Þetta var enginn stórskota leikur en FH var greinilega betra liðið á vellinum í dag. Þeir brjóta loksins múrinn hjá HK á 67. mínútu og þá var þetta aldrei spurning. HK voru aldrei líklegir til að skora í þessum leik.

Rauða spjaldið sem Atli Hrafn Andrason fékk. Það virtist enginn vera kalla eftir neinu sérstaklega en Elías virtist sjá eitthvað þarna. Í endursýningum sýnist mér Atli slá aðeins til andstæðings og því mögulega réttilegt að gefa honum annað gula spjaldið.

FH er með 6 stig eftir 3 leiki og líta bara frekar vel út, góð byrjun á mótinu fyrir þá. HK er aðeins með 1 stig og líta afar illa út. Það þarf margt að gerast til þess að staðan lagist hjá þeim.

Sóknarleikur HK í þessum leik var bara varla til staðar. Það gekk alveg hrikalega að koma boltanum upp völlinn og yfirleitt þegar það tókst þá kom ekki góð lokasending í sókninni. Áhyggjuefni fyrir HK.

Ef þetta reynist vera rétt dæmt rautt spjald þá finns mér Elías bara hafa átt prýðis góðan leik. Var ekkert að stoppa leikinn of mikið og spjöldin voru geymd sem mest í vasanum.