Sænski dómarinn Jonas Eriksson mun dæma sinn síðasta fótboltaleik á morgun þegar Ísland og Noregur eigast við á Laugardalsvelli.
Flestir fótboltaáhugamenn kannast við Eriksson enda hefur hann verið meðal fremstu dómara Evrópu um margra ára skeið og dæmt ófáa risaleiki í Evrópuleikjum.
Flestir fótboltaáhugamenn kannast við Eriksson enda hefur hann verið meðal fremstu dómara Evrópu um margra ára skeið og dæmt ófáa risaleiki í Evrópuleikjum.
Eriksson er oft kallaður milljónamæringurinn enda á hann langan feril að baki í viðskiptalífinu og hefur hagnast þar mikið.
Fótboltinn hefur verið hans ástríða en hann segir í viðtali við sænska fjölmiðla að hann hafi fundið að neistinn væri ekki sá sami og hafi því ákveðið að leggja flautuna á hilluna.
Hann var ekki valinn meðal dómara á HM í Rússlandi og voru það honum mikil vonbrigði.
Vináttulandsleikur Íslands og Noregs á morgun hefst klukkan 20:00 á Laugardalsvelli.
Athugasemdir
