Sérfræðingarnir sem spáðu eru:
Aðalsteinn Víglundsson, Arnar Björnsson, Bjarni Jóhannsson, Eyjólfur Sverrisson, Guðmundur Hreiðarsson, Guðmundur Steinsson, Halldór Einarsson, Heimir Karlsson, Hermann Gunnarsson, Kristinn R. Jónsson, Logi Ólafsson, Pétur Ormslev, Steinar Guðgeirsson, Víðir Sigurðsson.

Hvað segir Bjarni?
Bjarni Jóhannsson þjálfari Breiðabliks er sérstakur álitsgjafi okkar um Landsbankadeildina. Bjarni þjálfaði síðustu 6 tímabil í efstu deild hér á landi, hjá Fylki, ÍBV og Grindavík en var áður aðstoðarþjálfari hjá Fram og þjálfari Breiðabliks í efstu deild.

Styrkleikar:
Eyjamenn eru algert spurningarmerki. Þeir eru búnir að fá mikið af nýjum leikmönnum, leikmannahópurinn þeirra er breyttur. Helsti styrkur þeirra er jafn hópur og það er náttúrulega alltaf stemming í þessum Eyjamönnum. Sóknarleikurinn er alltaf sterkur í Vestmannaeyjum og verður styrkur liðsins í sumar.

Veikleikar:
Þeir voru í vandræðum í fyrra og held ég að þeir verði það áfram. Ég held að þeir eiga eftir að lenda í erfiðum með varnarleikinn, hann verði þeirra höfuðverkur í sumar.

Lykilmaður að mati Bjarna:
“Stuðmaðurinn” Birkir Kristinsson en það á eftir að mæta mikið á honum. Hann er alger lykilmaður í þessu liði.

Leikmaður sem að gaman verður að fylgjast með að mati Bjarna:
Gunnar Heiðar Þorvaldsson, það verður gaman að fylgjast með honum í sumar.

Hin hliðin:
Hjá ÍBV er það Atli Jóhannsson sem að sýnir á sér hina hliðina en hann er mjög efnilegur leikmaður. Atli sem að leikur oftast á vinstri kanti spilaði sextán leiki með ÍBV í Landsbankadeildinni í fyrra og skoraði í þeim tvö mörk. Hann á tvo leiki að baki fyrir U-21 árs landslið Íslands og fimm leiki að baki fyrir U-19 ára liðið.
Smellið hér til að lesa viðtalið við Atla.  Við bendum einnig á að sum nöfnin í leikmannalista ÍBV bera tengla sem vísa á viðtöl við þá ef smellt er.

Þjálfarinn:
Magnús Gylfason tók við ÍBV í nóvember 2002 og gerði tveggja ára samning.  Hann hafði áður þjálfað yngri landslið Íslands við góðan orðstýr auk þess að stjórna 2. flokki KR og hafa verið aðstoðarþjálfari meistaraflokks KR.

Völlurinn:
ÍBV leikur heimaleiki sína á Hásteinsvelli í Vestmannaeyjum.   Á vellinum er nýleg stúka sem byggð var fyrir tveimur árum.   Völlurinn tekur um 3000 áhorfendur í heildina en stúkan ein og sér tekur 540 í sæti.

Klúbburinn:
ÍBV eru með tvo stuðningsmannaklúbba, einn í Reykjavík og einn í Vestmannaeyjum.  Í Eyjum kostar 15.000,- kr árgjaldið og innifalið í honum er ársmiði á heimleiki ÍBV liðsins í sumar ásamt kaffi og með því í leikhlé heimaleikja liðsins.  Einnig fær stuðningsmaðurinn veglega gjöf í upphafi hvers móts.

Lukkudýr:
Lukkudýr ÍBV er að sjálfsögðu Lundinn!

Aðgangseyrir:
Börn yngri en 11 ára fá frítt, 11-16 ára greiða 300 krónur og fullorðnir 1000.

Leikskrá:
Leikskrá hefur verið fyrir heimaleiki, þau mál eru en til skoðunar fyrir þetta sumar

Vefsíðumál:
Tvær vefsíður fjalla um ÍBV.   Þveröfugt við það sem gengur og gerist þá er það opinbera síðan sem er mun betri hjá Eyjamönnum.  Þar má yfirleitt treysta á að fá allar fréttirnar beint í æð en einnig er boðið uppá að fá þær sendar til sín með tölvupósti.   Mjög virkt spjallborð er á þeirri síðu, góð umfjöllun um leiki félagsins og margt fleira.  Hin síðan er mun síðri, birtir færri og styttri fréttir.

Stuðningsmenn:
Meðal þekktra stuðningsmanna ÍBV eru Þorsteinn Gunnarsson sjónvarpsmaður, Robert Marshall fréttamaður, Árni Johnsen fyrrum þingmaður, Páll Magnússon frétamaður, Lúðvík Berginsson alþingismaður, Guðjón Hjörleifsson alþingismaður, Dario Gradi, framkvæmdastjóri, Elva Ósk Ólafsdóttir leikkona, Sighvatur Jósson fréttamaður Eiður Arnarsson bassaleikari, Ragnar Sigurjónsson staðarhaldari í Viðey og Ásgeir Sigurvinsson landsliðsþjálfari

haflidi@fotbolti.net & maggi@fotbolti.net