„Í stöðunni 2-2 fengum við tvö mjög góð færi. Ef við horfum á leikinn heilt þá voru Bandaríkjamenn aðeins betri en við. Við urðum samt betri eftir því sem leið á leikinn. Þetta var góð reynsla fyrir okkur, við vorum með unga leikmenn og þetta var góður leikur."

Aron Sigurðarson skoraði í sínum fyrsta landsleik og Diego Jóhannesson fékk einnig tækifæri í hægri bakverðinum. Lars var spurður út í frammistöðu þeirra.

„Mér fannst þeir standa sig nokkuð vel. Markið hjá Aroni var mjög gott. Þegar þú getur skorað svona mörk þá hefur þú hæfileika. Nýju leikmennirnir hafa sýnt á æfingum og í leiknum að þeir hafa hæfileika og ef þeir halda áfram að leggja hart að sér þá gætu þeir komið mjög fljótlega inn í landsliðið."

Næstu leikir íslenska landsliðsins eru vináttuleikir gegn Danmörku og Grikklandi í mars en það eru síðustu leikirnir áður en hópurinn fyrir EM verður tilkynntur í lok maí.

Hér að ofan má sjá viðtalið í heild sinni.