Bjarni Jóhannsson, þjálfari ÍBV, var kampakátur eftir 2-1 sigur liðsins á KR í úrslitaleik Fótbolta.net mótsins í kvöld.
„Þetta er fínt fyrir sálina í okkur. Við erum búnir að leggja mikið á okkur í þessu móti. Við erum búnir að fara margar ferðir í Herjólfi í alls konar veðri. Við vorum ferskir í þessu móti og duglegir. Það er komin aðeins betri mynd á þetta núna en mðaur átti von á," sagði Bjarni við Fótbolta.net eftir leik.
„Þetta er fínt fyrir sálina í okkur. Við erum búnir að leggja mikið á okkur í þessu móti. Við erum búnir að fara margar ferðir í Herjólfi í alls konar veðri. Við vorum ferskir í þessu móti og duglegir. Það er komin aðeins betri mynd á þetta núna en mðaur átti von á," sagði Bjarni við Fótbolta.net eftir leik.
Mikkel Maigaard Jakobssen, nýjasti leikmaður ÍBV, skoraði bæði mörkin í kvöld en það síðara kom eftir undirbúning frá Simon Smidt. Smidt er á reynslu hjá ÍBV en mun félagið semja við hann?
„Við skoðum það núna. Frammistaða hans var með ágætum. Hann er búinn að vera hér í tíu daga og okkur líst ágætlega á þá," sagði Bjarni sem talaði dönsku við leikmennina.
„Ég kann nokkur orð í dönsku. Maður lærði þetta í grunnskóla á Norðfirði," sagði Bjarni léttur.
Hér að ofan má sjá viðtalið í heild sinni.
Athugasemdir