Jæja þá er þetta að fara hefjast, leikmenn rölta hér inná völlinn og eru leiddur inn af ungum HK drengjum. Sigurður Viðarsson hinn mikli meistari les upp byrjunarliðin.

Guðmundur Ársæll Guðmundsson sér um leikstjórn í dag. Vonum að hann leyfi leiknum að fljóta. Nennir enginn að hlusta á eindalaust flaut. Kristján Már Ólafs og Steinar Berg Sævarsson eru honum til aðstoðar. Áhugavert að eftirlitsmaður leiksins er Keflvíkingurinn Jóhann Gunnarsson pabbi Ómars Jó varamarkvarðar Keflavíkur en hann er algjör toppmaður.

Svo ég gleymi ekki að tala um HK liðið, þá hafa þeir impressað ruglað mikið í síðari umferðinni, unnið 9 af 10 leikjum og væru á toppnum ef bara seinni umferðin væri talin. Jói Kalli að gera sturlaða hluti með liðið en hann hefur verið orðaður við fleiri störf og ef ég á að vera hreinskilinn þá kæmi mér nákvæmlega núll á óvart ef hann fengi boð um að taka við liði í Pepsi deildinni. Vona innilega að hann gefi góð svör í viðtali eftir leikinn.

Korter í leik og Trommusveit Keflavíkur og nágrennis komin af stað með miklum látum. Held það stefni í hina fínustu mætingu í hlýjuna í Kórnum í dag enda vitleysa að fara annað.

Finnst gaman að segja frá því að fyrir 3 árum síðan dæmdi ég leik hjá 2.flokk hjá Keflavík og var frekar impressed af spilamennsku strákanna þar, í dag eru 6 strákar úr því liði í leikmannahópi Keflavíkur þar af 4 í byrjunarliði og get ég ekki sagt að það komi mér á óvart. Hrikalega flott stefna sem Keflvíkingar eru að taka að nota unga uppalda drengi og verður forvitnilegt að sjá hvernig þeir spjara sig í Pepsi deildinni næsta sumar.

Það eru 40 mínútur í leik og Keflvíkingar eru komnir í stúkuna með svaka stuðningsmannasveit, trommur og læti. Á sama tíma lætur Dj inn í stúkuna á lag sem heitir G blettur, skemmtilegt það þó að lagið sé ekki að kveikja neina neista hjá fréttaritara.

Heimamenn gera þrjár breytingar á liði sínu frá seinasta leik við Gróttu. Eiður Gauti, Arian Ari og Hákon Þór koma allir inn og taka sæti, Birkir Vals, Brynjars Jónassonar og Reynis Más Sveinssonar.

Hjá Keflavík eru tvær breytingar, Ísak Óli er í leikbanni og Jeppe Hansen sest á bekkinn. Anton Freyr Hauks Guðlaugsson og Juraj Grizelj koma inn í liðið.

Verður áhugavert að fylgjast með HK ingum í dag en þeir hafa verið á miklu skriði í síðari umferðinni. Í lokaumferðinni í fyrra virtist þó hugur þeirra vera kominn í frí enda riðu þeir ekki feitu hrossi frá lokaleiknum við Leikni Fáskrúðsfirði sem bjargaði sæti sínu ævintýralega. Reikna með að sú verði ekki staðan í dag.

Keflvíkingar geta orðið deildarmeistarar með sigri hér í dag. Hvet fólk til að mæta í Kórinn. Veðrið er viðbjóður úti og því fáranlega þæginlegt að geta komið inní hlýjuna hér í Kórnum. Vallarstarfsmenn búnir að bleyta gervigrasið eins og alltaf og má búast við hröðum og skemmtilegum leik.

Jeppe Hansen, framherji Keflvíkinga, er í harðri baráttu um markakóngstitilinn í Inkasso-deildinni í sumar.

Jeppe er kominn með fimmtán mörk í sumar en Albert Brynjar Ingason hjá Fylki og Björgvin Stefánsson hjá Haukum eru báðir með að narta í hælana á honum með fjórtán mörk.

HK hefur harma að hefna í dag eftir 3-1 tap gegn Keflavík fyrr í sumar.

Keflavík fær verðugt verkefni til að landa titlinum í dag.

HK hefur verið á svakalegu skriði og unnið níu af síðustu tíu leikjum sínum í deildinni. HK er í 4. sæti með 39 stig líkt og Þróttur R. í 3. sætinu. HK gæti náð 3. sætinu ef Þróttur misstígur sig gegn Fram.

Hér verður bein textalýsing frá leik HK og Keflavíkur.

Bikar gæti farið á loft í Kórnum í dag en Keflavík er einu stigi á undan Fylki í toppsætinu fyrir leiki dagsins. Fylkir á heimaleik við ÍR í dag en Árbæingar eru með betri markamun ef liðin enda jöfn að stigum á toppnum.

Staðan í toppbaráttunni fyrir lokaumferðina
1. Keflavík 46 stig (+20)
2. Fylkir 45 stig (+30)
3. Þróttur R. 39 stig (+12)
4. HK 39 stig (+7)