Lesendur spá Blikum sigri

Byrjunarliðin eru klár! Byrjunarliðin má sjá hér til hliðar.

Breiðablik stilla upp sterku liði í kvöld þar sem Aron Bjarnason, Kristófer Ingi Kristinsson, Jason Daði Svanþórsson og Kristinn Steindórsson verða fremstu menn.

FH stilla þá einnig upp sterku liði í kvöld þar sem Sigurður Bjartur Hallsson leiðir línuna og bræðurnir Ísak Óli og Sindri Kristinn Ólafssynir leiða saman hesta sína að nýju en nú í búningi FH. Þá er Böddi löpp á sínum stað.

Innbyrðis viðureignir Samkvæmt vef KSÍ þá hafa þessi félög mæst 91 sinni í mótsleik á vegum KSÍ.

Breiðablik sigrar: 33(36%)
Jafntefli: 16(18%)
FH sigrar: 42(46%)

Síðasti sigur Breiðabliks í deild:
1.Maí 2022 - Breiðablik 3-0 FH

Síðasti sigur FH í deild:
17.September 2023 - Breiðablik 0-2 FH

Leikir liðana á síðasta tímabili:
FH 2-2 Breiðablik - 10.Jún 2023
Breiðablik 0-2 FH - 3.Sept 2023
Breiðablik 0-2 FH - 17.Sept 2023

Mjólkurbikar 2023:
Breiðablik 3-1 FH - 5.Jún 2023

FH-ingar hafa unnið síðustu fjóra klukku­tíma á móti Blikum 6-0

Maðurinn með flautuna Ívar Orri Kristjánsson verður með flautuna í kvöld og honum til aðstoðar verða Birkir Sigurðarson og Andri Vigfússon.
Arnar Þór Stefánsson verður á milli varamannabekkja með skiltið góða og tilbúin ef eitthvað kemur uppá hjá dómarateyminu.
Kristinn Jakobsson mun hafa eftirlit með gangi mála.

Ísak Snær lánaður til Breiðabliks Norska félagið Rosenborg og Breiðablik hafa komist að samkomulagi um það að Ísak Snær Þorvaldsson fari á láni til Breiðabliks frá norska félaginu og spilar hann því á Íslandi út komandi tímabil.

Ísak var seldur frá Breiðabliki til Rosenborg eftir tímabilið 2022 þar sem hann var besti leikmaður Íslandsmótsins og Breiðablik Íslandsmeistari.

Ísak er 22 ára sóknarmaður sem uppalinn er hjá Aftureldingu og Norwich og kom frá enska félaginu til Breiðabliks.

Hann á að baki sex A-landsleiki og skoraði í janúar sitt fyrsta landsliðsmark. Á Transfermarkt segir að hann glími við nárameiðsli og spurning er hvenær hann verður klár í slaginn með Blikum. Samkvæmt heimildum Fótbolta.net ætti Ísak jafnvel að geta byrjað að spila í 2. umferð og verður því ólíklega með hér í kvöld.

   05.04.2024 21:03

Sjáðu þegar Ísak Snær tilkynnti heimkomuna á herrakvöldi Blika

Spámaður umferðarinnar Guðmundur Benediktsson, þáttastjórnandi Stúkunnar á Stöð 2 Sport er spámaður umferðarinnar og spáir fyrir leikina sem eru í 1. umferð deildarinnar.

Breiðablik 2 - 2 FH
FH vann tvisvar í Kópavogi seint á síðustu leiktíð en hér fá þeir ekki meira en eitt stig. Fjögur jafntefli í fyrstu umferð en Víkingur og KA skellihlægja á toppnum.

Breiðablik Blikar skrifuðu söguna síðasta sumar þegar liðið varð fyrst íslenskra karlaliða til að komast í Evrópukeppni. Svo sannarlega frábært afrek. Það má alveg færa rök fyrir því að sá árangur hafi komið niður á deildinni en Blikar höfnuðu að lokum í fjórða sæti og voru aldrei nálægt því að verja þann frábæra titil sem þeir höfðu unnið árið á undan. Blikar mæta eflaust hungraðir til leiks í ár og staðráðnir í að gera betur í deildinni.

Verður einnig áhugavert að sjá Halldór Árnason við stýrið en hann hefur verið hægri hönd Óskars Hrafns Þorvaldssonar síðustu ár en tók við liðinu eftir síðasta tímabil þegar Óskar Hrafn tók við Haugesund í Noregi.

Styrkleikar: Breiðablik er vel spilandi lið með frábæra einstaklinga í öllum stöðum. Einn af þeirra helstu styrkleikum er hversu vel þessir einstaklingar þekkja hvorn annan þar sem lykilmenn hafa spilað saman í mörg ár og það frábæra frjálsa flæði sem myndast í sóknarleik þeirra. Þeir vita alltaf hvað liðsfélaginn er að hugsa.

Veikleikar: Í fyrra var það veikleiki Blika hvernig jafnvægið á liðinu var þegar þeir missa boltann. Kannski voru þeir of stoltir til að laga það, en unga þjálfarateymið sem nú ræður ríkjum þarf að sanna sig og það fyrsta sem ég reikna með að þeir geri er að laga þennan þátt. Ef ekki verður það veikleiki Blika og þá kannski um leið reynsluleysi þjálfarateymisins þó að vissulega sé hellingur af reynsla þar, en kannski ekki reynsla í að hafa alla þessa ábyrgð á herðunum.

