„Við vorum einfaldlega ekki nógu góðir, sérstaklega í fyrri hálfleik," sagði Bjarni Guðjónsson þjálfari KR eftir 2-1 tap gegn ÍBV í úrslitaleik Fótbolta.net mótsins í kvöld.
„Sendingarnar gengu hægt og þá opnar maður ekki lið sem liggur til baka. Þegar við lendum í þessu þá þurfum við að hreyfa okkur hraðar og af meiri krafti."
Bjarni segir ágætis líkur á ða KR-inga sæki frekari liðsstyrk fyrir Íslandsmótið.
„Við erum að skoða hvernig við getum styrkt hópinn. Það þarf að vera eitthvað sem styrkir hópinn. Við ætlum ekki að ná í mann til að ná í mann."
„Við erum með fullt af ungum og efnilegum strákum en hópurinn hefur þynnst tölvuert mikið í vetur svo það er ekki ólíklegt að við bætum við mönnum."
Hér að ofan má sjá viðtalið í heild sinni.
Athugasemdir
