Byrjunarliðin eru komin Rúnar Páll Sigmundsson þjálfari Fylkis gerir eina breytingu á liðinu sem gerði 2-2 jafntefli við ÍBV í síðustu umferð. Emil Ásmundsson kemur inn í liðið á kostnað Ólafs Karls Finsen.

Hallgrímur Jónasson gerir 5 breytingar á liðinu sem vann Keflavík 4-2 í síðustu umferð en það eru þeir Steinþór Már Auðunsson, Dusan Brkovic, Rodrigo Gomes Mateo, Sveinn Margeir Hauksson og Daníel Hafsteinsson sem koma út út liðinu og fyrir þá koma Kristian Jajalo, Jóan Símun Edmundsson, Pætur Petersen, Ingimar Torbjörnsson Stöle og Andri Fannar Stefánsson

Dómari leiksins Vilhjálmur Alvar Þórarinsson mun dæma þennan leik en honum til aðstoðar verða Gylfi Már Sigurðsson og Kristján Már Ólafs.

Eftirlitsmaður er Einar Örn Daníelsson og varadómari er Arnar Ingi Ingvarsson.

Valgeir Valgeirs spáir í lekinn Valgeir Valgeirsson leikmaður Örebro í Svíþjóð spáði í þessa umferð fyrir Fotbolti.net. Hann hafði þó lítið að segja um þennan leik en það fær þó að fylgja með.

Fylkir 0 - 0 KA (17:00 á sunnudag)
Boring leikur.

KA menn komir á ströndina Tímabilið hjá KA er nokkurnvegin búið. Þeir ætluðu sér að vera í efra umspilinu en það gekk ekki upp og nú er það staðfest að þeir geta ekki fallið. Það er því bara eftir að spila um það að staðfesta 7. sætið þannig það gæti verið að við sjáum KA lið í dag sem er ekkert rosalega mótiverað.

Risa leikur fyrir Fylki Fylkir situr 9. sæti deildarinnar sem stendur aðeins einu stigi frá fallsæti. Þar sem Fram og ÍBV gerðu jafntefli í gær getur Fylkir komið sér 4 stigum frá fallsætinu með sigri í dag með aðeins 3 leiki eftir af mótinu.

Leikurinn er sýndur á Stöð 2 Sport Komiði sæl og verið velkomin í beina textalýsingu frá leik Fylkis og KA í Bestu Deild karla.

Leikurinn hefst klukkan 17:00 og verður spilaður á Wurth vellinum í Árbæ.