sun 01. mars 2015 13:51
Hafliði Breiðfjörð
England: England: Glæsimörk tryggðu Liverpool sigur á City
Leikmenn Liverpool fagna marki Jordan Henderson í dag.
Leikmenn Liverpool fagna marki Jordan Henderson í dag.
Mynd: Getty Images
Liverpool 2 - 1 Manchester City
1-0 Jordan Henderson ('11 )
1-1 Edin Dzeko ('26 )
2-1 Philippe Coutinho ('75 )

Tvö glæsimörk Liverpool réðu úrslitum í stórleiknum gegn Manchester City í ensku úrvalsdeildinni í dag.

Lokatölur urðu 2-1 fyrir Liverpool liðið sem er komið í fimmta sæti deildarinnar og aðeins tveimur stigum frá Manchester United í þriðja sætinu.

Jordan Henderson kom Liverpool yfir með þrumuskoti fyrir utan teig og í slánna og inn á elleftu mínútu.

City jafnaði með marki Edin Dzeko á 26. mínútu en Sergio Aguero lagði markið upp á laglegan hátt.

Það var svo Philippe Coutinho se skoraði sigurmark Liverpool þegar stundarfjórðungur var enn eftir af venjulegum leíktíma. Hann lét þá vaða af löngu færi upp í samskeytin, glæsilegt mark.

Raheem Sterling lagði upp bæði mörkin hjá Liverpool í dag en hann hefur þar með lagt upp fleiri mörk á þessu tímabili en síðustu þrjú ár til samans.
Athugasemdir
banner
banner
banner
banner