Sérfræðingarnir sem spáðu eru:
Aðalsteinn Víglundsson, Arnar Björnsson, Bjarni Jóhannsson, Eyjólfur Sverrisson, Guðmundur Hreiðarsson, Guðmundur Steinsson, Halldór Einarsson, Heimir Karlsson, Hermann Gunnarsson, Kristinn R. Jónsson, Logi Ólafsson, Pétur Ormslev, Steinar Guðgeirsson, Víðir Sigurðsson.

Hvað segir Bjarni?
Bjarni Jóhannsson þjálfari Breiðabliks er sérstakur álitsgjafi okkar um Landsbankadeildina. Bjarni þjálfaði síðustu 6 tímabil í efstu deild hér á landi, hjá Fylki, ÍBV og Grindavík en var áður aðstoðarþjálfari hjá Fram og þjálfari Breiðabliks í efstu deild.

Styrkleikar
Liðið er með sterkan leikmannahóp og ég tel að vörnin verði þeirra styrkleiki.

Veikleikar
Fylkir er lið sem að allir gera sér ekki grein fyrir þá hafa þeir misst marga af lykilmönnum frá því í fyrra. Kjartan Sturluson farinn úr markinu, Sverrir er farinn og Ólafur Ingi Skúlason farinn í burtu og þá meiddust Haukur Ingi og Hrafnkell. Ég tel að þeir þurfi svolítinn tíma til að búa til nýtt lið en þetta hefur verið hryggurinn í þessu liði síðustu ár. Sóknarleikurinn gæti orðið veikleiki á meðan að þeir verða að púsla saman nýju liði.

Lykilmaður að mati Bjarna
Ég tel að það muni mæða mikið á Vali Fannari Gíslasyni sem að er fyrirliði liðsins og ég tel að hann verði lykilmaður í þessu Fylkisliði í sumar.

Leikmaður sem að gaman verður að fylgjast með að mati Bjarna
Björgólfur Takefusa hann átti gott tímabil með Þrótti í fyrra og það verður spennandi að sjó hvort að hann "Dammi" sig vel hjá Fylki.

Hin hliðin:
Gunnar Þór Pétursson hefur leikið í vinstri bakvarðarstöðu Fylkis í mörg ár og upplifað margt hjá félaginu. Hann hefur þrívegis fallið með liðinu úr úrvalsdeildinni, hann hefur orðið bikarmeistari og leikið í Evrópukeppni. Gunnar Þór þykir fínn spyrnumaður og hefur skorað nokkur mörkin beint úr aukaspyrnum. Hann lék tíu leiki í Landsbankadeildinni og skoraði í þeim tvö mörk.Smelltu hér til að lesa viðtalið við Gunnar.  Við bendum einnig  á að sum nöfnin í leikmannalista Fylkis bera tengla sem vísa á viðtöl við þá ef smellt er.

Þjálfarinn:
Þorlákur Árnason er yngsti þjálfari deildarinnar aðeins 35 ára gamall.  Hann þjálfaði Val á síðustu leiktíð en tók svo við Fylki í vetur. Hann tók við Valsmönnum í hittifyrra og kom liðinu beint upp í efstu deild á sínu fyrsta ári, sæti sem var heldur betur verðskuldað enda var Valur löngubúið að tryggja sér sigur í deildinni er mótinu lauk.  Þorlákur tók fram takkaskóna í lokaleik deildarinnar og lék með liðinu hluta af lokaleik mótsins á Hlíðarenda við mikinn fögnuð áhorfenda.  Hann stjórnaði svo Val í Landsbankadeildinni í fyrra en liðið féll þá í 1. deild á ný.

Völlurinn:
Fylkir leikur heimaleiki sína á Fylkisvelli í Árbænum.  Völlurinn er sagður taka um 2000 áhorfendur en þrátt fyrir það tókst að troða 4833 áhorfendum á leik liðsisn gegn KR fyrir tveimur árum.  Engin sæti eru á Fylkisvelli heldur verða áhorfendur að láta sér stæði eða grasbrekkur nægja.

Klúbburinn:
Stuðningsmannaklúbbur Fylkismanna heitir Club Orange.  Árgjaldið í hann er 5000 krónur og er innifalinn aðgangur að töflufundi með þjálfara fyrir leiki, veitingar í hálfleik og fleira.

Lukkudýr:
Fylkismenn eru að láta útbúa myndarlegt tígrisdýr sem verður lukkudýr þeirra í sumar.  Enn á eftir að finna á það nafn en í tengslum við fyrsta heimaleik þeirra verður nafnasamkeppni.

Aðgangseyrir:
Börn 10 ára og yngri frítt,  Börn 11-16 ára kr. 500.- Fullorðnir kr. 1.200.-  Elli og örorkulífeyrisþegar 600 kr.  Börn í START klúbbi Sparisjóðs Vélstjóra fá frítt.

Leikskrá:
Fylkismenn gefa út leikskrá fyrir alla heimaleiki.

Vefsíðumál:
Vefsíða Fylkismanna, Fylkir.com er mjög góð.  Miklar upplýsingar er þar að finna og fréttaflutningur mjög reglulegur.  Spjallborðið er nýlegt en þó mjög lélegt.  Þrátt fyrir að vera mjög virkt er mjög óþægilegt að vinna á því og skoða það.

Stuðningsmenn:
Meðal þekktra stuðningsmanna Fylkis eru:  Jón Magnússon, Sigurður G. Guðjónsson forstjóri Norðurljósa, Haraldur í Andra, Jói úr 70 mínútum og Idolinu, Kári Sturluson tónleikahaldari,  Hreggviður Jónsson fyrrum forstjóri Norðurljósa, Dagur Eggersson læknir.

haflidi@fotbolti.net & maggi@fotbolti.net