Helgi Sigurðsson þjálfari Fylkis er ánægður með að vera kominn í úrslitaleik Reykjavíkurmótsins eftir góðan sigur á KR í Egilshöllinni fyrr í kvöld.
KR-ingar voru manni færri síðasta klukkutíma leiksins eftir að Andre Bjerregaard sparkaði til mótherja er þeir lágu í gervigrasinu.
KR-ingar voru manni færri síðasta klukkutíma leiksins eftir að Andre Bjerregaard sparkaði til mótherja er þeir lágu í gervigrasinu.
Lestu um leikinn: KR 0 - 1 Fylkir
„Við erum í þessum mótum til að vinna þau og ætlum okkur stóra hluti í hverjum einasta leik. VIð erum að reyna að byggja upp hefð, að reyna alltaf að vinna leiki. Ég hef lagt mikinn metnað í að fá það inn í strákana að trúa því að þeir geti unnið hvaða lið sem er," sagði Helgi.
„Það var ekki mikið um færi í þessum leik, þeim mun meiri barátta, en við náðum að krafsa inn einu marki."
Helgi var spurður út í rauða spjaldið sem Bjerregaard fékk og telur það vera réttmætt.
„Eins og við sjáum það þá sparkar hann á eftir manni sem er búinn að brjóta á honum og þá er það yfirleitt rautt spjald. Ég ætla svosem ekkert að tjá mig um það, auðvitað vill maður helst spila leiki 11 á móti 11."
Helgi segist vera mjög ánægður með leikmannahópinn sinn, sem vann Inkasso-deildina í fyrra og er að gera góða hluti á byrjun upphitunartímabilsins. Hann ætli ekki að bæta við sig leikmönnum nema hann telji þá styrkja hópinn til muna.
„Auðvitað getur maður ekki útilokað að það komi einn eða tveir en ég á ekkert sérstaklega von á því núna. Ég get verið heiðarlegur með það að það er ekkert að gerast eins og staðan er núna."
Athugasemdir