Skýjað, mikill raki og 1°C Ég er í úlpu og með húfu á höfði. Það er kalt!

Úkraínumenn með fánann utan um sig Liðin ganga út á völl. Leikmenn Zorya eru klæddir í úkraínska fánann eins og skikkju.

Fimm breytingar á liði Zorya Fyrirliðinn Dmytro Myshnov er á meðal þeirra sem koma inn í liðið frá fyrri leiknum gegn Breiðabliki sem fram fór í byrjun október. Zorya vann þann leik 0-1 á Laugardalsvelli með marki frá Igor Gorbach. Zorya hefur breytt um amarkvörð og þrír aðrir útileikmenn koma inn í liðið.

Viðtöl við leikmenn fyrir leikinn

   14.12.2023 13:34

Kiddi Steindórs: Yrði allt annað að þurfa ekki að horfa á einn kleinuhring

   14.12.2023 13:58

Viktor Karl: Langskemmtilegasti parturinn af þessu tímabili

   14.12.2023 16:07

Kristófer heillaðist af leikstílnum og genginu: Fullkomið lið fyrir mig

Keyrumettígang Keyrumettígang með BlazRoca tók á móti mér þegar ég gekk inn á leikvanginn. Blikarnir að hita upp.

Byrjunarliðið klárt - Ein breyting frá síðasta leik
Halldór Árnason, þjálfari Breiðabliks, gerir eina breytingu frá leiknum gegn Maccabi Tel Aviv sem fram fór fyrir tveimur vikum.

Alexander Helgi Sigurðarson kemur inn í liðið fyrir Gísla Eyjólfsson sem er í leikbanni í kvöld.

Samkvæmt uppstillingu á heimasíðu UEFA er Andri Rafn Yeoman í hægri bakverði og Davíð Ingvarsson í þeim vinstri. Fyrirliðinn Höskuldur Gunnlaugsson er með þeim Alexander og Antoni Loga Lúðvíkssyni á miðjunni.

Fremstu þrír eru svo þeir Viktor Karl Einarsson, Kristinn Steindórsson og fyrir miðju er Jason Daði Svanþórsson.

Blikar mættir á völlinn

Ætla sér að sækja til sigurs

   13.12.2023 19:00

Blikar ætla að sækja til sigurs - „Okkur finnst við skulda okkur sjálfum að sækja stig"

Fyrirliðinn var spurður hvort leikmenn fyndu fyrir pressu á að ná í úrslit á morgun.

,,Bara innan frá fyrst og fremst. Maður heyrir alveg af einhverri og finnur aðeins fyrir utanaðkomandi pressu, en þetta snýst fyrst og fremst um þær kröfur sem við setjum á sjálfa okkur. Okkur finnst við alveg hafa gert nóg í flestum af þessum leikjum til að fá meira út úr þeim en raunin er. Það er ekkert sem er að plaga okkur þannig, fókusinn er áfram á að mæta til leiks á okkar forsendum og bæta okkur enn frekar í nokkrum atriðum leiksins. Ef við gerum það þá held ég að við getum sannarlega náð í úrslit á morgun," sagði Höskuldur á fréttamannafundi í gær.

Allir klárir fyrir utan Gísla og Patrik Gísli Eyjólfsson tekur út leikbann á morgun og Patrik Johannesen er frá vegna meiðsla. Patrik hefur ekki spilað síðan í maí þegar hann sleit krossband. Ánægjuleg tíðindi af honum því hann hitaði upp með Blikum á vellinum í dag og tók þátt í reit.
Gísli í leikbanni

Líka Evrópustig í boði Það eru peningaupphæðir í boði fyrir jafntefli eða sigur í kvöld. Blikar spila að sjálfsögðu einnig upp á stoltið og að enda ekki með núll stig í riðlinum.

Fyrir jafntefli eða sigur fær liðið einnig Evrópustig sem geta hjálpað liðinu í forkeppnunum á næstu árum.

Eitt stig fæst fyrir jafntefli og tvö fyrir sigur.

Lokaleikurinn á tímabilinu! Líklegt byrjunarlið

Breiðablik mætir úkraínska liðinu Zorya Luhansk í lokaumferð riðlakeppni Sambandsdeildarinnar í kvöld.

Leikurinn hefst klukkan 20:00 að íslenskum tíma og fer fram í Lublin í Póllandi. Um heimaleik Zorya er að ræða en vegna innrásar Rússlands inn í Úkraínu hefur Zorya spilað sína heimaleiki í Sambandsdeildinni utan heimalandsins.

Hvorugt liðið á möguleika á því að fara upp úr riðlinum. Zorya er með fjögur stig í þriðja sæti eftir að hafa unnið Breiðablik á Laugardalsvelli og gert jafntefli við Gent. Breiðablik er hins vegar án stiga.

Fjórir leikir Breiðabliks hafa endað með eins marks tapi. Blikar hafa verið grátlega nálægt því að taka nokkur stig og ætla þeir sér að ná í stig á morgun.

Tímabil Breiðabliks hefur verið langt og strangt og hófst það í raun fyrir rúmu ári þegar undirbúningstímabilið fyrir tímabilið 2023 hófst.

Fyrsti leikur liðsins í Bose-mótinu fór fram 3. desember 2022 og um liðna helgi vann liðið Bose-mótið 2023 verandi enn á sama tímabilinu.

   14.12.2023 16:44

Milljónir í boði og að losna úr fámennum kleinuhringjaflokki