Byrjunarliðin eru klár! Víkingar gera 5 breytingar á sínu liði frá bikarúrslitum gegn KA um liðna helgi en inn í liðið koma Ingvar Jónsson, Viktor Örlygur Andrason, Helgi Guðjónsson, Gísli Gottskálk Þórðarson og Ari Sigurpálsson í stað Þórðar Ingasonar, Gunnars Vatnhamar, Birni Snæ Ingason, Nikolaj Hansen og Matthíasar Vilhjálmssonar.

KR gera þá einnig þrjár breytingar á sínu liði frá síðasta leik sínum gegn ÍBV en inn koma Lúkas Magni Magnason, Theodór Elmar Bjarnason og Aron Þórður Albertsson en úr liði KR fara Finnur Tómas Pálmarson, Aron Kristófer Lárusson og Atli Sigurjónsson.

Spámaður Umferðarinnar Benedikt Warén, leikmaður Vestra, var spámaðurinn þessa umferð.

Víkingur 3 - 1 KR
Víkingur-KR, alltaf veisla að horfa á þessa leiki. Danjiel Djuric verður með sýningu og skorar þrennu eftir 3 frábærar stoðsendingar hjá Kalla Fridd. En það verður hann Nikola Djuric, helsti stuðningsmaður Víkinga, sem stelur forsíðunum af bróður sínum eftir frábært tweet.

Fyrri leikirnir í sumar

Möguleg bikar þynnka? Það voru Víkingar sem tryggðu sér sinn 4. bikarmeistaratitil í röð um liðna helgi með 3-1 sigri á KA á Laugardalsvelli.

Arnar Gunnlaugsson og hans teymi hafa verið að smíða vél þarna í Fossvoginum en fá núna krefjandi verkefni að ná mönnum aftur í "lazer fókus" og klára þetta verkefni í dag.

Víkingur R. Víkingar hafa verið langbesta lið Íslandsmótsins í sumar og leitt mótið frá byrjun. Þeir hafa verið stórkostlegir í allt sumar og mótið nánast aldrei verið í hættu þó svo Valur héldi á þeim pressu lengi vel fram að ágúst mánuði en þá stungu Víkingar hreinlega bara af.

Víkingar geta með sigri í kvöld klárað dæmið sín meginn og tryggt tvennuna því þeir tryggðu sér Mjólkurbikarinn um helgina og eiga séns á því í kvöld að tryggja Íslandsmeistaratitilinn eða endanlega tryggja sér Bestu deildar skjöldin.

Víkingar leiða mótið með 14 stigum og geta með sigri farið í 17 stiga forystu með 15 stig eftir í pottinum góða.

Víkingar hafa skorað langflest mörk allra liða í sumar eða 65 talsins. Næsta lið á eftir eru Valur með 53 mörk skoruð.

Mörk Víkinga í sumar hafa raðast niður á:

Nikolaj Hansen - 11 Mörk
Birnir Snær Ingason - 11 Mörk
Danijel Dejan Djuric - 10 Mörk
Matthías Vilhjálmsson - 5 Mörk
Helgi Guðjónsson - 4 Mörk
Pablo Punyed - 3 Mörk
Gunnar Vatnhamar - 3 Mörk
Erlingur Agnarsson - 3 Mörk
Aron Elís Þrándarsson - 3 Mörk
Viktor Örlygur Andrason - 2 Mörk
Oliver Ekroth - 2 Mörk
Logi Tómasson - 2 Mörk
Ari Sigurpálsson - 2 Mörk
* Aðrir minna

KR KR tryggðu sig í efri hlutann í síðustu umferð fyrir skiptingu er þeir sóttu stig gegn ÍBV í Vestmannaeyjum.
Fyrir umferðina voru þeir þó í kjörstöðu gegn KA í baráttunni og til að falla niður í neðri hlutan þurftu KA að sigra Fylki á útvivelli og KR tapa í Vestmannaeyjum en bæði lið gerðu jafntefli í sínum leikjum og KR tók sæti í efri hlutanum.

KR endaði eins og fyrr segir í 6.sæti deildarinnar. Það sem vekur kannski athygli er að KR hafa átt í smá brasi með að skora mörk í leikjum sínum í sumar en aðeins Keflavík (20) og ÍBV (24) hafa skorað minna en KR (29) og Fylkir (29).

Mörk KR á þessu tímabila hafa skorað:

Ægir Jarl Jónasson - 4 Mörk
Sigurður Bjartur Hallsson - 4 Mörk
Kristján Flóki Finnbogason - 4 Mörk
Benoný Breki Andrésson - 4 Mörk
Theodór Elmar Bjarnason - 3 Mörk
Atli Sigurjónsson - 3 Mörk
Luke Rae - 2 Mörk
Kristinn Jónsson - 2 Mörk
*Aðrir minna

Skiptingin - Efri hluti Þessi leikur er sá síðasti í 1.umferð efri hluta skiptingunnar.

Svona fór 1.umferðin:

Breiðablik 0-2 FH
Valur 2-0 Stjarnan

1.Víkingur R. - 59 stig
2.Valur - 48 stig
3.Breiðablik - 38 stig
4.FH - 37 stig
5.Stjarnan - 34 stig
6.KR - 32 stig

Dómarateymið! Það mun falla í hlut Erlendar Eiríkssonar að dæma þennan leik og honum til aðstoðar verða Andri Vigfússon og Eðvarð Eðvarðsson.
Guðgeir Einarsson er þá umferðarstjóri á hliðarlínunni og klár ef eitthvað bjátar á inni á velli meðal dómara.
Þórarinn Dúi Gunnarsson hefur svo eftirlit með gangi mála.

Heil og sæl! Verið hjartanlega velkominn í þessa þráðbeinu textalýsingu frá heimavelli hamingjunnar í Víkinni þar sem nýkringdir Mjólkurbikarmeistarar Víkinga taka á móti KR í 1.umferð skiptingu efri hluta í Bestu deild karla!