Alvöru metnaður hjá HK! Liðin eru að ganga til vallar og ljósin slökkt í Kórnum og alvöru show. Verð að gefa HK hrós fyrir þetta.

Upphitun er hafin Hálftími er í að flautað verði til leiks og eru bæði lið mætt út á völl í upphitun. Það er ekki hægt að nota rigninguna sem aföskun að mæta ekki á völlinn í kvöld þar sem það er alltaf logn í kórnum.

Byrjunarliðin eru komin inn! Bæði lið stilla fram frekar ungum liðum en þó í bland við reynslubolta. Bæði lið eru með leikmenn í byrjunarliðinu sem fæddar eru árið 2009!

Byrjunarlið HK:
1. Payton Michelle Woodward (m)
2. Asha Nikole Zuniga
3. Olga Ingibjörg Einarsdóttir
5. Valgerður Lilja Arnarsdóttir
6. Brookelynn Paige Entz (f)
7. Guðmunda Brynja Óladóttir
8. Lára Einarsdóttir
9. Elísa Birta Káradóttir
11. Ísabel Rós Ragnarsdóttir
18. Birna Jóhannsdóttir
77. Hildur Lilja Ágústsdóttir

Byrjunarlið Gróttu:
1. Margrét Rún Stefánsdóttir (m)
5. Rakel Lóa Brynjarsdóttir
6. Telma Sif Búadóttir
8. Arnfríður Auður Arnarsdóttir
10. Rebekka Sif Brynjarsdóttir
13. Emily Amano
18. Kolbrá Una Kristinsdóttir
19. Díana Ásta Guðmundsdóttir
20. Sigrún Ösp Aðalgeirsdóttir (f)
21. Hildur Björk Búadóttir
24. Lovísa Davíðsdóttir Scheving

Dómarateymið Magnús Þór Jónsson mun dæma leikinn í kvöld og honum til aðstoðar munu vera Þórarinn Einar Engilbertsson og Piotr Wasala.

Brookelynn Paige Entz Það verður að teljast mikill fengur fyrir lið HK að hafa náð að halda Brookelynn Paige Entz sem lék einnig með þeim á seinasta tímabili. Hún var lykilleikmaður liðsins í fyrra og einn besti leikmaður deildarinnar. Hún býr yfir miklum gæðum og getur búið til eitthvað úr engu. Það má því gera þær kröfur að hún leyði liðið áfram í sumar og verði einn besti leikmaður deildarinnar.

Guðni tekur annað ár í Kópavoginum Guðni Þór Einarsson er að fara inn í sitt þriðja tímabil með lið HK. Hann hefur náð góðum árangri með lið HK og hefur liðið verið í toppbaráttu bæði árin sem hann hefur verið við stjórn. Áður en að hann tók við HK þjálfaði hann Tindastól þar sem hann kom liðinu upp tvær deildir og spilaði liðið í fyrsta sinn í efstu deild undir hans stjórn. Hann var nálægt því að komast upp með HK í fyrra og gerir maður því ráð fyrir að það sé stefnan í ár.

HK er spáð 4. sæti! Fyrirliðar og þjálfarar hafa spáð HK 4. sæti í Lengjudeild kvenna í ár. Samkvæmt þeirri spá er því ekki gert ráð fyrir að HK leiki í deild þeirra bestu á næsta ári.

Styrkleikar: HK er með einn besta leikmann deildarinnar í Brookelynn Entz en hún er núna á leið inn í sitt annað tímabil í Kópavoginum. Hún er með rosalega mikil gæði og mun lyfta liðsfélögum sínum upp á næsta stig. Þær ættu að geta myndað sterkt varnarlið með öflugan markvörð í Payton Michelle Woodward og sterkan erlendan miðvörð - Asha Zuniga. Það er góð stemning í Kórnum og er þjálfarateymið afar öflugt. Guðni er með reynslu í því að koma liðum upp úr þessari deild og það er svo sannarlega styrkleiki.

