 0-1 Ísland og Sviss 3 - 0 Slóvenía. Umspilsætið er alltaf að fara að detta! #Ísland #Spenningur
Fyrir leik
Við munum að sjálfsögðu fylgjast ítarlega með gangi mála í Sviss samhliða leiknum á Ullevaal. Það munu menn á íslenska varamannabekknum einnig gera en Siggi Dúlla liðsstjóri mun fylgjast með gangi mála og láta Lars Lagerback og Heimi Hallgrímsson vita ef eitthvað markvert gerist í Sviss.
Guðmundur Kristjánsson:
Hef ekki verið svona spenntur síðan óvissan var með barnið hennar Kristrúnar Aspar #whoisyourdaddy
Fyrir leik
Ola Kamara, framherji Stromsgodset, byrjar inn á hjá Norðmönnum í fyrsta skipti í kvöld. Kamara fagnar 24 ára afmæli sínu í dag og fær byrjunarliðsleik í afmælisgjöf.
Fyrir leik
Kamara og Daniel Braaten leikmaður FC Kaupmannahöfn eru saman frammi á meðan Mohammed "Moa" Abdellaoue, framherji Stuttgart, má sætta sig við sæti á bekknum.
Fyrir leik
Þekktasti leikmaður Norðmanna er væntanlega Brede Hangeland varnarmaður Fulham en hann verður á sínum stað í dag.
Fyrir leik
Íslenska byrjunarliðið er klárt og líkt og búist var við þá stillir Lars Lagerback upp sama liði og í 2-0 sigrinum á Kýpur.
Fyrir leik
Vegna tæknilegra galla er ekki hægt að birta ALLA varamenn beggja liða. Við biðjumst afsökunar á því. Auk þeirra sem eru taldir upp hjá Íslendingum þá eru markverðirnir Gunnleifur Gunnleifsson og Haraldur Björnsson á bekknum sem og Kristinn Jónsson og Guðlaugur Victor Pálsson.
Fyrir leik
Íslenska liðið er mætt út á völl í upphitun.
Fyrir leik
Íslenskir stuðningsmenn eru farnir að týnast á völlinn en þeir eru meðal annars staðsettir fyrir aftan markið þar sem Íslendingarnir eru að hita upp.
Fyrir leik
Freyr Alexandersson landsliðsþjálfari kvenna hefur fylgt landsliðinu í Noregi en hann er bjartsýnn fyrir leikinn í dag.

,,Þetta verður hörkuleikur. Það er gríðarlega mikið undir og mikil pressa en mér finnst liðið í ótrúlega góðu jafnvægi og engin ástæða til annars en að vinna þennan leik."

,,Ég er ekkert rosalega góður að spá en við vinnum leikinn með einu marki."
Fyrir leik
Hvernig spáir þú leiknum? Settu þína spá á Twitter og notaðu hashtagið #fotbolti
Fyrir leik
Alfreð Finnbogason er markahæsti leikmaðurinn í Hollandi en þrátt fyrir það byrjar hann á bekknum í kvöld.

Guðmundur Benediktsson spáir því að Alfreð komi inn á og skori í kvöld.

,,Svíinn breytir ekki mikið ef það virkar og það hefur virkað í síðustu tveimur leikjum. Alfreð þarf að bíta í það súra epli en hann kann að takast á við það. Ég efast ekki um það að ef hann fær tækifæri í kvöld mun hann svara Lars og skora."
Doddi litli
Lars er íhaldssamari en @gislimarteinn #íhaldið
Fyrir leik
Norðmenn eru ekki fjölmennir en talsverður fjöldi þeirra er þó með litla fána á vellinum.

