Þann 2. júlí 2012 tryggði Jón Daði Böðvarsson Selfyssingum stig í botnbaráttuslag gegn Keflavík í Pepsi-deildinni með marki á 90. mínútu í leik liðanna í Keflavík. Annar landsliðsmaður, Arnór Ingvi Traustason skoraði einnig í þessum leik.
Á sunnudaginn, fjórum árum og einum degi eftir leikinn í Keflavík þá mun Jón Daði ganga inn á Stade de France í 8-liða úrslitum á EM með íslenska landsliðinu.
Á sunnudaginn, fjórum árum og einum degi eftir leikinn í Keflavík þá mun Jón Daði ganga inn á Stade de France í 8-liða úrslitum á EM með íslenska landsliðinu.
Jón Daði var spurður að því á fréttamannafundi hvort að landsliðsdraumurinn hafi verið í huga hans fyrir fjórum árum.
„Landsliðið var alltaf draumur en að komast í það á svona stuttum tíma var ekki alveg planið," sagði Jón Daði.
„Ég hugsa oft til baka og sé hversu stutt það er síðan maður var að spila á Selfossi, þessum litla bæ. Það gerir mann stoltan. Ég hef aldrei verið hamingjusamari."
Jón Daði var einnig spurður um athyglina sem íslenska liðið hefur fengið í heimspressunni undanfarna daga.
„Þetta er mjög stórt skref í íþróttasögu Íslands. Fjölmiðlathyglin er mikil og það fylgir þessu. Það er frábært skref að fá þessa jákvæðu athygli og það er gott fyrir framtíiðna."
Athugasemdir