banner
   mið 01. apríl 2015 07:30
Alexander Freyr Tamimi
Redknapp að missa sig yfir spilamennsku Bournemouth
Harry Redknapp er yfir sig hrifinn af Bournemoutj.
Harry Redknapp er yfir sig hrifinn af Bournemoutj.
Mynd: Getty Images
Harry Redknapp er yfir sig hrifinn af sínum gömlu félögum í Bournemouth og segir liðið vera það mest spennandi á Englandi.

Redknapp stýrði Bournemouth í níu ár eftir að hafa spilað yfir 100 leiki fyrir liðið og er hann í skýjunum með að lærisveinar Eddie Howe séu á toppi Championship deildarinnar þegar einungis sjö leikir eru eftir af tímabilinu.

,,Ég er ekki í nokkrum vafa um að þeir eru besta liðið í deildinni. Á síðasta ári spiluðum við tvisvar við þá þegar ég stýrði QPR. Þeir voru frábært lið og ég var sannfærður um að þeir kæmust allavega í umspil á þessu tímabili. Eddie Howe hefur staðið sig frábærlega," sagði Redknapp.

,,Ég hef séð marga leiki og þeir eru besta liðið í deildinni. Þeir spila fótbolta sem allir knattspyrnustjórar á Englandi myndu elska að sjá sitt lið spila."

,,Ég elska að horfa á þá spila. Að mínu mati eru þeir mest spennandi liðið á Englandi. Ég er ekki að segja að þeir muni vinna Chelsea eða neitt þannig, en hvað varðar fótbolta er ekkert lið í landinu að spila skemmtilegari bolta en Bournemouth í augnablikinu."


Athugasemdir
banner
banner
banner