Paul Pogba, leikmaður Juventus á Ítalíu, vill fara í sterkari deild. Þetta segir faðir leikmannsins við fréttamiðilinn AS.
Pogba fór frá Manchester United til Ítalíu árið 2012 en er nú orðaður við endurkomu á Old Trafford. Þá er Real Madrid einnig sagt hafa áhuga á leikmanninum.
"Hann vill spila í sterkari deild, hann getur valið á milli liða í sterkari deildum," sagði faðir leikmannsins.
Pogba er hluti af franska landsliðinu sem mætir Íslandi á EM á sunnudag.
Athugasemdir