Komið þið sælir áhorfendur góðir og verið velkomnir í beina textalýsingu frá leik Þór/KA og ÍA í 14.umferð Pepsi deildar kvenna. Leikurinn fer fram á Þórsvelli

Staða þessara liða í deildinni er gjörólík. Heimastúlkur í Þór/KA eru í 3.sæti með 24 stig en ÍA situr sem fastast á botni deildarinnar með 1 stig.

Þegar þessi lið mættust í 5.umferð, þá hafði Þór/KA 3-2 sigur. Ingunn Eríksdóttir skoraði bæði mörk ÍA en Katrín Ásbjörnsdóttir, Kayla Grimsley og Freydís Jónsdóttir skoruðu mörk Þór/KA.

Vilhelm Adolfsson er með flautuna hér í dag og honum til aðstoðar verða Birna Þórmundsdóttir og Sigurður Eríksson

Aðstæður hér eru góðar, mjög hlýtt en smá vindur. Ekki hægt að kvarta yfir því

Gestirnir í ÍA gera tvær breytingar á liði sínu frá tapinu gegn Selfossi. Veronica Þórðardóttir og Aldís Heimisdóttir fara úr liðinu og í stað þeirra koma Eyrún Eiðsdóttir og Guðrún Sigurðardóttir inn í liðið

Heimastúlkur gera þrjár breytingar á liði sínu frá sigrinum gegn Aftureldingu. Lára Einarssdóttir, Freydís Jónsdóttir og Heiða Viðarsdóttir fara allar úr liðinu og í stað þeirra koma Anna Pétursdóttir, Helena Þórólfsdóttir og Arna Harðardóttir inn.

Liðin eru farin að hita upp

Eins og margir hafa tekið er þessi leikur hálftíma á eftir öðrum leikjum í umferðinni. Það er vegna þess að verið er að bíða eftir markmanni Þór/KA sem er á leið með flugi til Akureyrar eins eðlilegt og það er.

Og í þessu sjáum við vélina lenda 20 mínútum fyrir leik. Ástæðan fyrir þessu ferðlagi er landsliðsverkefni hennar með Suður-Afríku en leikur þar var færður sem skýrir þessa undarlegu töf.

Þórður Þórðarsson þjálfari gestanna fékk rautt spjald í seinasta leik og hann er því í stúkunni í dag.

Liðin ganga hér inná völlinn og Roxane Barker er mætt eftir ca. 24 tíma ferðalag frá Suður-Afríku, lenti hér á Akureyri fyrir 20 mín