Pepsi-deildin byrjar að rúlla í dag með fjórum leikjum og í Vestmannaeyjum verður sannkallaður íþróttadagur þar sem handboltalið félagsins tekur á móti Haukum í úrslitakeppninni klukkan 15:00 og stóra stundin verður svo klukkan 17:00 þegar fótboltinn byrjar að rúlla og Skagamenn koma í heimsókn.
Það verður því blásið til hátíðar hjá eyjamönnum og stóru tíðindin eru þau að ÍBV hefur í samstarfi við styrktaraðila sína ákveðið að bjóða frítt á völlinn.
Þá verður boðið upp á grillaðar pylsur fyrir handboltaleikinn og pizzur frá 900 grillhúsi í hálfleik í leik ÍBV og ÍA.
Í tilkynningu frá ÍBV þakkar félagið þessum fyrirtækjum fyrir veittan stuðning: Vélaverkstæðið Þór, Eyjablikk, Ós – Þórunn Sveinssdóttir VE 400, Geisli, Skipalyftan, VSV, Glófaxi VE 300, Bergur VE 44, Godthaab og Bylgjan VE 75.
Athugasemdir