Ross Barkley vill fara framar á völlinn.
Ross Barkley, miðjumaður Everton, segir að hann myndi nýtast mun betur ef hann fengi að spila framar á vellinum.
Þessi 21 árs gamli enski landsliðsmaður þykir vera með efnilegri knattspyrnumönnum Englands, en hann segist þó ekki vera að sýna sínar bestu hliðar á miðri miðjunni.
Þessi 21 árs gamli enski landsliðsmaður þykir vera með efnilegri knattspyrnumönnum Englands, en hann segist þó ekki vera að sýna sínar bestu hliðar á miðri miðjunni.
,,Ég er bestur fyrir aftan framherjann. Mér finnst ég hafa mest áhrif þar því þá er ég frjáls til að hreyfa mig um völlinn, taka leikmenn á, taka skot og skapa færi," sagði Barkley.
,,Ég hef ekki gert jafn vel og ég veit að ég get, en svona hlutir gerast. Maður verður að ganga í gegnum erfiða daga til að upplifa frábæru dagana á ferlinum. Þetta er allt saman hluti af lærdómnum."
Athugasemdir
