Þessi leikur var ekki mikið fyrir augað endilega. Ekki mikið um opin færi og bæði mörkin komu eftir föst leikatriði. Hefði viljað sjá meira í þessum leik en raun bar vitni en það sem einkennir hann er kannski einna helst barátta. Dýrt fyrir Val sem ætlaði sér klárlega meira í upphafi móts en að sama skapi sterkt hjá Fram sem hefur komið skemmtilega á óvart í upphafi móts.

Tryggvi Hrafn fékk færið til að gera út um leikinn í seinni hálfleik þegar hann var aleinn á fjærstöng en slæsaði boltann framhjá eftir flottan undirbúning hjá Val.

Bæði lið skipta með sér stigum. Valur fer í fimm stig og fer í 8.sætið á meðan Fram fer í sjö stig og í 4.sætið.

Tryggvi Hrafn Haraldsson fékk færi í dag til að klára þetta fyrir Val. Verður því miður að taka þetta á sig.

Solid. Reyndi ekki mikið á teymið endilega en þeir skiluðu sínu bara mjög vel.