Vallarkynnirinn er í besta skapi og reynir allt hvað hann getur til að keyra stemninguna í gang.
Fyrir leik
Það er alls ekki hlýtt hér í stúkunni en það aftrar ekki Tólfunni sem hitar sig upp með því að hoppa í stúkunni. Helsta áhyggjuefni þeirra prýðispilta hefur verið bjórverðið. Kolbeinn Tumi á Fréttablaðinu er búinn að setja upp húfu. Látum ykkur vita þegar vettlingarnir koma.
Elvar Geir Magnússon
Fyrir leik
Hressir krakkar hlaupa út á völlinn til að taka auglýsinguna sem verið hefur í miðjuhringnum. Allir krakkarnir eru grænklæddir. Ef þú veist ástæðuna fyrir því má senda tölvupóst á [email protected] - Líka ef þið hafið góðan brandara í textalýsinguna.
Elvar Geir Magnússon
Fyrir leik
Glæsilegt! 50 manna lúðrasveit gengur inn á völlinn og marserar um allt. Ef Þórir Hákonarson er að lesa þá er þetta prýðishugmynd fyrir næsta heimaleik (sem er vonandi í umspilinu). Jói vallarstjóri myndi þó varla gefa grænt ljós.
Elvar Geir Magnússon
Fyrir leik
Liðin eru mætt út á völl. Þetta er allt að skella á! Spennan í loftinu er rosaleg hjá Íslendingum. Spennan er minni hjá Norðmönnum sem eru skammarlega fáir á vellinum.
Björn Bragi Arnarsson:
Ég held að ég sé að deyja úr stressi.
Fyrir leik
Lúðrasveitin er búin að leika þjóðsöngvana. Stuðningsmenn Íslendinga á vellinum tóku vel undir og það heyrist mjög vel í þeim, flottur stuðningur!
Grétar Rafn Steinsson:
Leggoo #aframisland
Fyrir leik
Arnar Daði Arnarsson:
Var Lars í alvörunni að syngja með íslenska þjóðsöngnum? Vá #Whataman
Fyrir leik
Leikurinn er hafinn. Við minnum á að við munum líka fylgjast með gangi mála í leik Sviss og Slóveníu hér.
1. mín
Svisslendingar eiga fyrstu sóknina og fá aukaspyrnu á vinstri kantinum. Íslendingar ná að hreinsa út fyrir teiginn þar sem Alexander Tettey fékk boltann einn og óvaldaður en skot hans fór langt framhjá.
4. mín
Norðmenn byrja betur. Tarik Elyounoussi á skot frá vítateig sem Hannes ver nokkuð auðveldlega.
7. mín
Daniel Braaten á flottan sprett upp hægri kantinn og fyrirgjöf en Birkir Már Sævarsson bjargar á síðustu stundu. Norðmenn byrja mun betur.
10. mín
Staðan er ennþá markalaus hjá Sviss og Slóveníu. Eins og staðan er núna þá fer Ísland áfram....en það eru 80 mínútur eftir.
12. mín MARK!
Kolbeinn Sigþórsson (Ísland)
MAAAAAAAAARRRRRRRRRRKKKKKKK!!!! Eftir frábært samspil á Gylfi Þór Sigurðsson magnaða sendingu inn á vítatieg á Kolbeinn Sigþórsson sem á snúning áður en hann leggur boltann snyrtilega framhjá Rune Jarstein í markinu. Fyrsta alvöru sókn Íslendinga í leiknum endar með marki!
13. mín
Kolbeinn hefur nú skorað í fimm landsleikjum í röð og um leið jafnað met sem Pétur Pétursson setti á sínum tíma. Magnaður framherji. 13 mörk í 19 landsleikjum, það er alvöru.
Þorkell Gunnar Sigurbjörnsson:
Kolli missti af fyrstu fjórum leikjum Íslands í undankeppni HM en er nú búinn að skora í síðustu fjórum leikjum í röð. #RoadToBrazil
16. mín
Íslensku stuðningsmennirnir yfirgnæfa þá norsku það mikið að annað eins hefur líklega ekki sést á Ullevaal í langan tíma. Það er magnað að sjá þetta.
Vilhjálmur Siggeirsson:
12 sendingar hjá íslenska liðinu fyrir markið! Þvílíkur fótbolti! #ísland #fotbolti
23. mín
Íslenska liðið hefur náð betri tökum eftir markið á meðan Norðmenn hafa ekki náð að fylgja eftir góðri byrjun sinni.
25. mín
Gylfi með skot úr aukaspyrnu af 30 metra færi sem skoppar fyrir framan markið. Rune Jarstein er í basli í marki Norðmanna og slær boltann í horn.
Örn Úlfar Sævarsson:
Goal-beinn Sigþórsson!!! #islandahm
27. mín
Norðmenn vilja fá víti. Tore Reginiussen fellur í teignum eftir baráttu við Ragnar en Tagliavento dæmir ekkert, sem betur fer! Einhverjir dómarar hefðu mögulega bent á punktinn þarna.
30. mín MARK!
Vegard Forren (Noregur)
Úff! Norðmenn jafna. Vörn Íslands er kominn of framarlega og í alls konar vandræðum. Eftir hraða sókn Norðmanna lyftir Per Ciljan Skjelbred boltanum inn fyrir á Braaten sem skorar.
34. mín
Staðan er ennþá markalaus í Sviss og því er Íslands áfram eins og staðan er núna. Svisslendingar voru ekki langt frá því að skora rétt í þessu en Samir Handanovic varði þá hörkuskot Reto Ziegler úr aukaspyrnu.
38. mín Gult spjald: Birkir Már Sævarsson (Ísland)
Fyrsta gula spjaldið, Birkir Már Sævarsson í bókina.

