Síðasta leik dagsins í Seríu A á Ítalíu var að ljúka, en Inter sótti þá Lazio heim til Rómar.

Lazio byrjaði leikinn miklum krafti og það var markamaskínan Miroslav Klose sem náði forystunni eftir átta mínútna leik.

Staðan var 1-0 í hálfleik, en það dró næst til tíðinda á 83. mínútu. Þá var Jeison Murillo, varnarmanni Inter, vikið af velli með sitt annað gula spjald.

Lazio fékk víti og úr vítaspyrnunni skoraði Antonio Candreva. Það reyndist lokamark leiksins og Lazio því sigurvegari í þessum leik.

Eftir leikinn er Lazio með 51 stig í áttunda sæti deildarinnar á meðan Inter er með 64 stig í fjórða sæti.