Veikleikar: HK hefur misst mikilvæga pósta úr liðinu frá því í fyrra. Isabella Eva Aradóttir, sem var fyrirliði, er ólétt, Kristín Anítudóttir McMillan hefur ekki verið með liðinu í vetur og ólíklegt er að Arna Sól Sævarsdóttir verði mikið með liðinu í sumar. Þetta eru sterkir íslenskir leikmenn sem spiluðu mikið í fyrra. Ungir leikmenn munu fá tækifæri, sem er skemmtilegt, en þær þurfa náttúrulega sinn tíma. Það getur verið erfitt að ganga í gegnum svona miklar breytingar. Liðið verður að gera betur gegn liðum í neðri helmingnum en í fyrra. Úrslitin á undirbúningstímabilinu gefa til kynna miðjumoð en það er klárlega ekki markmiðið hjá HK-ingum.

Lykilmenn: Asha Nikole Zuniga, Brookelynn Paige Entz og Guðmunda Brynja Óladóttir.

Fylgist með: Elísa Birta Káradóttir, fædd árið 2009 en kom við sögu í sjö leikjum í Lengjubikarnum í vetur og skoraði fjögur mörk, þar á meðal þrennu í sigri á Fram. Hefur verið viðloðandi yngri landslið Íslands og er virkilega spennandi leikmaður.

Komnar:
Andrea Elín Ólafsdóttir frá Haukum (var á láni)
Arndís Snjólaug Ingvarsdóttir frá Keflavík
Asha Nikole Zuniga frá Bandaríkjunum
Birna Jóhannsdóttir frá Álftanesi
Eydís Helgadóttir frá KR
Hildur Lilja Ágústsdóttir frá Breiðabliki
Hildur María Jónasdóttir frá FH (á láni)
Hugrún Helgadóttir frá KR
Jana Sól Valdimarsdóttir frá Val
Olga Ingibjörg Einarsdóttir frá Breiðabliki (á láni)
Payton Michelle Woodward frá Bandaríkjunum
Sóley Lárusdóttir frá Aftureldingu

Farnar:
Bryndís Eiríksdóttir frá Val (á láni)
Chaylyn Elizabeth Hubbard til Ungverjalands
Emma Sól Aradóttir í Fylki (á láni)
Eyrún Vala Harðardóttir í Fram (var á láni frá Stjörnunni)
Freyja Aradóttir í Fjölni
Henríetta Ágústsdóttir í Stjörnuna
Telma Steindórsdóttir í Fram

Rebekka Sif Brynjarsdóttir Rebekka Sif Brynjarsdóttir er virkilega efnilegur leikmaður sem er fædd árið 2009. Hún býr yfir miklum hæfileikum og er mjög leikin með boltann. Þetta er leikmaður sem er gaman að horfa á spila fótbolta og ég mæli með að fylgjast með henni í sumar sem og í framtíðinni!

Nýr þjálfari Gróttu Matthías Guðmundsson tók við liðinu fyrir komandi tímabil. Þetta er hans fyrsta tímabil sem aðalþjálfari í meistarflokki en áður var hann aðstoðarþjálfari Péturs Péturssonar hjá Íslandsmeisturum Vals. Það verður því áhugavert að sjá hvort að Matthías haldi áfram að vinna titla með nýju liði og nú sem aðalþjálfari.

Gróttu er spáð 8. sæti! Fyrirliðar og þjálfarar hafa spáð Gróttu 8. sæti í Lengjudeild kvenna í ár. Það verður að teljast athyglisvert þar sem liðið var nálægt því að komast upp í Bestu deildina í fyrra. Þær hafa þó misst lykilleikmenn og hefur nýr þjálfari tekið við stjórn.

Styrkleikar: Í liðinu er mikið af ungum Gróttustelpum sem hafa spilað lengi saman. Grótta kom mikið á óvart í fyrra og þær sem voru í liðinu þá hljóta að geta tekið það með sér inn í komandi sumar. Grótta er með öfluga miðju og fína breidd þar á vellinum sérstaklega. Þetta er samheldið lið og Gróttuleiðin er til alls líkleg. Nýr þjálfari liðsins er algjör sigurvegari og ætti að geta smitað því út frá sér inn í hópinn.

