Hvað segir Bjarni?
Bjarni Jóhannsson þjálfari Breiðabliks er sérstakur álitsgjafi okkar um Landsbankadeildina. Bjarni þjálfaði síðustu 6 tímabil í efstu deild hér á landi, hjá Fylki, ÍBV og Grindavík en var áður aðstoðarþjálfari hjá Fram og þjálfari Breiðabliks í efstu deild.

Styrkleikar
Liðið er betur mannað en í fyrra þegar að það kom bakdyramegin að þessu og endaði mótið geysilega vel. Það er spurning hvort að þeir nái að fylgja þessu eftir en það verður mjög erfitt fyrir þá. Þeirra styrkur er jafnt lið og þeir spila mjög skemmtilegan fótbolta og ferskan sóknarleik.

Veikleikar
FH-liðið verður undir mikilli pressu þetta ár og það gæti reynst veikleiki. Spurning hvernig þeim gengur að stjórna leikjunum núna en í fyrra lágu svolítið til baka og nú reynir á að þeir taki frumkvæðið í leikjunum.

Lykilmaður að mati Bjarna
Lykilmaður hjá þeim í sumar verður danski varnarmaðurinn Tommy Nielsen.

Leikmaður sem að gaman verður að fylgjast með að mati Bjarna
Leikmaður sem að gaman verður að fylgjast með að mati Bjarna:
Það verður að benda á það að þeir eru með efnilega stráka og það verður gaman að sjá Emil Hallfreðsson en hann er einn af mörgum kandídötum FH-inga í U-21 árs landsliðið.

Hin hliðin:
Simon Karkov gekk til liðs við FH á vordögum. Karkov sem er 27 ára gamall lék með Herfolge í Danmörku áður en Ólafur Jóhannesson þjálfari FH sá hann spila með liði sínu og bauð honum heim. Karkov hefur leikið 32 leiki með yngri landsliðum Dana og á sinn eigin aðdáendaklúbb í Danmörku sem fylgist vel með honum. Simon sýnir á sér Hina hliðina í dag.  Smelltu hér til að lesa viðtalið við Simon.  Við bendum á að sum nöfnin í leikmannalista FH bera tengla sem vísa á viðtöl við þá ef smellt er.

Þjálfarinn:
Smiðurinn Ólafur Jóhannesson þjálfar FH annað árið í röð.  Honum til aðstoðar er skólastjórinn Leifur Garðarsson en saman mynda þeir eitt skemmtilegasta þjálfarapar sem sögur fara af hér á landi og þykir oft kostulegt að fylgjast með þeim við hliðarlínuna.   Ólafur lék með FH í mörg ár og hefur áður þjálfað FH árin 1988-1991 og svo aftur árið 1995 þegar hann hætti á miðju tímabili.  Ólafur hefur náð bestum árangri allra þjálfara með liðið er FH var nokkrum mínútum frá því að verða Íslandsmeistari 1989 en endaði í 2. sæti á eftir KA.  Leifur er einnig fyrrum leikmaður félagsins en hefur getið sér betra orð sem körfuknattleiksdómari og þykir með þeim bestu í Evrópu á því sviði.

Völlurinn:
FH leikur heimaleiki sína á Kaplakrikavelli í Hafnarfirði.  Völlurinn tekur um 5000 áhorfendur en sæti eru fyrir um 700 í stúku og gegnt henni eru svo tröppur sem taka endalaust við.  Auk þess er góð aðstaða fyrir áhorfendur fyrir aftan bæði mörkin.  Grasið var tekið upp fyrir tveimur árum.

Klúbburinn:
FHingar hafa stuðningsmannaklúbb, FH klúbbinn, sem hittist í félagsheimili FHinga, Sjónarhóli í Kaplakrika fyrir alla leiki.  Þar eru málin rædd og Ólafur Jóhannesson þjálfari liðsins kemur fyrir heimaleikina og ræðir uppstillinguna við félagsmenn.  Kostnaður við að ganga í Klúbbinn er 15 þúsund krónur og er innifalinn miði á alla heimaleiki sumarsins og veitingar.

Þá hefur einnig verið stofnaður annar stuðningsmannaklúbbur fyrir stuðningsmenn félagsins, Stuðningsmannaklúbbur FH Klúbburinn var stofnaður í gærkvöld og hefur aðsetur á Snóker Sportbar við Flatahraun í Hafnarfirði.  Ekkert félagsgjald er í hann.

Lukkudýr:
FHingar hafa ekkert lukkudýr en það mál er þó í vinnslu

Aðgangseyrir:
1200 krónur inn fyrir fullorðna, 300 fyrir 16 ára og yngri.

Leikskrá:
FHingar gefa út leikskrá fyrir alla heimaleiki sína í sumar.

Vefsíðumál:
Tvær vefsíður fjalla um lið FH. Opinbera síðan FHingar.is er ekki nægilega virk og ekki miklar upplýsingar á henni að græða.  Þveröfugt er farið með stuðningsmannasíðuna This.is/FH sem er upfull af gagnlegum upplýsingum og reglulegum fréttum.  Þar er hægt að fá nýjustu fréttirnar strax, umfjöllun um leiki félagsins að þeim loknum, umfjöllun um leikmenn liðsins, virkt spjallborð og margt fleira.

Stuðningsmenn:
Meðal þekktra stuðningsmanna FH eru Logi Ólafsson landsliðsþjálfari, Halli og Heiðar úr Botnleðju, Magnús Ólafsson leikari, Jakob Bjarnar Grétarsson blaðamaður og útvarpsmaður, Árni Mathisen sjávarútvegsráðherra, Hörður Magnússon sjónvarpsmaður, Guðmundur Árni Stefánsson alþingismaður, Björgvin Halldórsson söngvari, Þorgerður Katrín Gunnarsdóttir Menntamálaráðherra, Hjálmar Árnason þingmaður, Magnús Stefánsson þingmaður, Albert Eymundsson bæjarstjóri á Höfn, Tryggvi Harðarson bæjarstjóri á Seyðisfirði, Ólafur Þ. Harðarson Prófessor í stjórnmálfræði við HÍ, Ingvar Viktorsson fyrrum bæjarstjóri í Hfj.