Það styttist í þetta! Liðin ganga þá til vallar og gera sig klár slaginn.

Góða skemmtun!

Annar leikur á sama tíma Sigurvergarinn í dag fær annaðhvort Fjölni eða Vestra í úrslitaleiknum. Sæbjörn Þór Steinke verður á lyklaborðinu í Grafarvoginum!
Fjölnir - Vestri

Byrjunarliðin komin í hús! Magnús Már, þjálfari Aftureldingar, gerir engar breytingar á liðinu sem vann Leikni í vikunni 2-1. Það vakti athygli hversu aftarlega Afturelding féllu niður á völlinn í Breiðholtinu þegar þeir unnu í fyrri leiknum. Magnús var greinilega sáttur með sína menn þar og kemur með óbreytt lið í dag.

Vigfús Arnar, þjálfari Leiknis, gerir hinsvegar eina breytingu á liðinu sínu frá 2-1 tapinu gegn Aftureldingu fyrr í vikunni. Inn í liðið kemur hann Árni Elvar Árnason fyrir hann Andi Hoti, sem er ekki í hóp. Andi Hoti meiddist einmit í fyrri leiknum gegn Aftureldingu. Seinustu fréttir af honum segja okkur að hann sé kinnbeinsbrotinn.

Dómarateymið Helgi Mikael Jónasson sér um að dæma leikinn í dag. Honum til aðstoðar verða þeir Jakub Marcin Róg og Smári Stefánsson. Varadómarinn er hann Ásmundur Þór Sveinsson en Þórður Georg Lárusson sér um eftirlitið.

INNKASTIÐ - NÝR MAGGIBALL OG MESTU SKEMMTIKRAFTAR BESTU Hlustaðu á Innkastið! Farið yfir fyrri leikinn og hitað upp fyrir seinni leikinn!

Innkastið

Leikurinn sýndur í beinni á Youtube!

Horfðu á fyrri leiki liðanna! Leiknir R. 1-2 Afturelding


Afturelding 0-2 Leiknir R.



Leiknir R. 2-2 Afturelding

Viðtölin úr seinasta leik Það kom Fúsa í opna skjöldu hversu aftarlega Afturelding féllu. Verður Andi Hoti klár?



Fyrsta skiptið sem Maggi fagnar ekki eftir sigurleiki á þjálfaraferlinum!


Afturelding komu inn í þennan leik með öðruvísi nálgun!

Eldingin byrjar vel en endar illa Afturelding byrjaði tímabilið gífurlega vel og töpuðu fyrsta leiknum sínum ekki fyrr en í 14. umferð gegn ÍA. En eftir það tap fylgdu fjórir aðrir tapleikir og liðið sem var með 7 stiga forystu á toppnum þegar 9 leikir voru eftir endaði í 2. sætinum 6 stigum á eftir toppsætinu.
Nýr Maggiball
Margir töluðu um hvernig þeir myndu koma stefndir inn í þessa umspilsleiki eftir að hafa tapað niður fyrsta sætinu alveg í lokin. Afturelding hinsvegar komu mjög ólíkir sjálfum sér í fyrsta umspilsleikinn er þeir lögðu Leikni 2-1. Maggi breytti algjörlega um leikplan en Afturelding voru meira og minna bara í djúpri blokk að verja vítateiginn. En það virkaði og maður verður að hrósa Magga fyrir það. Því í þessum leikjum snýst þetta alfarið um úrslit en ekki frammistöður. Síðan er líka spurning hvort þeir séu að undirbúa sig fyrir Bestu deildina?

Viðtalið fræga vendipunkturinn Tímabilið hjá Leikni hefur verið mjög áhugavert. Þeir hafa oftar en ekki gefið okkur fullt af skemtilegum leikjum og boðið upp á flotta knattspyrnu. Eftir mjög slaka og bara hreint út sagt lélega byrjun fór Vigfús Arnar, þjálfari Leiknis, í mjög furðulegt viðtal eftir hádramatískan 3-2 sigur á Ægi. Hann sagði í því viðtali að hann hefði verið látinn fara ef leikurinn hefði tapast. Eftir þann leik, og það viðtal, hafa fáir getað stoppað þessa vél í 111.

Viðtalið fræga við Fúsa

Leikir liðanna í sumar hafa verið jafnir og skemmtilegir Liðin hafa mæst þrisvar sinnum í sumar þar sem Afturelding hefur unnið einu sinni, Leiknir einu sinni og einu sinni endaði leikurinn með jafnefli. Samkvæmt þessari tölfræði ættum við að fá mjög jafnan leik þar sem bæði lið hafa sýnt okkur fyrr á leiktíðinni að þau geta unnið hvort annað.

Leiknir R. 1 - 2 Afturelding
0-1 Rasmus Steenberg Christiansen ('24 )
0-2 Ásgeir Marteinsson ('76 )
1-2 Omar Sowe ('84 )
Lestu um leikinn

Á 24. skoraði Rasmus Christiansen fyrir gestina. Afturelding fékk hornspyrnu sem Ásgeir Marteinsson kom inn í teiginn. Þar skapaðist mikill vandræðagangur sem endaði með því að Rasmus reis manna hæst og stangaði boltann í netið.

Afturelding fór með forystu inn í hálfleikinn eftir fremur kaflaskiptan fyrri hálfleik.

Afturelding tvöfaldaði forystuna á 76. mínútu. Oliver Jensen gerði vel í teignum, lagði boltann út á Ásgeir sem tók skotið og sendi markvörðinn í vitlaust horn.

Sowe tókst að halda lífi í einvíginu er hann minnkaði muninn sex mínútum fyrir leikslok. Sowe hafði reynt nokkur skot en leikmenn Aftureldingar komust fyrir öll áður en hann fékk boltann aftur í aðeins betri stöðu og kláraði vel.

Afturelding 0-2 Leiknir R.
Lestu nánar um leikinn hér
Róbert Hauksson '11
Davíð Júlían Jónsson '49

Seinast þegar liðin mættust í Mosfellsbænum fór leikurinn 2-0 fyrir Leikni þar sem Róbert Hauksson og Davíð Júlían sáu um markaskorunina. Leikurinn fór fram í Mosfellsbæ þar sem liðin munu síðan mætast aftur á sunnudaginn.

Leiknir 2-2 Afturelding
Daníel Finns Matthíasson '20 1-0
1-1 Elmar Kári Enesson Cogic '48
1-2 Arnór Gauti Ragnarsson '69
Daníel Finns Matthíasson '70 2-2
Lestu nánar um leikinn hér

Það var síðan í júní þegar liðin mættust í Breiðholtinu þar sem Danni Finns bjargaði stigi fyrir heimamenn. Leiknir byrjuðu leikinn betur en Daníel kom þeim yfir á 20. mínútu. Í seinni hálfleik komu Elmar Kári og Arnór Gauti Aftureldingu yfir áður en Daníel jafnaði þetta fyrir Leikni þegar það voru 20 mínútur eftir.

Seinni í umspili! Heilir og sælir ágætu lesendur og veriði hjartanlega velkomin í þessa þráðbeinu textalýsingu úr Mosfellsbænum þar sem Afturelding fær Leikni í heimsókn í seinni undanúrslitaleiknum í umspilinu um sæti í Bestu deildinni.