Veikleikar: Það hafa verið nokkuð miklar breytingar í vetur og það gæti tekið tíma fyrir liðið að aðlagast þeim. Veturinn hefur ekki verið frábær úrslitalega séð og það er ákveðið áhyggjuefni. Grótta skoraði mest af öllum liðum Lengjudeildarinnar í fyrra Hannah Abrahm og Ariela Lewis gríðarlega mikilvægar. Þær eru báðar farnar núna og það er mikið högg. Cornelia Baldi Sundelius, sem var öflug í markinu, er líka farin. Nýju erlendu leikmennirnir eru óskrifað blað. Vítateigarnir báðum megin eru hugsanlega vandamál og það er ekki gott.

Lykilmenn: Arnfríður Auður Arnarsdóttir, Emily Amano, Tinna Jónsdóttir.

Fylgist með: Rebekka Sif Brynjarsdóttir er afar spennandi leikmaður. Hún er dóttir Brynjars Björns Gunnarssonar, fyrrum landsliðsmanns. Hún er teknísk, með mikinn leikskilning og bara stórskemmtilegur leikmaður.

Komnar:
Birna Dís Eymundsdóttir frá Fylki
Bjargey Sigurborg Ólafsson frá Bandaríkjunum
Díana Ásta Guðmundsdóttir frá Augnabliki
Elvý Rut Búadóttir frá Fjölni
Emily Amano frá Svíþjóð
Franciele Cristina Soares Cupertino frá Póllandi
Hildur Björk Búadóttir frá Hollandi
Kolbrá Una Kristinsdóttir frá Val (á láni)
Lilja Davíðsdóttir Scheving frá Fram (var á láni)
Margrét Edda Lian Bjarnadóttir frá Þrótti R.
Margrét Rún Stefánsdóttir frá Tindastóli
Þórdís Ösp Melsted frá FH

Farnar:
Ariela Lewis í Aftureldingu
Cornelia Baldi Sundelius til Svíþjóðar
Hannah Abraham til Portúgal

Gengi liðanna á seinustu leiktíð HK var spáð 2. sæti í Lengjudeild kvenna af fyrirliðum og þjálfurum á seinasta ári og ef sú spá hefði ræst hefðu þær spilað í Bestu deild kvenna á þessu ári. HK hafnaði aftur á móti í 3. sæti með 3 stigum minna en Fylkir og réttmissti því af sæti í Bestu deild kvenna. Seinasta tímabil hlýtur því að hafa verið mikil vonbrigði fyrir HK og mæta þær eflaust tvíefldar til leiks í dag.


Gróttu var spáð 6. sæti í Lengjudeild kvenna af fyrirliðum og þjálfurum á seinasta ári og voru væntingar til liðsins ekki miklar. Það má því segja að Grótta hafi verið spútník lið deildarinnar þar sem þær blönduðu sér vel inn í toppbaráttuna. Þær mættu Fylki í hreinum úrslitaleik um að komast upp í Bestu deildina og hefði sigur dugað þeim til að komast upp. Þær töpuðu þeim leik naumlega 3-2 í æsispennandi leik og var því í þeirra hlut að enda í 4. sæti og leika aftur í Lengjudeild kvenna á þessu ári.

Fyrri viðureignir liðanna Liðin hafa mæst tvíveigis með stuttu milli bili núna rétt fyrir mót. Fyrri leikur liðanna var í lengjubikarnum þar sem HK hafði betur og unnu leikinn 1-0 með marki frá Hólmfríði Þrastardóttur.

Seinni leikur liðanna var í bikarnum og fór 1-1 þar sem Hildur Björk Búadóttir kom Gróttu yfir áður en Guðmunda Brynja Óladóttir jafnaði metin rétt fyrir leikslok og sá til þess að leikurinn færi í framlengingu. Ekkert mark var skorað í framlengingu og því fóru liðin í vítaspyrnukeppni þar sem Grótta hafði betur. Gaman er að segja frá því að Rakel Lóa Brynjarsdóttir sem er útileikmaður Gróttu spilaði á milli stanganna og varð bjargvættur Gróttu í vítaspyrnukeppninni!

Lengjudeild kvenna er farin af stað! Heil og sæl kæru lesendur og verið hjartanlega velkomin í beina textalýsingu frá viðureign HK og Gróttu í fyrstu umferð Lengjudeild kvenna.

Leikið verður inni í Kórnum og er þetta fyrsti leikur beggja liða í Lengjudeild kvenna þetta árið. Leikurinn hefst á slaginu 18:30.