Ef Ísland fer áfram þá verður Birkir í leikbanni í fyrri umspilsleiknum.
41. mín
Enn á ný vippa inn fyrir vörn Íslendinga. Nú fær Tarik Elyounoussi boltann en hann nær ekki að gera sér mat úr þessu.
Alexander Kostic:
Jói berg er ekki búinn að snerta boltann í leiknum, við megum alls ekki við farþegum
45. mín
Gylfi með fín tilþrif inni í vítateig en Norðmenn ná að þröngva hann í að senda boltann út af.
45. mín
Hálfleikur - Staðan 1-1 eftir fyrri hálfleik þar sem að Norðmenn hafa verið hættulegri heilt yfir. Kolbeinn Sigþórsson skoraði mark Íslands eftir fallega sókn áður en Daniel Braaten jafnaði.

Staðan er líka 0-0 í hálfleik í leik Sviss og Slóveníu og því er Ísland áfram eins og staðan er núna.
46. mín
Síðari háfleikurinn er hafinn. Koma svo!
53. mín
Ragnar Sigurðsson missir boltann á slæmum stað og Ola Kamara er að sleppa í gegn þegar Kári Árnason bjargar á síðustu stundu með góðri tæklingu. Ragnar vildi fá aukaspyrnu á Ola en ítalski dómarinn var ekki á sama máli.
55. mín
Svisslendingar hársbreidd frá því að komast yfir gegn Slóvenum. Staðan ennþá markalaus þar.
56. mín
Inn:Valon Berisha (Noregur) Út:Joshua King (Noregur)
Afmælisbarnið Ola Kamara haltrar af velli. Ágætis frammistaða hjá honum í fyrsta byrjunarliðsleiknum.
57. mín
Alfreð Finnbogason er að búa sig undir að koma inn á.
58. mín
Eiður Smári fær langa sendingu inn fyrir. Hann er lengi að athafna sig en á síðan hörkuskot sem Rune Jarstein ver vel í horn. Þarna munaði litlu!
58. mín
Inn:Alfreð Finnbogason (Ísland) Út:Eiður Smári Guðjohnsen (Ísland)
Sama skipting og gegn Kýpur.
61. mín
Rúrik Gíslason og Emil Hallfreðsson eru báðir að hita upp.
63. mín
Birkir Bjarnason fær boltann við vítateigslínuna vinstra megin en rennur. Hann nær þrátt fyrir það að leika á tvo Norðmenn en Jarstein ver skot hans úr þröngu færi í horn. Þetta kom eftir mjög þunga sókn hjá Íslendingum.
63. mín
Kevin Kampl fær mjög gott færi fyrir Slóvena en Yann Sommer markvörður Svisslendinga ver vel.
63. mín
Aron Einar Gunnarsson fellur eftir hornspyrnuna og Íslendingar vilja viti en fá ekki.
Ásgeir Jónsson:
Í hvaða heimi er þetta ekki brot?
72. mín
