Jackson Martinez, framherji Porto, er reglulega orðaður við félög í ensku úrvalsdeildinni og skal engan undra af hverju.

Kólumbíski framherjinn sýndi í kvöld að hann er meira en bara markaskorari þegar hann kom með stórkostlega stoðsendingu á liðsfélaga sinn, Cristian Tello.

Martinez tók boltann á kassann og sendi hann svo aftur fyrir sig á lofti, beint á Tello. Sendingin var gersamlega fullkomin og má sjá hana hér að neðan.