Það fer að styttast í leikinn. Náttúran vökvar gervigrasið mjög vel!

Byrjunarliðin Það eru markmannsskipti.Kristijan Jajalo dettur út og Steinþór Már Auðunsson kemur. Jóan Símun Edmundsson og Elfar Árni Aðalsteinsson detta einnig út og Ásgeir Sigurgeirsson og Jakob Snær Árnason koma inn.

Það eru fjórar breytingar á liði Keflavíkur sem tapaði 3-0 gegn Stjörnunni í síðustu umferð fyrir tvískiptingu. Dagur Ingi Valsson, Stefan Alexander Ljubicic, Sindri Þór Guðmundsson og Olekseii Kvotun detta út. Axel Ingi Jóhannesson, Edon Osmani, Frans Elvarsson og Ísak Daði Ívarsson koma inn í liðið.

Dómarateymið Pétur Guðmundsson verður með flautuna hér í dag. Eysteinn Hrafnkelsson og Hreinn Magnússon verða honum til aðstoðar. Sveinn Arnarsson er skilta dómari og Vilhelm Adolfsson er eftirlitsmaður KSÍ.

Útisigur í dag Benedikt Warén leikmaður Vestra í Lengjudeildinni er spámaður umferðarinnar en hann spáir útisigri í dag.

KA 0 - 1 Keflavík
Þetta verður bragðdaufur leikur, KA mun sakna Alex Freys í þessum leik og Keflavík mun vinna 0-1.

Alex Freyr Elísson spilar líklega ekki meira á tímabilinu vegna meiðsla

Keflvíkingar náðu í stig Keflavík hefur aðeins unnið einn leik í Bestu deildinni en það var í fyrstu umferð gegn Fylki. Það hefur verið nóg að gera hjá KA í sumar en liðið náði langt í forkeppni Sambandsdeildarinnar og eins og áður segir fór liðið alla leið í úrslit Mjólkurbikarisins. Það er hins vegar ljóst að liðið ætlaði sér að berjast í efri hlutanum.

Fyrri leikur liðanna endaði með markalausu jafntefli á Akureyri en það var mun meira fjör í Keflavík þar sem leiknum lauk með 4-3 sigri KA. Sigurður Ragnar Eyjólfsson þáverandi þjálfari Keflavíkur fékk að líta rauða spjaldið undir lok leiksins þar sem hann var ósáttur við að liðið sitt hafi ekki fengið vítaspyrnu.

Keflavík 3 - 4 KA
1-0 Sindri Þór Guðmundsson ('14 )
1-1 Bjarni Aðalsteinsson ('43 )
1-2 Bjarni Aðalsteinsson ('45 )
2-2 Viktor Andri Hafþórsson ('59 )
2-3 Sveinn Margeir Hauksson ('64 )
3-3 Ásgeir Páll Magnússon ('72 )
3-4 Hallgrímur Mar Steingrímsson ('73 )
Bjarni Aðalsteinsson

Góðan daginn Verið velkomin í beina textalýsingu frá leik KA og Keflavíkur í fyrstu umferð úrslitakeppninnar í neðri hlutanum. Leikurinn fer fram á Greifavellinum á Akureyri.

Það er mikið í húfi í dag. 15 stig eru í pottinum en KA er efst í neðri hlutanum þremur stigum á undan HK. Liðið er að spila sinn fyrsta leik síðan liðið tapaði í úrslitum Mjólkurbikarsins gegn Víkingum um helgina þar sem mikið var um umdeild atvik.

Keflavík er á botni deildarinnar átta stigum frá öruggu sæti svo það má fara lítið úrskeðis svo liðið falli ekki í Lengjudeildina.