Þjóðsöngvarnir að baki. Stúkan er alls ekki þéttsetin en það er skiljanlegt í ljósi þess hvað klukkan er. Áður en leikur hefst er einna mínútu þögn af virðingu við fórnarlömb jarðskjálftans í Marokkó.

Liðin ganga út á völlinn og leikurinn fer senn að hefjast.

Framlínan þeirra sterk Framlína Tékka er ansi sterk en hún er sú sama og spilaði gegn Íslandi í síðustu undankeppni. Sá leikmaður sem við Íslendingar þurfum líklega helst að varast er Adam Karabec, leikmaður númer tíu. Hann spilar fyrir Sparta Prag í heimalandinu, eins og nokkrir aðrir í hópnum.

Við þurfum líka að passa okkur á Vaclav Sejk og Matej Jurasek.


Arnar Laufdal með sínum uppáhalds leikmanni.

Andri Lucas er fyrirliði

BYRJUNARLIÐ ÍSLANDS

Eigum harma að hefna U21 landsliðið okkar spilaði við Tékkland í umspili um að komast á EM í síðustu undankeppni, en þá töpuðu strákarnir okkar naumlega. Í dag hefnum við vonandi fyrir það súra tap.

Sölvi Geir mættur í teymið Sölvi Geir Ottesen, aðstoðarþjálfari Víkings, er kominn inn í teymið hjá U21. Hann hefur verið að koma inn í teymið hjá Davíð Snorra í undanförnum gluggum en hann kemur inn með mikla reynslu úr landsliðsumhverfinu.

Þá er Atli Guðnason, goðsögn úr FH, kominn inn í teymið sem leikgreinandi og mun hann einnig aðstoða við þjálfun. Atli hefur einnig verið að leikgreina fyrir FH í sumar.

Myndir frá æfingu í gær Íslenska liðið æfði á Víkingsvelli í gær. Hafliði Breiðfjörð skellti sér á heimavöll hamingjunnar og tók nokkrar myndir. Ekki vantaði stemninguna.

Hópurinn hjá Íslandi Lúkas J. Blöndal Petersson – Hoffenheim (2004)
Adam Ingi Benediktsson - IFK Gautaborg (2002)
Ólafur Kristófer Helgason – Fylkir (2002)
Andri Fannar Baldursson – Elfsborg (2002)
Kristall Máni Ingason – SönderjyskE (2002)
Óli Valur Ómarsson – IK Sirius (2003)
Ólafur Guðmundsson – FH (2002)
Valgeir Valgeirsson – Örebro (2002)
Danijel Dejan Djuric – Víkingur R. (2003)
Ísak Andri Sigurgeirsson – IFK Norrköping (2003)
Jakob Franz Pálsson – KR (2003)
Ari Sigurpálsson – Víkingur R. (2003)*
Oliver Stefánsson – Breiðablik (2002)
Logi Hrafn Róbertsson – FH (2004)
Orri Hrafn Kjartansson – Valur (2002)
Andri Lucas Guðjohnsen – Lyngby (2002)*
Anton Logi Lúðvíksson – Breiðablik (2003)
Davíð Snær Jóhannsson – FH (2002)
Óskar Borgþórsson – Sogndal (2003)
Bjarni Guðjón Brynjólfsson – Þór Ak. (2004)
Eggert Aron Guðmundsson – Stjarnan (2004)
Guðmundur Baldvin Nökkvason – Mjallby (2004)
Hlynur Freyr Karlsson – Valur (2004)
Örvar Logi Örvarsson – Stjarnan (2003)
Eyþór Aron Wöhler - Breiðablik (2002)

Fyrsti leikur í riðlinum Þetta er fyrsti leikurinn í riðlinum hjá strákunum okkar í nýrri undankeppni. Ásamt Tékklandi þá eru Danmörk, Litháen og Wales með í riðlinum. Fyrirfram er búist við því að Ísland verði mögulega í baráttu við Tékkland og Danmörku um að komast upp úr þessum riðli. Því er mikilvægt að byrja á góðum úrslitum í dag.

Góðan daginn! Verið velkomin kæru lesendur í beina textalýsingu frá leik Íslands og Tékklands í fyrsta leik í undankeppni Evrópumóts U21 landsliða. Leikið er á Víkingsvelli í Fossvogi.