Varamaðurinn Valon Berisha með hörkuskot fyrir utan vítateig en Hannes grípur boltann.
73. mín
Þetta er alltof spennandi. Eitt íslenskt mark væri mjög vel þegið!
74. mín
Inn:Mohammed Abdellaoue (Noregur) Út:Vegard Forren (Noregur)
Markaskorarinn af velli og ,,Moa" framherji Stuttgart kemur inn á í hans stað.
75. mín
SVISSLENDINGAR ERU KOMNIR YFIR!!!!
76. mín
Granit Xhaka skoraði með frábæru skoti fyrir Sviss. Íslendingar eru núna tveimur stigum á undan Slóvenum....korter eftir.
78. mín
Íslensku stuðningsmennirnir syngja og tralla sem aldrei fyrr eftir tíðindin frá Sviss.
Sverrir Ingi Ingason:
Þvilikur meistari þessi Granit xhaka
79. mín
Birkir Bjarnason með viðstöðulaust skot á lofti en talsvert yfir markið.
80. mín
Einungis 6796 áhorfendur á vellinum í dag. Íslendingar í stórum hluta!
82. mín
Slóvenar skalla í slá af stuttu færi í Sviss....úff!
83. mín
Birkir Már með fyrirgjöf en Alfreð nær ekki að skalla boltann á markið.
86. mín
Inn:Ole Kristian Selnæs (Noregur) Út:Per Ciljan Skjelbred (Noregur)
87. mín
Jóhann Berg leggur boltann út á Kolbein eftir skyndisókn en skot hans fer yfir markið. Kolbeinn þurfti að bakka áður en hann skaut og það gerði honum erfitt fyrir.
88. mín
Alexander Tettey með skot af löngu færi sem Hannes slær til hliðar. Þetta er alltof stressandi!
90. mín
Staðan er ennþá 1-0 í Sviss. Þetta færist nær!
90. mín
Tveimur mínútum bætt við.
90. mín
Inn:Rúrik Gíslason (Ísland) Út:Jóhann Berg Guðmundsson (Ísland)
Jói röltir mjög rólega af velli.
90. mín
Þremur mínútum bætt við í Sviss. Ein mínúta liðin af viðbótartíma þar.
Leik lokið!
Ísland er komið í umspil um sæti á HM!! Þetta jafntefli dugir til að enda í 2. sæti riðilsins, tveimur stigum á undan Slóvenum sem töpuðu 1-0 í Sviss. Nánari umfjöllun um leikinn innan tíðar!
Byrjunarlið:
1. Hannes Þór Halldórsson (m)
2. Birkir Már Sævarsson
6. Ragnar Sigurðsson
7. Jóhann Berg Guðmundsson ('90)
8. Birkir Bjarnason
9. Kolbeinn Sigþórsson
10. Gylfi Þór Sigurðsson
14. Kári Árnason
17. Aron Einar Gunnarsson
22. Eiður Smári Guðjohnsen ('58)
23. Ari Freyr Skúlason

Varamenn:
8. Eggert Gunnþór Jónsson

Liðsstjórn:

Gul spjöld:
Birkir Már Sævarsson ('38)

Rauð spjöld: