Sérfræðingarnir sem spáðu eru:
Aðalsteinn Víglundsson, Arnar Björnsson, Bjarni Jóhannsson, Eyjólfur Sverrisson, Guðmundur Hreiðarsson, Guðmundur Steinsson, Halldór Einarsson, Heimir Karlsson, Hermann Gunnarsson, Kristinn R. Jónsson, Logi Ólafsson, Pétur Ormslev, Steinar Guðgeirsson, Víðir Sigurðsson.

Hvað segir Bjarni?
Bjarni Jóhannsson þjálfari Breiðabliks er sérstakur álitsgjafi okkar um Landsbankadeildina. Bjarni þjálfaði síðustu 6 tímabil í efstu deild hér á landi, hjá Fylki, ÍBV og Grindavík en var áður aðstoðarþjálfari hjá Fram og þjálfari Breiðabliks í efstu deild.

Styrkleikar:
Þetta er jafnt og ágætis lið. Sóknarleikurinn verður skæður hjá þeim í sumar.

Veikleikar:
Varnarleikurinn verður spurningarmerki. Það er ákveðin nýliðun í liðinu, Þorvaldur Örlygsson og Míló (Slobodan Milisic) eru hættir og þeir hafa misst Þorvald Makan sem að hefur verið lykilmaður í miðjuspili þeirra. Það er spurning hvernig þeir leysa það.

Lykilmaður að mati Bjarna:
Jóhann Þórhallsson. Ég held að hann eigi eftir að skora mikið af mörkum.

Leikmaður sem að gaman verður að fylgjast með að mati Bjarna:
Það verður gaman að fylgjast með Jóhanni og einnig Pálma Rafni Pálmasyni sem að er tvímælalaust einn efnilegasti miðjumaður landsins

Hin hliðin:
Jóhann Helgason sem að leikur ýmist á miðjunni eða frammi ristarbrotnaði í vor og mun missa af byrjun Íslandsmótsins. Hann lék þrettán leiki með KA í Landsbankadeildinni á síðustu leiktíð og skoraði í þeim eitt mark. Hann á fimm leiki að baki fyrir U-19 ára landslið Íslands og einn leik fyrir U-21 árs landsliðið.  Smellið hér til að lesa viðtalið við Jóhann.  Við bendum einnig á að sum nöfnin í leikmannalista KA bera tengla sem vísa á viðtöl við þá ef smellt er.

Þjálfarinn:
Þorvaldur Örlygsson er gamalreyndur kappi úr íslenska landsliðinu .  Hann hóf ferilinn hjá KA og er kominn þar aftur til að ljúka honum.   Þorvaldur hefur komið víða við á ferlinum en getur meðal annars státað af því að hafa verið fyrsti íslenski leikmaðurinn hjá Stoke.  Þorvaldur er að þjálfa KA fjórða árið í röð en fyrsta árið kom hann liðinu í efstu deild og annað endaði KA í fjórða sæti.  KA endaði síðasat mót í 8. sæti.

Völlurinn:
KA leikur heimaleiki sína á Akureyrarvelli.  Völlurinn er oft í mismunandi ásigkomulagi þegar mótið hefst en lítur nokkuð vel út núna.   Samtals komast um 2000 áhorfendur á völlinn, þar af 600 í stúkunni.

Klúbburinn:
Nokkrir stuðningsmannaklúbbar koma að liði KA þó enginn þeirra sé á vegum félagsins.  Klúbbarnir  heita Vinir Móða, Erlingur.com og Lókurinn.  Engin félagsgjöld eru en frjáls framlög vel þegin.

Lukkudýr:
KA menn hafa ekkert lukkudýr en það er þó í farvatninu

Aðgangseyrir:
Börn 10 ára og yngri frítt,  Börn 11-16 ára kr. 300.- Fullorðnir kr. 1.200.-

Leikskrá:
KA menn gefa út leikskrá fyrir heimaleiki sína

Vefsíðumál:
Tvær vefsíður fjalla um KA.   Opinbera síðan, KA-Sport.is/fot, hefur ýmsar gagnlegar upplýsingar.  Verður seint talin hafa útlitið með sér en innri gæði er það sem gildir þar.  Fréttir eru reglulega uppfærðar og annað efni á síðunni virðist vera lögð góð vinna í.  Spjallborðið er af elstu sort og ekki mjög líflegt.   Stuðningsmannasíðan er Erlingur.com.  Fréttir eru skrifaðar reglulega þar inn auk ýmiss annars efnis.   Spjallborðið er líflaust.

Stuðningsmenn:
Meðal þekktra stuðningsmanna KA eru Gestur Einar leikari og útvarpsmaður, Adolf Ingi Erlingsson íþróttafréttamaður, Kristján Kristjánsson úr Kastljósinu, Þorsteinn Baldvinsson kvótakóngur, Erlingur Kristjánsson, Kristján Þór Júlíusson bæjarstjóri á Akureyri, Alfreð Gíslasonn handboltaþjálfari í Þýskalandi, Snorri Sturluson fyrrum íþróttafréttamaður og framkvæmdastjóri KKÍ,

haflidi@fotbolti.net & maggi@fotbolti.net