sun 01. maí 2016 18:44
Guðmundur Aðalsteinn Ásgeirsson
Koeman: Erum ennþá að berjast fyrir einhverju
Koeman var sáttur í leikslok
Koeman var sáttur í leikslok
Mynd: Getty Images
Ronald Koeman, stjóri Southampton, var að vonum sáttur eftir 4-2 sigur liðsins á Manchester City í dag.

Sadio Mane skoraði þrennu fyrir Southampton í leiknum, en Koeman hrósaði liðinu gríðarlega í leikslok.

„Þetta var frábær leikur. Kannski bestu fyrstu 45 mínúturnar hjá okkur á tímabilinu. Við skoruðum nokkur góð mörk, en við spilum með mikið sjálfstraust á heimavelli,“ sagði Koeman.

„Við sköpuðum svo mörg vandamál fyrir þá, en hraðinn var lykilinn að því að vinna leikinn. Sadio hafði stór áhrif á úrslitin og við stóðum okkur bara gríðarlega vel.“

„Við erum virkilega með lið af leikmönnum sem eru 'mótiveraðir' og okkur langar að spila góðan fótbolta. Við erum að berjast fyrir sæti í Evrópu og það er það sem okkur langar að gera. Tveir leikir eftir og við erum ennþá að berjast fyrir einhverju.“

Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner