Nani, vængmaður Manchester United, hefur komist að samkomulagi við tyrkneska félagið Fenerbahce um kaup og kjör. Búist er við því að gengið verði frá félagaskiptunum í næstu viku.
Íþróttastjóri Fenerbahce, Giuliano Terraneo, hefur ferðast til Portúgal til að fara yfir smáatriði í samkomulaginu við umboðsmann leikmannsins.
Viðræður gengu hægt fyrir sig þar sem fjölskylda leikmannsins var ekki viss um að flytja búferlum til Tyrklands en hefur nú ákveðið að reyna að búa í nýju landi. Nani var sjö ár í Manchester og eitt ár í Lissabon þar sem hann var á láni hjá Sporting.
Nani skoraði ellefu mörk fyrir Sporting í öllum keppnum síðasta tímabil og gæti orðið þriðji portúgalski landsliðsmaðurinn hjá Fenerbahce.
Athugasemdir