Sérfræðingarnir sem spáðu eru:
Aðalsteinn Víglundsson, Arnar Björnsson, Bjarni Jóhannsson, Eyjólfur Sverrisson, Guðmundur Hreiðarsson, Guðmundur Steinsson, Halldór Einarsson, Heimir Karlsson, Hermann Gunnarsson, Kristinn R. Jónsson, Logi Ólafsson, Pétur Ormslev, Steinar Guðgeirsson, Víðir Sigurðsson.

Hvað segir Bjarni?
Bjarni Jóhannsson þjálfari Breiðabliks er sérstakur álitsgjafi okkar um Landsbankadeildina. Bjarni þjálfaði síðustu 6 tímabil í efstu deild hér á landi, hjá Fylki, ÍBV og Grindavík en var áður aðstoðarþjálfari hjá Fram og þjálfari Breiðabliks í efstu deild.

Styrkleikar
Ég held að Keflavík verði "Spútninkarnir" í ár þeir voru með yfirburðalið í fyrstu deild í fyrra og eru með mjög skemmtilega stráka. Eru með nokkuð hratt lið og það er fínn "standard" á liðinu. Styrkleikur þeirra er tvímælalaust sóknarleikurinn hann er mjög ferskur og þeir eru fljótir fram á við.

Veikleikar
Spurningamerki og veikleiki þeirra er tvímælalaust varnarleikurinn og þeir eiga eftir að lenda í vandræðum með varnarleikinn verði Haraldur Freyr Guðmundsson seldur til FC Zurich sem er einn albesti varnarmaður landsins í dag þá verður erfitt að fylla hans skarð. Við sjáum á þeim leikmönnum sem að þeir eru að fá til sín núna er að þeir hafa áhyggjur af varnarleiknum og nýr markvörður er algert skilyrði fyrir því að þeir nái góðum árangri í ár.

Lykilmaður að mati Bjarna
Lykilmaður í þeirra liði tel ég að verði Stefán Gíslason miðjumaður liðsins. Ég tel að það eigi eftir að mæta mikið á honum og held ég að hann eigi alveg eftir að geta staðið undir þeim væntingum..

Leikmaður sem að gaman verður að fylgjast með að mati Bjarna
Leikmaður sem að gaman verður að fylgjast með að mati Bjarna
Ég tel að það verði athyglisvert að fylgjast með Herði Sveinssyni en hann hefur skorað mikið fyrir þá og er gríðarlega öflugur sóknarmaður. Hann er kantídat í U-21 árs landsliðið og það verður gaman að fylgjast með honum.

Hin hliðin:
Guðjón Árni Antoníusson sýnir á sér hina hliðina í dag en hann er 21 árs. Kappinn kom til Keflavíkur árið 2001 frá Víði og þykir fjölhæfur leikmaður og getur spilað margar stöður þó að hann hafi mest verið í hægri bakverðinum. Guðjón lék fimmtán leiki með Keflavík í Landsbankadeildinni í fyrra og skoraði eitt mark. Smelltu hér til að lesa viðtalið við Guðjón.  Við bendum einnig  á að sum nöfnin í leikmannalista Keflavíkur bera tengla sem vísa á viðtöl við þá ef smellt er.

Þjálfarinn:
Milan Stefán Jankovic þjálfar Keflavíkurliðið.  Hann tók við liðinu fyrir síðasta tímabil af Kjartani Mássyni eftir að liðið hafði fallið í 1. deildina.  Hann kom liðinu beint upp aftur en Keflavík rúllaði yfir 1. deildina og fór beint upp aftur.

Völlurinn:
Alls komast um 4000 áhorfendur á Keflavíkurvöll en þar eru steypt stæði öðrumegin við völlinn og yfir hluta þeirra er þak.

Klúbburinn:
Stuðningsmannaklúbburinn heitir K-Klúbburinn og er aðgöngugjald í hann 20 þúsund krónur.  Innifalið í því er frítt á alla leiki í deildinni, veitingar í hálfleik og fleira.

Lukkudýr:
Keli Keflvíkingur er lukkudýr Keflvíkinga.

Aðgangseyrir:
Börn 10 ára og yngri frítt,  Börn 11-16 ára kr. 300.- Fullorðnir kr. 1.200.-

Leikskrá:
Stefnt er að því að gefa út leiksskrá fyrir heimaleiki Keflavíkur í sumar

Vefsíðumál:
Vefsíða Keflavíkur skipar sér ekki í hóp bestu vefsíðna meðal Landsbankadeildarliðanna en stendur þó fyrir sínu.  Fréttaflutningur er reglulegur og yfirleitt má lesa fréttir af Keflavíkurliðinu fyrst á henni.   Að öðru leiti er hún nokkuð dauf  þó upplýsigar séu miklar og saknar maður þá helst þess að ekki skuli vera á henni spjallborð.

Stuðningsmenn:
Meðal þekktra stuðningsmanna Keflavíkur eru: Rúnar Júlíusson eilífðarrokkari og fyrrum landsliðsmaður í knattspyrnu, Kjartan Másson, Guðni Kjartansson.

haflidi@fotbolti.net & maggi@fotbolti.net