ÍBV sigraði KR 2-1 í úrslitaleik í A-deild Fótbolta.net mótsins í Egilshöll í kvöld.

Hinn danski Mikkel Maigaard Jakobssen samdi við Eyjamenn í morgun og í kvöld byrjaði hann að vinna fyrir laununum með því að skora bæði mörkin í úrslitaleiknum.

Mikkel skoraði fyrst með stórglæsilegu skoti upp í bláhornið á 25. mínútu. Átta mínútum síðar bætti hann við marki eftir undirbúning frá landa sínum Simon Smidt sem er á reynslu hjá ÍBV.

Guðmundur Andri Tryggvason var áfram á skotskónum hjá KR en hann minnkaði muninn eftir að hafa komið inn á sem varamaður.

Hér að ofan má sjá mörkin úr leiknum en hann var sýndur í beinni á SportTv.