Hlýtur að vera uppselt Það er ansi þétt setið í höllinni, pláss fyrir 700 manns og mér sýnist ekki eitt sæti laust eða neitt pláss í viðbót. En þetta er að bresta á!

Sólin skín skært...... En því miður er það úti en ekki hér inn í höllinni eins og sést á færslunni frá Elvari Geir ritstjóra hér að neðan. Það er amk ekki kalt hérna inni og vel séð um blaðamenn með veitingum. Það er alltaf vel þegið :)

Prýðisveður fyrir utan!
Leiðinlegt að ekki sé spilað utandyra í dag. Það er frábært fótboltaveður á meðan þessi leikur fer fram. Nánast logn og heiðskírt, en völlurinn fyrir utan er ekki orðinn nægilega grænn, eins og myndin að ofan sýnir.

Rúnar Már gengur inn á völlinn Rúnar Már er kynntur fyrir stuðningsmönnum og gengur hér um á grasinu með ÍA trefil um hálsinn og fær standandi lófaklapp.

Allt að verða til reiðu í höllinni umtöluðu

Liðin eru mætt í hús Jón Þór Hauksson breytir ekki sigurliði og stillir upp sama liði og lagði HK fyrir viku síðan. Skagamenn hafa reyndar ekkert hróflað við byrjunarliði sínu í upphafi móts og hefur sama lið byrjað alla þrjá leiki liðsins.

Fylkismenn gera eina breytingu á liði sínu frá leiknum gegn Val. Orri Hrafn Kjartansson kemur inn í liðið eftir að hafa ekki mátt spila gegn Val og fær Ómar Björn Stefánsson sér sæti á bekknum í hans stað.

Það er Fan-Zone!

ÍA - Fylkir klukkan 17:00 á sunnudaginn í Akraneshöll ?

Fanzone verður í nýreistu partýtjaldi við höllina ????
Kl 13 Lille vs Strasbourg
Kl 15 Hervar B2B Dj Óli T
Kl 15:30 Fullham-Liverpool
Kl 19:15 Víkingur-Breiðablik

ATH: stefnir í að það verði uppselt, tryggið ykkur miða á… pic.twitter.com/3UB8kNYlsP

— ÍA Akranes FC (@Skagamenn) April 19, 2024

Dómarinn Pétur Guðmundsson er sá sem fær það verkefni að hafa stjórn á leiknum í dag. Bryngeir Valdimarsson og Þórður Arnar Árnasson eru honum til aðstoðar og eftirlitsmaður er Einar Örn Daníelsson.

Nadía Atla er spámaður umferðarinnar Nadía Atladóttir leikmaður Vals er sú sem spáir í umferðina í þetta skiptið. Hún býst við öruggum sigri heimamanna.

ÍA 3 - 0 Fylkir
ÍA tekur þennan leik 3-0.

Nýr leikmaður Skagamenn kynntu loksins á Herrakvöldi félagsins á föstudagskvöldið nýjan leikmann liðsins, fyrrum atvinnu og landsliðsmanninn Rúnar Má Sigurjónsson en það er búið að bíða ansi lengi eftir því að hægt sé að setja (staðfest) á það.

Það eru þó enn nokkrar vikur í að Rúnar geti spilað þar sem hann er að koma til baka eftir meiðsli.

   21.04.2024 09:15

„Hann verður 100% besti leikmaður ÍA“

Byrjun liðanna í sumar Skagamenn byrjuðu Bestu deildina þetta sumarið á því að heimsækja Val á N1 völlinn og óhætt er að segja að þar hafi verið við ramman reip að draga og lutu þeir í lægra haldi fyrir Valsmönnum. Í annarri umferð heimsóttu þeir svo HK í Kórinn og unnu þar góðan 0 - 4 sigur þar sem bar hæst þrenna Viktors Jónssonar.

Fylkismenn hafa ekki náð sigri í fyrstu tveimur leikjunum en hafa þótt spila góða knattspyrnu og átt meira skilið. Ólafur Kristófer markmaður þeirra hefur fengið mikið lof fyrir frammistöðu sína það sem af er.

Velkomin í Akraneshöllina Kæru lesendur, verið hjartanlega velkomin í beina textalýsingu frá leik heimamanna í ÍA sem fá gestina í Fylki í heimsókn í þriðju umferð Bestu deildar karla í knattspyrnu. Leikurinn hefst kl. 17:00

Leikurinn fer ekki fram á Elkemvellinum heldur í Akraneshöllinni þar sem grasið er ekki tilbúið. Óhætt að segja að sparkspekingar hafa verið ósáttir við að leikurinn hafi verið færður inn ef við miðum við umræður í fótbolta podköstum landsins.

   20.04.2024 22:31

Furðu lostnir yfir því að leyft sé að spila í Akraneshöllinni - „Ekki boðlegt“

   20.04.2024 14:24

Útvarpsþátturinn - Brottvísun sem eyðilagði leikinn