Lykilmenn: Það er erfitt að gera uppá milli þessara leikmanna, það væri hægt að nefna svona 16 leikmenn í þessum lið. Aron Bjarnason er kominn aftur heim frá Svíþjóð og það er ekki vegna þess að hann hafi ekki verið nógu og góður fyrir Allsvenskuna. Fyrirfram kandídat í leikmann ársins. Kristinn Steindórsson er frábær fótboltamaður sem les leikinn betur en flestir. Einn af þeim sem getur brotið upp varnarmúra með því að þræða boltann í gegnum minnstu glufur. Viktor Karl Einarsson er orkumikill miðjumaður sem getur leyst nokkrar stöður og hefur kannski staðið í skugganum á Gísla Eyjólfs síðustu ár. Þetta verður árið hans.

Leikmaður sem á að fylgjast með: Kristófer Ingi Kristinsson, Olivier Giroud Breiðabliks.

Komnir:
Aron Bjarnason frá Sirius
Benjamin Stokke frá Kristiansund
Kristinn Jónsson frá KR
Arnór Gauti Jónsson frá Fylki
Daniel Obbekjær frá Færeyjum
Tómas Orri Róbertsson frá Grindavík (var á láni)

Farnir
Gísli Eyjólfsson til Svíþjóðar
Anton Logi Lúðvíksson til Haugesund
Davíð Ingvarsson til Danmerkur
Klæmint Olsen til NSÍ (var á láni)
Ágúst Eðvald Hlynsson til Danmerkur
Ágúst Orri Þorsteinsson til Genoa
Oliver Stefánsson til ÍA
Arnar Númi Gíslason til Fylkis (var á láni hjá Gróttu)
Alex Freyr Elísson til Fram (var á láni hjá KA)

   07.04.2024 13:16

Fær Dóri valkvíða þegar hann velur í framlínuna?

FH FH er spáð 6.sæti deildarinnar af okkur spekingum hjá .net. FH stefnir auðvitað hærra og fá alvöru prófraun strax í 1.umferð.

FH endaði síðasta tímabil í 5.sæti deildarinnar með 40 stig, aðeins einu stigi á eftir Breiðablik og síðasta evrópusætinu í 4.sætinu.


Styrkleikar: FH eru vel mannaðir í flestum stöðum og mjög vel skipulagðir. Þeir hafa styrkt vörnina í vetur og eru með leikmannahóp á mjög góðum aldri. Meiðsli lykilmanna í úrslitakeppninni gerðu þeim erfitt fyrir í baráttunni um Evrópusæti en hópurinn er breiðari í ár og Heimir veit upp á hár hvernig á að ná árangri í þessari deild.

Veikleikar: Markaskorun gæti orðið vandamál, það eru margir í liðinu sem geta skorað en enginn sem hefur farið yfir 10 mörk í deildinni og þeirri markahæsti maður í fyrra er aðstoðarþjálfari í ár. Markvarslan var ekki góð í fyrra og Sindri Kristinn þarf að sýna sitt rétta andlit í ár.

Lykilmenn: Björn Daníel Sverrisson er einfaldlega frábær leikmaður og ef hann á gott tímabil er FH í góðum málum. Böðvar Böðvarsson styrkir FH mikið og hann er ekki einungis góður leikmaður heldur mikill karakter sem leiðir með góðu fordæmi. Dusan Brkovic er fenginn í Kaplakrika til að binda saman varnarleikinn og hann mun gera menn í kringum sig betri.

Leikmaður sem á að fylgjast með: Baldur Kári Helgason mun spila stórt hlutverk í FH þrátt fyrir ungan aldur. Mjög góður miðjumaður sem gæti slegið í gegn í sumar.

Komnir:
Ísak Óli Ólafsson frá Esbjerg
Böðvar Böðvarsson frá Svíþjóð
Dusan Brkovic frá KA
Sigurður Bjartur Hallsson frá KR
Arnór Borg Guðjohnsen frá Víkingi (var á láni - keyptur)
Kjartan Kári Halldórsson frá Noregi (var á láni - keyptur)
Allan Purisevic frá Stjörnunni
Arngrímur Bjartur Guðmundsson frá Ægi (var á láni)
Dagur Þór Hafþórsson frá ÍR (var á láni)

Farnir:
Davíð Snær Jóhannsson til Álasunds
Kjartan Henry Finnbogason orðinn aðstoðarþjálfari
Eggert Gunnþór Jónsson til KFA
Dani Hatakka
Eetu Mömmö til Lecce (var á láni)
Viðar Ari Jónsson til HamKam

Spáin fyrir Bestu deildina 2024! Við hjá fotbolti.net settum á okkur spádómshatta og reyndum að spá fyrir um fótboltasumarið 2024. Margir spyrnufróðir spekingar lögðu höfuð í bleyti og reyndu að spá fyrir um afdrif komandi sumars.

Álitsgjafar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig.

Svona leit þetta út eftir miklar vangaveltur:

1. Valur, 139 stig
2. Víkingur R., 135 stig
3. Stjarnan, 111 stig
4. Breiðablik, 109 stig
5. KR, 104 stig
6. FH, 81 stig
7. KA, 66 stig
8. Fram, 60 stig
9. ÍA, 59 stig
10. Vestri, 34 stig
11. Fylkir, 24 stig
12. HK, 14 stig

Heil og sæl! Verið hjartanlega velkominn í þessa þráðbeinu textalýsingu frá leik Breiðabliks og FH í 1.umferð Bestu deildar karla í knattaspyrnu þetta sumarið!

Leikið er á Kópavogsvelli, heimavelli Blika og maður lifandi hvað það er mikil spenna fyrir þessu Íslandsmóti!